مۇحتار شەرىم. جيرينوۆسكيدىڭ جىنى كەلدى!
(ساياسي ساتيرا)
قۇداي-اۋ، كۇنى كەشە عانا كۇشەنە-كۇشەنە كەڭىردەگى تەسىلە جازداعان «جىندى» جيرينوۆسكي، يا، يا رەسەي دۋماسى توراعاسىنىڭ ورىنباسارى ۆلاديمير جىندوۆسكي توپان سۋدىڭ ۇستىندە اعىپ بارادى!
ماسكەۋدە جەردىڭ «قىتىعى» كەلىپ، قاتتى تۇشكىرىپ سالۋىنىڭ اسەرىنەن رەسەي وزەندەرى كەمەرىنەن اسىپ، جەر بەتىنە جايىلا باستاعان ەدى... جيرينوۆسكي بايعۇس بورەنەنىڭ ۇستىندە شوقيىپ وتىر. سونادايدان اعىپ كەلە جاتقان بىردەڭەنى كوزى شالدى. جاقىنداعاندا بايقادى، كرەسلوسىمەن اعىپ كەلە جاتقان رەسەي پرەزيدەنتى مەدۆەدوۆ ەكەن.
- دمي-دمي... دميتري! قۇتقارا گور مەنى!-دەپ ايقايلادى بۇل.
- اتاڭا نالەت دەسە!-دەپ تىستەندى پرەزيدەنت.
- ءوي، پرەزيدەنت دەگەن بالاعاتتامايدى...
- ءيتتىڭ بالاسى دەسە! نەڭ بار ەدى، كۇلىپ؟
- كۇلەمىز عوي، ەندى ۇرمەيتىن شىعارمىز؟
- سەن كۇلىپ تە، ءۇرىپ تە ءجۇرسىڭ!
- نە ىستەپ قويدىم سونشاما؟
- جاپونيا ەلى جەر سىلكىنىسىنەن، تسۋناميدەن ون مىڭداعان ادامىنان ايىرىلىپ، قايعى جۇتىپ وتىرعاندا، «ويباي، سول كەرەك وزدەرىنە! كۋريل ارالدارىن تۇستەرىڭدە كورەسىڭدەر ەندى! ولىڭدەر، قىرىلىڭدار!» دەپ تەلەديداردان سويلەگەنىڭ نە؟
- سويلەسە شە؟ باتىس قازاقستان رەسەيدىكى دەپ تە ءجۇرمىن، وندا تۇرعان نە بار؟
- ەستىپ قويدى...
- كىم؟
- قۇداي. ءسويتىپ ءبىزدىڭ ەلگە توپان سۋ جىبەرىپ وتىر، ەسالاڭ!
(ساياسي ساتيرا)
قۇداي-اۋ، كۇنى كەشە عانا كۇشەنە-كۇشەنە كەڭىردەگى تەسىلە جازداعان «جىندى» جيرينوۆسكي، يا، يا رەسەي دۋماسى توراعاسىنىڭ ورىنباسارى ۆلاديمير جىندوۆسكي توپان سۋدىڭ ۇستىندە اعىپ بارادى!
ماسكەۋدە جەردىڭ «قىتىعى» كەلىپ، قاتتى تۇشكىرىپ سالۋىنىڭ اسەرىنەن رەسەي وزەندەرى كەمەرىنەن اسىپ، جەر بەتىنە جايىلا باستاعان ەدى... جيرينوۆسكي بايعۇس بورەنەنىڭ ۇستىندە شوقيىپ وتىر. سونادايدان اعىپ كەلە جاتقان بىردەڭەنى كوزى شالدى. جاقىنداعاندا بايقادى، كرەسلوسىمەن اعىپ كەلە جاتقان رەسەي پرەزيدەنتى مەدۆەدوۆ ەكەن.
- دمي-دمي... دميتري! قۇتقارا گور مەنى!-دەپ ايقايلادى بۇل.
- اتاڭا نالەت دەسە!-دەپ تىستەندى پرەزيدەنت.
- ءوي، پرەزيدەنت دەگەن بالاعاتتامايدى...
- ءيتتىڭ بالاسى دەسە! نەڭ بار ەدى، كۇلىپ؟
- كۇلەمىز عوي، ەندى ۇرمەيتىن شىعارمىز؟
- سەن كۇلىپ تە، ءۇرىپ تە ءجۇرسىڭ!
- نە ىستەپ قويدىم سونشاما؟
- جاپونيا ەلى جەر سىلكىنىسىنەن، تسۋناميدەن ون مىڭداعان ادامىنان ايىرىلىپ، قايعى جۇتىپ وتىرعاندا، «ويباي، سول كەرەك وزدەرىنە! كۋريل ارالدارىن تۇستەرىڭدە كورەسىڭدەر ەندى! ولىڭدەر، قىرىلىڭدار!» دەپ تەلەديداردان سويلەگەنىڭ نە؟
- سويلەسە شە؟ باتىس قازاقستان رەسەيدىكى دەپ تە ءجۇرمىن، وندا تۇرعان نە بار؟
- ەستىپ قويدى...
- كىم؟
- قۇداي. ءسويتىپ ءبىزدىڭ ەلگە توپان سۋ جىبەرىپ وتىر، ەسالاڭ!
توبەدەن تىكۇشاق كورىنىپ، پرەزيدەنتتى ارقانمەن تارتىپ الىپ كەتتى. جىندوۆسكي ۇمتىلىپ ەدى، مەدۆەدوۆ ءتىلىن شىعارىپ، مازاقتاعان بولدى... ەندى قايتتى؟ قارنى دا اشىپ بارادى... قايران قازاقستانىم-اي... سوندا تۋىلدىم، سوندا ءوستىم، ءبىر ءۇزىم نان بەرە گور... سونادايدان ستول اعىپ كەلەدى. ۇستىندە بىرەۋ وتىر. ءجاي وتىرعان جوق، بۋتەربورد جەپ وتىر. جاقىنداعاندا بارىپ تانىدى، رەسەي پرەمەر-ءمينيسترى پۋتين ەكەن...
- داي حلەب، كۋسوك...-دەپ تامساندى بۇل. بورەنە تولقىنمەن اعىپ، وعان جاقىندادى.
- اتاۋىڭدى جە...-دەدى اناۋ.
- ءوي، سەندەرگە نە بولعان؟ مەن ۇلى رەسەي مۇددەسى ءۇشىن...
- قۇداي قىلىعىڭدى كەشىرمەدى... سەنىڭ كەسىرىڭنەن كابينەتىمدە وتىرعان كۇيى اعىپ كەلەمىن!
- كەشىرىڭىز...
- نە جىندى ەمەسسىڭ، نە ساۋ ەمەسسىڭ!
- ءبىز قايدا اعىپ بارامىز ءوزى؟
- جاپونياعا!
- ءولا-ءا...
- ءبالا-ءا...
تىك ۇشاق كورىنىپ، ءپۋتيندى دە الىپ كەتتى. جىندوۆسكيدىڭ جىنى كەلدى. اعىسى قاتتى تولقىن مۇنى تۇنشىقتىرا جازدادى. سول اققان كۇيى جاپونيا جاققا بارىپ توقتادى. اش. ءالى جوق. اشەيىندە ايەلىنەن باسقا ەشكىمدى قۇشاقتامايتىن ول بورەنەگە جاتقان بويى قۇشاقتاپ الىپتى... جاعاعا كەلىپ تىرەلىپتى بورەنەسى. جىرتيتىپ، كوزىن اشسا، جاپونيا پرەمەر-ءمينيسترى ناوتو كان قولىن سوزىپ تۇر ەكەن... مۇنىڭ بار ايتقانى: «براتان، داي ستو گرامم...»
«اباي-اقپارات»
