الماتى قالاسى ىشكى ساياسات باسقارماسىنىڭ قولداۋىمەن،  «ادىرنا» ۇلتتىق-ەتنوگرافيالىق بىرلەستىگى  «ازاماتتىق بورىش» جوباسى اياسىندا  باۋىرجان مومىشۇلى اتىنداعى «جاس ۇلان» رەسپۋبليكالىق اسكەري مەكتەبىندە  - اۋعان سوعىسىنىڭ ارداگەرى، «قۇرمەت»، «ەرلىگى ءۇشىن» مەدالدارىنىڭ يەگەرى ءادىل ابدىحالىقوۆپەن كەزدەسۋ وتكىزدى.

ءادىل ابدىحالىقوۆ مەكتەپتە وقىپ جۇرگەندە اسكەرگە شاقىرىلعان. اسكەري بورىشىن اتقارىپ جاتقان جاس جاۋىنگەر جارلىق بويىنشا اۋعانستانعا اتتانادى. ىستىق نۇكتەگە اتتانار الدىندا، كسرو ەلدەرىنەن جينالعان 700 اسكەر، ونىڭ ىشىندە 120 قازاق  ساپەر لاۋازىمىنا  تۇرىكمەنستانداعى اشحاباد قالاسىندا 2 ايلىق دايىندىققا جىبەرىلەدى. سوعىستاعى كوزگە كورىنبەيتىن جاۋ – مينانى زالالسىزداندىرۋ، كولونالاردى ءبىر نۇكتەدەن  ەكىنشى نۇكتەگە جەتكىزۋ قىزمەتىمەن اينالاسقان. 60°-70° گرادۋستىق ىستىقتا  تاۋ شاتقالدارى اراسىنان مينا ىزدەۋ ەڭ قيىن كەزەندەردىڭ ءبىرى بولعانىن ايتا كەتتى.

“سول كيىن ساتتەردە ينتەرناتسيونالدى ۇلتتار اراسىندا جۇرگەن قازاقتاردىڭ توزىمدىلىگى مەن قايسارلىعى ەشكىمنەن كەم بولمادى”، - دەيدى.

سوعىس بارىسىندا ءادىل بەكتاسۇلىمەن ءبىر روتادا 12 قازاق بولدى، ەكەۋى سوعىس الاڭىندا، بىرەۋى قازاقستانعا ورالىپ مەرت بولادى. ال، ءادىل ابدىحالىقوۆ قازاقستانعا ورالعاننان كەيىن وقۋعا ءتۇسىپ، بۇگىنگى تاڭدا ءوزىنىڭ جەكە كاسىبىمەن اينالىسۋدا.

اۋعان سوعىسى بىتكەنىنە كەلەر جىلى 30 جىل تولادى. وسى ۋاقىتتا اسكەري باۋىرلارىمەن بايلانىستارىن ۇزبەگەنىن، ءاردايىم كەزدەسۋلەر وتكىزىپ، تىعىز قارىم-قاتىناستا ەكەندەرىن ايتتى. قازا بولعان قارۋلاس دوستارىنىڭ، مايداندا جاندارىن قيعان  جولداستارىنىڭ قۇرمەتىنە، وزدەرى ءبىلىم العان مەكەمەدە سپورتتىق ءىس-شارالارىن دا ۇيىمداستىرىپ تۇرادى ەكەن.

“سوعىستىڭ بەرەرىنەن الارى كوپ ەكەنىن ءتۇسىندىم. سوعىس ومىرگە قوز-قاراسىندى وزگەرتەدى، ومىرلىك مەكتەپتىن ەڭ قاتىگەزى سول بولار”، - دەيدى ارداگەر.

ال، كەزدەسۋگە قاتىسقان اسكەري مەكتەپتىڭ ءۇشىنشى جانە ءتورتىنشى روتا ۇلاندارى دا  العان اسەرلەرىمەن ءبولىستى. ارداگەرگە كوكەيدەگى ساۋالدارىن قويىپ، ەستەلىك فوتوعا ءتۇستى.

انەل عاليەۆا

Abai.kz