وتكەن عاسىردىڭ 90-ىنشى جىلدارى جازۋشىلار وداعىنىڭ عيماراتى الدىندا ساكەن ءجۇنىسوۆ پەن ءالجاپپار ابىشەۆكە جولىعىپ قالدىم. الجەكەڭنىڭ "شەرلى ششەجىرەسى"- شىققان كەز. ساكەن اعا وسى كىتاپ تۋرالى ءبىراز تەبىرەنە سويلەپ، الجەكەڭدى ىرزا قىلىپ تاستادى.

الجەكەڭ:" – ءاي، سەن وقىدىڭ با ونى؟"-دەدى ماعان باجىرايا قاراپ.  – جوق... قولعا تۇسپەدى..." - دەگەم.  الجەكەڭ:" سەندەر وزدەرىڭنەن باسقا كىمدى وقۋشى ەدىڭدەر؟!"-دەپ، ماعان جاقتىرماي قاراپ، ىشكە كىرىپ كەتتى.

– مەن سەنىڭ وسى كوكەڭدى ەلدەن ەرەك سىيلايمىن. نەگە ەكەنىن بىلەسىڭ بە؟-دەدى ساكەن اعا، – بۇل نكۆد-ءنىڭ مۇحتار اۋەزوۆتىڭ سوڭىنا سالىپ قويعان جانسىزى عوي؟! مۇحاڭ – الاشوردانىڭ ادامى، ءالجاپپار – قاراعاندىدان كەلگەن پرولەتاريات، وكىمەتتىڭ ەڭ سەنىمدى كىسىسى، سودان ودان:" مۇحتار نە ىستەپ ءجۇر، سوۆەت وكىمەتى تۋرالى نە دەيدى؟"-دەپ سۇرايدى عوي؟ سوندا الجەكەڭ: "مۇحتار اۋەزوۆتىڭ اۋزىنان ستالين تۇسپەيدى! سوۆەت وكىمەتىن جانىنداي جاقسى كورەدى!"-دەگەن جالعان مالىمەتتەر بەرىپ وتىرعان!

الجەكەڭ بولماسا، ونىڭ 37-ءىنىڭ ويرانىنان امان قالۋى نەعايبىل ەدى! "سىيعا – سىي، سىراعا – بال"-دەيدى قازاق. مۇحاڭ دا الجەكەڭمەن بىرگە "نامىس گۆاردياسىن" جازىپ، سەنىڭ كوكەڭدى قازاق ادەبيەتىنىڭ كلاسسيگى جاسادى..."

سەرىك اقسۇڭقاردىڭ facebook پاراقشاسىنان

Abai.kz