ەت اسۋ دەيدى قازاقتا!

ادەبي، تاريحي كىتاپتاردان، "بەش بارماق" دەگەن ءسوزدى كەدەستىرگەن ەمەسپىن. بالا كۇنىمىزدە ۇلكەندەر; قوناق كەلدى، قازان كوتەرىلدى، ەت اسىلدى، اس بەرىلدى، سىباعا تارتىلدى ت.ب. دەپ جاتاتىن. مەنىڭ ويىمشا "بەش بارماق" بۇل سىرتتان كەلگەن "كىرمە" ءسوز. ايتىسكەر اقىن بالعىنبەك يماشتىڭ "اتاڭنىڭ باسى بەش بارماق، ەت اسۋ دەيدى قازاقتا..." -دەگەن ولەڭ جولدارى بار.

ەلىمىزدىڭ باسقا وڭىرلەرىندەگى ءوز ەرەكشەلىكتەرىنە قاراي ايتىلاتىن، قازاقشا اتاۋلاردىڭ بارلىعىمەن كەلىسەمىن. تەك، "بەش بارماق" ەمەس. وسى ءبىر قۇلاققا تۇرپىدەي تيەتىن ءسوزدىڭ كەڭىنەن تاراعانى سونداي "بەچ حاچۋ، بەچ حاچۋ" -دەپ شۋلاپ جۇرگەن جاستاردى تالاي كوردىم. قازاقتىڭ ۇلتتىق تاعامدارىنىڭ ىشىندەگى ەڭ قۇمەتتىسى سانالاتىن ەت اسۋدىڭ قايداعى ءبىر "بەش بارماق" سوزىنە تاڭىلىپ كەتۋى قىنجىلتادى دا. ۇلتقا، اسقا جانى اشيتىن ازاماتتار بولسا وسى جازبانى كەڭىنەن تاراتىپ جىبەرسە دەيمىن. كوشىرىپ باسۋعا دا كەلىسەمىن!)

"بەش بارماق" دەمەڭىزدەر! "ەت اسۋ، قازاقتىڭ ەڭ قۇرمەتتى اسى", قۇرمەتتىلەرىم!

ايدار تەمىربەكۇلى الەۋمەتتىك جەلىدەگى جازباسىنان

Abai.kz