شۋىلداپ، شۇرقىراپ ارتى ايعاي-شۋ بولىپ مەملەكەتتىك ءتىل ەمتيحانىنان ءسۇرىنىپ- قابىنىپ وتكەن پرەزيدەنتتىكە كانديداتتار ەل اراسىندا ءجۇر. شىندىعىندا، جامبىل  احمەتبەكوۆ بازاردا، عاني قاسىموۆ پەن مەلس ەلەۋسىزوۆ وسكەمەن مەن الماتىدا كوپقاباتتى ۇيلەردىڭ تۇرعىندارىمەن كەزدەسىپ مارە-سارە.

حالىقتىكى - قاسقا جول،  قاسىموۆتىكى - باسقا جول

عاني قاسىموۆ. بۇل كىسى سايلاۋعا ءتۇسىپ تىسقاققان كانديدات. ەڭ باستىسى - «ءتۇس» دەگەن بۇيرىق تۇسسە بولدى. كەزەكتەن تىس سايلاۋ جاريا بولعان تۇستا بىرازعا دەيىن ءۇنسىز جاتقان مۇرتتى گەنەرال اياق استىنان اتىپ شىقتى. مەملەكەتتىك ءتىل ەمتيحانىنان قالاي وتكەنى وزىنە جانە بۇيرىق بەرگەن باستىقتارىنا عانا ايان. بالكىم، مۇنىڭ سىرىن ءبىر بىلسە، مىرزاتاي جولداسبەكوۆ ءبىلۋى  مۇمكىن.

بۇل جولعى سايلاۋدىڭ ءبىر ەرەكشەلىگى - كانديداتتار تەلەارنالارعا شىعىپ، ولاردىڭ سايلاۋالدى ناۋقانىن ءاربىر كانال باسشىلارىنىڭ پەيىلىنە قاراي بەرىپ جاتىر. مۇمكىندىكتى گەنەرال دا پايدالانىپ كوگىلدىر ەكراننان كورىنىپ سايلاۋشىلارىن كوز ايىم ەتۋدە.

وتكەن جولى الماتىعا كەلگەن عاني مىرزا تۇرعىندارمەن كەزدەسىپ، جىبەك جولىنداعى ارباتتا قىدىرىستاعان جۇرتپەن جۇزدەستى. ارباتتاعى سۋرەتشىلەردىڭ ءبىرى كانديداتتىڭ  سۋرەتىن ءاپ-ساتتە سىزىپ قولىنا ۇستاتتى. ءسويتىپ، جۇرگەن كانديدات قاسىموۆ سايلاۋعا قانشا كانديدات قاتىسىپ جاتقانىنان جاڭىلىپ قالدى. ابىروي بولعاندا جۇرت اۋزىنا سالىپ بەردى.

شۋىلداپ، شۇرقىراپ ارتى ايعاي-شۋ بولىپ مەملەكەتتىك ءتىل ەمتيحانىنان ءسۇرىنىپ- قابىنىپ وتكەن پرەزيدەنتتىكە كانديداتتار ەل اراسىندا ءجۇر. شىندىعىندا، جامبىل  احمەتبەكوۆ بازاردا، عاني قاسىموۆ پەن مەلس ەلەۋسىزوۆ وسكەمەن مەن الماتىدا كوپقاباتتى ۇيلەردىڭ تۇرعىندارىمەن كەزدەسىپ مارە-سارە.

حالىقتىكى - قاسقا جول،  قاسىموۆتىكى - باسقا جول

عاني قاسىموۆ. بۇل كىسى سايلاۋعا ءتۇسىپ تىسقاققان كانديدات. ەڭ باستىسى - «ءتۇس» دەگەن بۇيرىق تۇسسە بولدى. كەزەكتەن تىس سايلاۋ جاريا بولعان تۇستا بىرازعا دەيىن ءۇنسىز جاتقان مۇرتتى گەنەرال اياق استىنان اتىپ شىقتى. مەملەكەتتىك ءتىل ەمتيحانىنان قالاي وتكەنى وزىنە جانە بۇيرىق بەرگەن باستىقتارىنا عانا ايان. بالكىم، مۇنىڭ سىرىن ءبىر بىلسە، مىرزاتاي جولداسبەكوۆ ءبىلۋى  مۇمكىن.

بۇل جولعى سايلاۋدىڭ ءبىر ەرەكشەلىگى - كانديداتتار تەلەارنالارعا شىعىپ، ولاردىڭ سايلاۋالدى ناۋقانىن ءاربىر كانال باسشىلارىنىڭ پەيىلىنە قاراي بەرىپ جاتىر. مۇمكىندىكتى گەنەرال دا پايدالانىپ كوگىلدىر ەكراننان كورىنىپ سايلاۋشىلارىن كوز ايىم ەتۋدە.

وتكەن جولى الماتىعا كەلگەن عاني مىرزا تۇرعىندارمەن كەزدەسىپ، جىبەك جولىنداعى ارباتتا قىدىرىستاعان جۇرتپەن جۇزدەستى. ارباتتاعى سۋرەتشىلەردىڭ ءبىرى كانديداتتىڭ  سۋرەتىن ءاپ-ساتتە سىزىپ قولىنا ۇستاتتى. ءسويتىپ، جۇرگەن كانديدات قاسىموۆ سايلاۋعا قانشا كانديدات قاتىسىپ جاتقانىنان جاڭىلىپ قالدى. ابىروي بولعاندا جۇرت اۋزىنا سالىپ بەردى.

گەنەرال كانديداتتى قوناققا شاقىرعان الماتى تۇرعىنى ول پرەزيدەنت بولۋعا لايىق ەكەنىن، سول ءۇشىن سايلاۋدا عانيدان داۋسىن ايامايتىنىن ايتىپ اعىنان جارىلدى.

سايلاۋالدى ناۋقانىنا قىزۋ كىرىسىپ كەتكەن سەناتور كانديدات ينتەرنەتتەگى الەۋمەتتىك جەلىلەرگە قوسىلىپ باعدارلاماسىننان ۇزىندىلەر بەرىپ، سايلاۋشىلاردىڭ نازارىن وزىنە اۋدارۋعا جانىن سالىپ باققان سىڭاي تانۋدا. جانىن سالىپ دەگەنىمىز جاي ءسوز، جالپى، كانديدات قاسىموۆتىڭ سايلاۋالدى ناۋقانىنىڭ ءبىر كۇنىنە قاراپ تۇرىپ ونىڭ جەڭىستەن ءۇمىتسىز ەكەنىن بايقاۋعا بولاتىنداي. ايتەۋىر، «قۇپ بولادى»، دەپ اسكەري ۋادە بەرىپ قويعان سوڭ سايلاۋ اياقتالعانشا شىداي تۇرۋعا دا امالسىز كونگەندەي.  ايتپاقشى، بۇل كانديداتىمىز «مەنىڭ جولىم -  مەنىڭ حالقىمنىڭ جولى!» دەگەن ءسوزدى ۇران ەتىپ ۇستاپ الىپتى. دۇرىسى - حالىقتىكى - قاسقا جول، قاسىموۆتىكى - باسقا جول ەمەس پە؟..

مەلس ەلەۋسىزوۆ - ءۇمىتسىز ۇمىتكەر

مەلس ەلەۋسىزوۆ. بۇ كىسى قازاقستانداعى ءنومىرى ءبىرىنشى تابيعات ساقشىسى. بىراق، ماشيناسى بار. سايلاۋ سايىن دودادان قالمايدى. عانيعا قاراعاندا، مەملەكەتتىك ءتىل ەمتيحانىنان ابىرويمەن ءوتتى. ءتۇسىپ ۇيرەنگەن سايلاۋى  - كوزدى جۇمدى دا قويىپ كەتتى. وتكەندە كانديدات ەلەۋسىزوۆ وسكەمەنگە كەزدەسۋگە باردى. كانديداتپەن ديدارلاسۋعا ىقىلاستى بولمادى الدە اقىرى قالاي بولاتىنىن الدىن-الا بىلگەن سوڭ با، قالالىقتاردى مەلس مىرزا داۋىس زورايتقىشپەن ايعايلاپ ءجۇرىپ، قولىنان سۇيرەگەندەي ەتىپ ارەڭ جينادى. از-كەم اڭگىمە قۇرىپ، وندىرىستەردەن شىعاتىن كوك تۇتىنگە تۇنشىعىپ جاتاتىن وسكەمەندىكتەرگە تابيعات ساقشىسى «عايىپتان تايىپ پرەزيدەنت بولا قالسام، ماسەلەنى شەشەمىن»، دەگەن سىڭايدا ءسوز ايتتى. تۇرعىنداردىڭ كسك-دان كورگەن قورلىقتارىنا جانى اشىعان كانديدات «بۇل تۋرالى ارنايى زاڭ قابىلدانباي شارۋا بىتپەيدى» دەگەن ويىن ايتتى. ودان شىعىپ ستۋدەنتتەرمەن كەزدەستى. تەلەارنالار مەلس ەلەۋسىزوۆتى ەلەمەي وتىرعان جوق. كانديداتتارمەن قاتار جارناماسى ءجۇرىپ تۇر.

كانديدات: «ەلدەگى ماسەلەنى پرەزيدەنت سايلاۋ ارقىلى كوتەرۋ بولسا، ەڭ باستى ماقساتىم -   بولاشاقتا ءماجىلىس دەپۋتاتى بولا وتىرىپ، سول ماسەلەلەردى شەشۋ»، - دەيدى. قاراپ تۇرساق، اقوردانىڭ تورىنە جايعاسۋدان ەلەۋسىزوۆتىڭ تە ۇكىلەنگەن ءۇمىتى كورىنبەيدى. ءۇمىتسىز ۇمىتكەردىڭ ءۇمىتى نە سوندا؟ پرەزيدەنت بولۋ ما، پرەزيدەنت سايلاۋىنا قاتىسۋ ارقىلى ماجىلىسكە بارۋ ما؟ و، توبا، بۇندايدا كانديدات بولادى ەكەن-اۋ، ءا؟

احمەتبەكوۆ كىمدەرمەن الىسپاق بولىپ ءجۇر؟

جامبىل احمەتبەكوۆ. كانديدات احمەتبەكوۆتىڭ تەلەارنالاردىن بەرىلەتىن سايلاۋالدى جارنامالىق روليگى ەرەكشە. شىعىس جەكپە-جەگىنىڭ بىرنەشە ءتاسىلىن كورسەتكەن ءبىزدىڭ جاكەڭنىڭ  تەمىردەي ءتارتىپ ورناتاتىنى ايتىلادى. وزىنە ۇنايتىن بولسا كەرەك. بىراق سايلاۋشىنىڭ ءبىرى - بىزگە جامبىل باتىردىڭ جەكپە-جەككە اۋەستىگى تىم جەڭىل تريۋك بولىپ كورىندى. انەۋگۇنى جامبىل مىرزانى استانانىڭ جابىق بازارلارىنىڭ ءبىرىن ارالاپ جۇرگەن جەرىنەن كورىپ قالدىق. بازار ساۋداگەرلەرىنىڭ كوبى قارتايعاندا زەينەتاقىسىز قالۋى مۇمكىن ەكەنىن ايتقان احمەتبەكوۆ بۇدان شىعار جولدى ويلاستىرۋ كەرەكتىگىن جانە «بولاشاق» باعدارلاماسىمەن وقىپ كەلگەندەردەن كوك تيىن پايدا جوقتىعىن كەسىپ ايتتى. جانە جاس مامانداردىڭ جۇمىسقا ورنالاسۋ كەزىندە كورەتىن كەدەرگىلەردى جويۋ ارقىلى ازاماتتاردىڭ جۇمىسقا ورنالاسۋ ماسەلەسىن شەشۋدىڭ جولدارىندا تاپتىشتەپ ءوتتى. قازاقستان كوممۋنيستەرى پارتياسىنىڭ اتىنان ءتۇسىپ جاتقان جامبىل احمەتبەكوۆ قىزىل پارتيانىڭ كۇنى باتقانىن ءوزى جاقسى بىلەدى ءھام ەلدە كوممۋنيستەردەن كىسىلىك ءىس كۇتپەيتىنىن تۇسىنەتىن بولسا كەرەك. ونىڭ سايلاۋعا تۇسكەن ماقساتىن ءبىر قۇداي بىلمەسە، ءبىز بىلمەدىك.

ەلوكتاراتىن ەلەمەيتىن ەلباسى

نۇرسۇلتان نازارباەۆ.ەلدىمەكەننىڭ قاي تۇكپىرىندە بولماسىن  سايلاۋالدى پلكاتتاردان اياق الىپ جۇرە المايمىز. ۇلكەن قالالارداعى بيلبوردتاردا دا ءبىرىنشى كانديداتتىڭ بەينەسى مەن جالىندى سوزدەرى جايناپ تۇر. البەتتە، بۇل كانديداتتىڭ بەينەسىن ەكراننان دا ۇنەمى كورەمىز. ءتىپتى...

بىراق سايلاۋالدى باعدارلاماسىمەن تانىستىرىپ، سايلاۋشىلارمەن كەزدەسىپ جۇرگەن نۇرەكەڭدى بايقاي المادىق. شاماسى، ەلباسى نەشە جىلدان بەرى داۋىسىن تۇراقتى تۇردە بەرىپ كەلە جاتقان  ەلوكتارتتىڭ ادەتتەگى ادالدىعىنان اينىماسىنا سەنىمدى بولسا كەرەك.

ءتۇيىن.

ءتۇيىنىن ءساۋىردىڭ 3-ءى كۇنى بىلەسىز. مۇمكىن ءبىلىپ تە وتىرعان شىعارسىز...

«اباي-اقپارات»