قازاقستان رەسپۋبليكاسى باس پروكۋراتۋراسىنا

قازاقستان رەسپۋبليكاسى جوعارعى سوتىنا

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنە

قۇرمەتتى دوستار!

ادىلەتتىلىك تالابى كەمەلدەنگەن قوعامنىڭ بولىنبەس قاسيەتى.

ادىلەتتىلىككە سىزا تۇسكەندە قوعامنىڭ بەرەكەسى تايازداناتىنى انىق.

ادىلەتتىلىك ءار-ءبىر ادامعا ەڭبەك بەرۋشىنىڭ قاتىناسى، جۇمىس ىستەۋشىگە ادامگەرشىلىك كوزقاراستان باستالارى انىق.

كوپە-كورنەۋ ادىلەتسىزدىك فاكتىلەرى قوعامدى ىدىراتىپ قانا قويماي، پەسسيميزم اكەلەدى.

وسىناۋ ادىلەتسىزدىك فاكتىلەرى مىنا ادامعا قاتىستى ءبىر جىلدان استام اشىقتان-اشىق، ەلىمىزدىڭ زاڭدارىنا قارسى، زورلىق-زومبىلىقپەن ءىس جۇزىنە اسۋدا.

بۇل ءبىزدىڭ فەيسبۋك الەۋمەتتىك جەلىسىندەگى دوسىمىز ساۋلە اليپوۆا دەگەن ازاماتشا.

بۇگىندە ەڭبەكشىقازاق اۋدانى اكىمدىگىنىڭ جاۋاپتى قىزمەتكەرلەرى وسى ازامشانىڭ ازاماتتىق قۇقىن تاپتاپ قانا قويماي، ەلىمىزدىڭ زاڭدارىن «شىر ايلاندىرىپ»، زاڭداردى بەلشەسىنەن باتتاپ وتىر.

ءسوزىڭ بايىبى تومەندە.

ساۋلە اليپوۆا 2005 جىلى بالتاباي اۋىلدىق وكرۋگىنىڭ اكىمى اپپاراتىنا جۇمىسقا قابىلدانادى. 2009 جىلى وسى اۋىلدىق اكىمىنىڭ ورىنباسارى لاۋازىمىنا جوعارىلايدى.

كەيىنىرەكتە اۋدان باسشىلىعىمەن بەيمالىم ماسەلەلەرگە كەلىسە الماي، بۇل كىسىنى قۋدالاۋ باستالادى.

قۋدالاۋ ساۋلە اليپوۆانى ءار-ءتۇرلى سەبەپبەرمەن جۇمىستان شىعارۋمەن اياقتالادى.

قازاقستان رەسپۋبليكاسى كاسىپوداقتار فەدەراتسياسى ءىستىڭ ءمان-جايىنا ساراپتاما جاساي وتىرىپ، ەڭبەكشىقازاق اۋدانى اكىمشىلىگى، اتالعان اۋداننىڭ سوت وكىلدەرى زاڭدى بەلشەسىنەن باسا وتىرىپ، ءوز الدىنا شەشىمدەر شىعارا بەرەتىن ءتارىزدى.

ادىلەتسىزدىك، ادامنىڭ قۇقىن تاپتاۋ، كوپە-كورنەۋ زاڭدى بۇزۋ دەگەن وسى شىعار!

1. شاعىمدانۋشى كاسىپوداق مۇشەسى ەكەندىگىن، سونداي اق بالتاباي اۋىلدىق وكرۋگى اكىمى اپپاراتى جانىنان قۇرىلعان كاسىپوداق كوميتەتىنىڭ ءتورايىمى ەكەندىگىن حابارلايدى. ەڭبەك كودەكسىنىڭ 146-بابىنا سايكەس كاسىپتىك وداقتىڭ كاسىپوداق ورگاندارىنىڭ قۇرامىنا كىرەتىن جۇمىسكەرلەردiڭ ەڭبەگى "كاسىپتىك وداقتار تۋرالى" قازاقستان رەسپۋبليكاسىنىڭ 2014 جىلعى 27 ماۋسىمداعى № 211-V زاڭىندا (بۇدان ءارى – كاسىپوداقتار تۋرالى زاڭ) كوزدەلگەن ەرەكشەلiكتەرمەن بiرگە ەڭبەك كودەكسىمەن رەتتەلەدi.

زاڭدى تۇلعا تاراتىلعان نە جۇمىس بەرۋشى جەكە تۇلعانىڭ قىزمەتى توقتاتىلعان جاعدايلاردان باسقا، نەگىزگى جۇمىسىنان بوساتىلماعان، سايلانبالى كاسىپوداق ورگاندارىنىڭ مۇشەلەرىمەن ەڭبەك شارتىن جۇمىس بەرۋشىنىڭ باستاماسى بويىنشا بۇزۋعا وسى ادامدار مۇشەلەرى بولىپ تابىلاتىن كاسىپوداق ورگانىنىڭ ءۋاجدى پىكىرى ەسكەرىلە وتىرىپ، ەڭبەك شارتىن بۇزۋدىڭ جالپى ءتارتىبى ساقتالعان كەزدە جول بەرىلەدى. زاڭدى تۇلعا تاراتىلعان نە جۇمىس بەرۋشى جەكە تۇلعانىڭ قىزمەتى توقتاتىلعان جاعدايلاردان باسقا، نەگىزگى جۇمىسىنان بوساتىلماعان كاسىپوداق ورگانىنىڭ باسشىسىمەن (توراعاسىمەن) ەڭبەك شارتى جوعارى تۇرعان كاسىپوداق ورگانىنىڭ ءۋاجدى پىكىرىنسىز جۇمىس بەرۋشىنىڭ باستاماسى بويىنشا بۇزىلۋى مۇمكىن ەمەس.

تارتىپتىك جازا قولدانۋ جانە نەگىزگى جۇمىسىنان بوساتىلماعان، سايلانبالى كاسىپوداق ورگاندارىنىڭ مۇشەلەرىمەن ەڭبەك شارتىن جۇمىس بەرۋشىنىڭ باستاماسى بويىنشا بۇزۋ تۋرالى جۇمىس بەرۋشىنىڭ اكتىسىن شىعارعان كەزدە كاسىپوداق ورگانىنىڭ ءۋاجدى پىكىرىن ەسەپكە الۋ ۇجىمدىق شارتتا كوزدەلگەن تارتىپپەن جۇرگىزىلەدى.

سوتتار ەڭبەك شارتىن جۇمىس بەرۋشىنىڭ باستاماسى بويىنشا بۇزۋدىڭ نەمەسە تارتىپتىك جاۋاپتىلىققا تارتۋدىڭ زاڭدىلىعى تۋرالى داۋدى شەشكەن كەزدە "كاسىپوداق مۇشەسى" جانە "سايلانبالى كاسىپوداق ورگانىنىڭ مۇشەسى" دەگەن ۇعىمداردىڭ اراجىگىن اجىراتۋى كەرەك. زاڭناما نەگىزگى جۇمىسىنان بوساتىلماعان، سايلانبالى كاسىپوداق ورگاندارىنىڭ مۇشەلەرىنە عانا قاتىستى كاسىپتىك وداقتىڭ كاسiپوداق ورگانىنىڭ ءۋاجدى پىكىرىن الۋدى تالاپ ەتەدى. جۇمىس بەرۋشى ەڭبەك شارتىن جۇمىس بەرۋشىنىڭ باستاماسى بويىنشا بۇزۋ جانە تارتىپتىك جاۋاپتىلىققا تارتۋ تۋرالى بۇيرىقتى شىعارۋ كەزىندە كاسىپتىك وداقتىڭ كاسiپوداق ورگانىنىڭ ءۋاجدى پىكىرىن الۋعا مىندەتتى.

ەڭبەك شارتىن جۇمىس بەرۋشىنىڭ باستاماسى بويىنشا بۇزۋ نەمەسە نەگىزگى جۇمىسىنان بوساتىلماعان، سايلانبالى كاسىپوداق ورگانىنىڭ مۇشەسىن تارتىپتىك جاۋاپتىلىققا تارتۋ ساتىندە كاسىپتىك وداق ورگانىنىڭ ءۋاجدى پىكىرىنىڭ بولماۋى جۇمىسقا قايتا الۋ تۋرالى تالاپ قويۋدى قاناعاتتاندىرۋ ءۇشىن ءسوزسىز نەگىز بولىپ تابىلادى، ويتكەنى ءۋاجدى پىكىر بۇيرىق شىعارىلعانعا دەيىن الىنۋعا ءتيىس.

ياعني، ساۋلە اليپوۆاعا قارسى جاسالعان جۇمىستان شىعارۋ، قۋدالاۋ ماسەلەلەرى زاڭعا دا، ادىلەتتىلىك پرينتسيپتەرىنە دە قاراما-قايشى زاڭسىز ارەكەتتەر!

مەن، قازاقستان رەسپۋبليكاسى كاسىپوداقتار فەدەراتسياسى اتىنان قازاقستان رەسپۋبليكاسى باس پروكۋراتۋراسىنا، قازاقستان رەسپۋبليكاسى جوعارعى سوتىنا، مەملەكەتتىك ىستەر جونىندەگى اگەنتتىككە وسى ماسەلەنى ءجىتى قاراپ، ەڭبەكشىقازاق اۋدانى اكىمشىلىگىنىڭ زاڭسىز ءىس-ارەكەتتەرىنە قۇقىقتىق باعا بەرىپ، ەڭبەكشىقازاق اۋداندىق سوتىنىڭ شەشىمىن قايتا قاراپ، زاڭعا سايكەستەندىرە وتىرىپ، اۋداندىق وسىناۋ ادىلەتسىزدىككە جول بەرگەن لاۋازىمدى تۇلعالاردى زاڭعا تارتۋدى وتىنەمىن!

ەرلان سايروۆ،

قر كاسىپوداقتار فەداراتسياسى تورعاسىنىڭ ورىنباسارى

Abai.kz