ەلباسىنىڭ بەس الەۋمەتتىك باستاماسى اياسىندا شىمكەنت قالاسىنىڭ جاس وتباسىلارى مەن بيۋدجەتتىك سالا قىزمەتكەرلەرى باسپانا باعاسىنىڭ 10 پايىزىن العاشقى جارنا رەتىندە تولەپ، "7-20-25" باعدارلاماسىنا قاتىسۋعا مۇمكىندىك الدى.

ءتيىستى مەموراندۋمعا "باسپانا" يپوتەكالىق ۇيىمىنىڭ باسشىسى قايرات التىنبەكوۆ پەن شىمكەنت قالاسىنىڭ اكىمى عابيدوللا ءابدىراحىموۆ قول قويدى.

ەكى جاقتى كەلىسىم بويىنشا، ازاماتتاردىڭ اتالمىش ساناتىنا شىمكەنت قالاسىنىڭ اكىمدىگى ۇزاق مەرزىمدى، جەڭىلدەتىلگەن نەسيە بەرۋ ارقىلى العاشقى جارنانىڭ جارتىسىن تولەپ بەرمەك.

وسى ماقساتتا بيىلعى جىلى بولىنگەن سوما 500 ملن. تەڭگەنى قۇرايدى. جالپى، الداعى 2 جىلدىڭ كولەمىندە، شىمكەنت اكىمدىگى ءوز تۇرعىندارى ءۇشىن "7-20-25" باعدارلاماسىنىڭ العاشقى جارناسىن تومەندەتۋگە 2 ملرد. تەڭگە جۇمساماق. وسى ارقىلى، اكىمدىك شامامەن 2 مىڭ جاس وتباسى مەن بيۋدجەتتىك سالا قىزمەتكەرلەرىن الەۋمەتتىك قولداۋمەن قامتۋدى جوسپارلاپ وتىر.

"شىمكەنت "7-20-25" باعدارلاماسىنا قاتىسىپ جاتقان تۇرعىندارىنا جەرگىلىكتى اكىمدىكتەر قولداۋ كورسەتەتىن بىرلەسكەن جوبانى ىسكە اسىراتىن تۇڭعىش ءوڭىر اتانىپ وتىر. ءوز كەزەگىندە، وسى يگى باستامانى ءبىز باسقا دا وڭىرلەرمەن بىرلەسىپ، جۇزەگە اسىرۋعا دايىنبىز", - دەدى، "باسپانا" يپوتەكالىق ۇيىمىنىڭ باسقارما توراعاسى قايرات التىنبەكوۆ.

شىمكەنت قالاسىنىڭ اكىمى عابيدوللا ءابدىراحىموۆ قالادا "7-20-25" باعدارلاماسى بويىنشا 500 مىڭ شارشى مەتر تۇرعىن ءۇي سالىناتىنىن حابارلادى. بۇل 8 333 پاتەر.

قازىرگى تاڭدا، شىمكەنت قالاسىنىڭ تۇرعىندارى تسەنتركرەديت، اتفبانك، تسەسنابانك، Bank RBK مەن ەۋرازيالىق بانك ارقىلى يپوتەكالىق نەسيە الا الادى.

Abai.kz