مۇحتار شەرىم. وباما، و، وباما!
(ساياسي ساتيرا)
ءشاي، ءشاي ىشسەڭ، كوڭىلىڭ جاي... سايلاۋدا جەڭىسكە جەتكەن ەلباسىمىز امەريكا پرەزيدەنتى باراك وباما مەن رەسەي پرەزيدەنتى دميتري اناتولەۆيچ مەدۆەدوۆتى كوك ءشاي ءىشىپ كەتۋگە شاقىردى.
شىنىمدى ايتسام، نازارباەۆتىڭ كۇزەتشىسى بولىپ ءجۇرىپ، وبامانى تىرىدەي ءبىرىنشى رەت كورۋىم. و، وباما، وباما! قازاقتىڭ قارا تورى جىگىتىنە ۇقسايدى ەكەن. ءجۇدا جايدارى. بىرەۋ تابانىنان قىتىقتاپ جاتقانداي، ىرجالاقتاپ كۇلە بەرەدى. ونىڭ قاسىندا مەدۆەدوۆ بۇعىنىڭ سيراعىن جۇتىپ قويعانداي، بۇيىعى وتىر.
- ىرجالاقتاي بەرمەي، تىنىش وتىرىڭىزشى!-دەپ قالدى دميتري اناتولەۆيچ وباماعا جاقتىرماي قاراپ.
- پاردون، نە بولىپ قالدى؟
- نۇرەكەڭدى قۇتتىقتامايمىز با؟
- ا، يا، قازاقستان پرەزيدەنتى نۇرسۇلتان نازارباەۆ مىرزا، قۇتتىقتايمىن! كەرەمەت! وكەي!-دەپ باس بارماعىن شوشايتتى وباما. «وبامانى ءبىر كورەيىنشى، وبامانى ءبىر كورەيىنشى!» دەپ قويماعان سوڭ، «اتتان» قوعامدىق قوزعالىسىنىڭ ليدەرى امانتاي قاجى وسى داستارحانعا قاتىسىپ وتىرعان. شايدەن ءبىر ۇرتتاي بەرىپ، وباماعا الا كوزىمەن ءبىر اتتى دا:
- وڭباعان بالا ەكەنسىڭ!-دەپ قالدى. نازارباەۆ ىڭعايسىزدانىپ:
- كەشىرىڭىز، سىزگە تەگىن باتا بەرىپ جاتىر،- دەپ جۋىپ-شايدى. قازاقشانى شالا-شارپى بىلەتىن وباما جىميىپ، قىمىزدان ءسىمىرىپ سالدى.
(ساياسي ساتيرا)
ءشاي، ءشاي ىشسەڭ، كوڭىلىڭ جاي... سايلاۋدا جەڭىسكە جەتكەن ەلباسىمىز امەريكا پرەزيدەنتى باراك وباما مەن رەسەي پرەزيدەنتى دميتري اناتولەۆيچ مەدۆەدوۆتى كوك ءشاي ءىشىپ كەتۋگە شاقىردى.
شىنىمدى ايتسام، نازارباەۆتىڭ كۇزەتشىسى بولىپ ءجۇرىپ، وبامانى تىرىدەي ءبىرىنشى رەت كورۋىم. و، وباما، وباما! قازاقتىڭ قارا تورى جىگىتىنە ۇقسايدى ەكەن. ءجۇدا جايدارى. بىرەۋ تابانىنان قىتىقتاپ جاتقانداي، ىرجالاقتاپ كۇلە بەرەدى. ونىڭ قاسىندا مەدۆەدوۆ بۇعىنىڭ سيراعىن جۇتىپ قويعانداي، بۇيىعى وتىر.
- ىرجالاقتاي بەرمەي، تىنىش وتىرىڭىزشى!-دەپ قالدى دميتري اناتولەۆيچ وباماعا جاقتىرماي قاراپ.
- پاردون، نە بولىپ قالدى؟
- نۇرەكەڭدى قۇتتىقتامايمىز با؟
- ا، يا، قازاقستان پرەزيدەنتى نۇرسۇلتان نازارباەۆ مىرزا، قۇتتىقتايمىن! كەرەمەت! وكەي!-دەپ باس بارماعىن شوشايتتى وباما. «وبامانى ءبىر كورەيىنشى، وبامانى ءبىر كورەيىنشى!» دەپ قويماعان سوڭ، «اتتان» قوعامدىق قوزعالىسىنىڭ ليدەرى امانتاي قاجى وسى داستارحانعا قاتىسىپ وتىرعان. شايدەن ءبىر ۇرتتاي بەرىپ، وباماعا الا كوزىمەن ءبىر اتتى دا:
- وڭباعان بالا ەكەنسىڭ!-دەپ قالدى. نازارباەۆ ىڭعايسىزدانىپ:
- كەشىرىڭىز، سىزگە تەگىن باتا بەرىپ جاتىر،- دەپ جۋىپ-شايدى. قازاقشانى شالا-شارپى بىلەتىن وباما جىميىپ، قىمىزدان ءسىمىرىپ سالدى.
- ءاي، وباما!-دەپ داۋىستادى امانتاي قاجى تاعى دا،--سەن پرەزيدەنتتىككە سايلاناردا مەن قالاي تىلەكتەس بولدىم دەسەڭشى! تۇنىمەن ۇيىقتاي الماي شىقتىم عوي! بىلە بىلسەڭ، سەن مەنىڭ ارقامدا پرەزيدەنت بولىپ وتىرسىڭ! قۇداي تىلەگىمدى قابىل ەتپەگەندە، امەريكاڭدا ارقاڭدى تىر-تىر قاسىپ، ناسىباي اتىپ وتىرار ما ەدىڭ؟ ءبىر شايعا شاقىرمادىڭ عوي! كوفە، كوكاكولا بەرمەدىڭ عوي! ادام ەمەس ەكەنسىڭ! سەندەردە سۇرقيا ساياسات!
نازارباەۆ ىم قاعىپ ەدى، مەن نوكەرلەرىمە كوزىمدى قىستىم. كۇزەتشىلەر امانتاي قاجىنى ورنىنان كوتەرىپ بارا جاتتى. سوندا دا سويلەپ بولار ەمەس:
- وباما! اق ءۇيدىڭ ارالاسپايتىن جەرى جوق ەكەن! «اتوم بومباسىن ىزدەيمىز» دەپ يراكتى «قۇشاقتادىڭدار». اۋعانستاندى پىشاقتادىڭدار! اتاڭا نالەت كاددافي ءوز حالقىنا ءوزى وق اتتى. وسىنى جەلەۋلەتىپ، ليۆيانى تۇمسىقتان ۇرىپ جاتىرسىڭدار! «قوي» دەگەنگە قويماعان، «قوي» دەگەنگە زار بولادى...
- نە دەپ جاتىر؟ ءبىرىن تۇسىنسەم، ءبىرىن تۇسىنبەدىم؟-دەپ سۇرادى وباما.
- ءسىزدى وسىندا كەلۋىڭىزبەن قۇتتىقتاپ جاتىر،-دەدى مەدۆەدوۆ.
- اشۋلى عوي؟
- ول اشۋلانىپ قۇتتىقتايدى. ءستيلى سونداي،-دەدى نازارباەۆ. ەت جەلىنىپ، قىمىز ءىشىلىپ بولعان سوڭ، وباما بالىق اۋلاعىسى كەلدى. ۇشەۋى قارماق سالىپ، كاسپي تەڭىزى جاعالاۋىندا وتىر. دەپۋتات جاعىمپازدار سۋ استىندا جۇزۋگە ارنالعان كيىمدەرىن كيىپ، تەڭىزگە قۇلادى دا، پرەزيدەنتتەردىڭ قارماقتارىنا بالىقتاردى ءىلىپ وتىردى.
- و-و، بۇل نە؟ دەپ تاڭىرقادى،- وباما. ونىڭ قارماعىنا «بالىق ىلىككەن»، بىراق، بالىقتىڭ باسىنا كىشىگىرىم تاقيا كيگىزىپ، ونى شاندىپ بايلاپ تاستاپتى.
- قازاقى تاقيا،- دەدى ەلباسىمىز.
- مافيا چتو لي؟-دەپ قالدى اڭ-تاڭ بولعان مەدۆەدوۆ تە.
- تاقيا. تيۋبيتەيكا...
- قازاق قوناعىنا وتە كەڭ پەيىلدى. بالىقتارىمىزعا دەيىن ۇلتتىق-ءداستۇردى ساقتايدى...-دەدىم مەن. كۇزەتشى مۇنداي جەردە تىم-تىرىس تۇرۋ كەرەك ەدى، شىدامادىم. جاعىمپازدار تىم قىزىپ كەتسە كەرەك، مەدۆەدوۆ قارماعىن تارتىپ قالعاندا، وعان قاقتالعان بالىق ىلىكتى. مەدۆەدوۆتىڭ كوزدەرى جەرگە ءتۇسىپ كەتە جازدادى. ەلباسىعا قارادى. قاشاندا، جايدارى ءجۇزدى ەلباسىمىز ماساتتانىپ:
- دميتري اناتولەۆيچ، ءبىزدىڭ قازاقى بالىقتار ءبىر مەزگىل جاعاعا شىعىپ، كۇنگە قىزدىرىنىپ جاتادى. مىناۋ قاتتى قىزدىرىنسا كەرەك، سىرا ىشكەندە جاقسى،- دەدى. مەدۆەدوۆ باسىن شايقاپ، بالىقتان ءبىر تىستەپ، سىرانى باسىنا توڭكەردى. شىمكەنت سىراسىن. ءبىزدىڭ پرەزيدەنت تە قارماعىن تارتىپ قالعان. بالىق ورنىنا ەلىمىزدىڭ كوك بايراعى ءىلىنىپ شىعا كەلدى...
- قازاقستان افريكادا دا قازاقستان!-دەپ كوتەرىڭكى داۋىستادى پرەزيدەنت. جاسا، قازاقستان!
«اباي-اقپارات»
