قازاقستان رەسپۋبليكاسى

استانا قالالىق «اق وردا»

اقساقالدار قوعامدىق بىرلەستىگى

مەكەن جايى: استانا، ش.ايمانوۆ كوشەسى، 3 ءۇي

وفيس تەل: 8 (7172) 43-73-33

م.اۋەزوۆ كوشەسى، 16-ءۇي، 8-كىرەبەرىس

تەل: 8 (7172) 32-36-02

------------ 2011 جىل                   بيسميلللاحير-راحمانير-راحيم!

№ --------

استانا قالاسىنىڭ اكىمى

ي.ن.تاسماعامبەتوۆ مىرزاعا

قۇرمەتتى يمانعالي نۇرعاليۇلى!

رەسپۋبليكا تاۋەلسىزدىگىنىڭ 20 جىلدىعىنا بايتاق وتانىمىزبەن بىرگە ونىڭ جۇرەگى سانالاتىن استانا قالاسى ەلەۋلى تابىسپەن جەتكەنىنە ءبارىمىز كۋامىز. وسى رەتتە 2011 جىلى اقپان ايىنداعى تاريحي ەسەبىڭىزدە ءسىز ەلوردانىڭ جەتىستىگىنە، كەلەشەگىنە جانە وتكىر ماسەلەلەرىنە جاقسى توقتالدىڭىز. سوندا كونگرەسس-حولعا جيىلعان جۇرتپەن بىرگە ءبىز «شۇكىر! وسى بەتىڭنەن قايتپا!» دەپ، تىلەك قوسىپ وتىردىق.

قازاقستان رەسپۋبليكاسى

استانا قالالىق «اق وردا»

اقساقالدار قوعامدىق بىرلەستىگى

مەكەن جايى: استانا، ش.ايمانوۆ كوشەسى، 3 ءۇي

وفيس تەل: 8 (7172) 43-73-33

م.اۋەزوۆ كوشەسى، 16-ءۇي، 8-كىرەبەرىس

تەل: 8 (7172) 32-36-02

------------ 2011 جىل                   بيسميلللاحير-راحمانير-راحيم!

№ --------

استانا قالاسىنىڭ اكىمى

ي.ن.تاسماعامبەتوۆ مىرزاعا

قۇرمەتتى يمانعالي نۇرعاليۇلى!

رەسپۋبليكا تاۋەلسىزدىگىنىڭ 20 جىلدىعىنا بايتاق وتانىمىزبەن بىرگە ونىڭ جۇرەگى سانالاتىن استانا قالاسى ەلەۋلى تابىسپەن جەتكەنىنە ءبارىمىز كۋامىز. وسى رەتتە 2011 جىلى اقپان ايىنداعى تاريحي ەسەبىڭىزدە ءسىز ەلوردانىڭ جەتىستىگىنە، كەلەشەگىنە جانە وتكىر ماسەلەلەرىنە جاقسى توقتالدىڭىز. سوندا كونگرەسس-حولعا جيىلعان جۇرتپەن بىرگە ءبىز «شۇكىر! وسى بەتىڭنەن قايتپا!» دەپ، تىلەك قوسىپ وتىردىق.

استاناداعى «اق وردا» اقساقالدار قوعامدىق بىرلەستىگى - ەلباسىمىز جۇرگىزىپ وتىرعان ساياساتتى قولدايتىن، قالامىزدىڭ وتكەنى مەن بۇگىنىنە جاۋاپكەر ۇيىم. ءبىز تالاپتىعا باتا بەرەمىز، تالاپسىزدى تەزگە سالامىز. ويتكەنى، اتام قازاقتىڭ جولى وسىنداي، ءداستۇرى وسىنداي.

ەلوردا تۇگىل قازاقستان جۇرتشىلىعى جاقسى بىلەدى، «اق وردا» اقساقالدارى 2000 جىلدان بەرى اجەپتاۋىر «داۋعا» اينالىپ كەلە جاتقان «جاستار» شاعىن اۋدانىنداعى مۇسىلمان زيراتىن قورعاۋ مەن قولداۋعا كوپ ەڭبەك ءسىڭىردى. ءيا، حالقىمىز 70 پايىزدان استام مۇسىلمان بولا تۇرا، وكىنىشكە قاراي، بىرەۋلەر «سول زيراتتى جەر بەتىنەن سىپىرىپ، ورنىنا پارك نەمەسە دەمالىس ورنىن سالامىز» دەگەن دە كەز بولدى...

الەمنىڭ بار ەلىندە، شىعىستا دا، باتىستا دا وزدەرىنىڭ تاريحي زيراتتارى قالا ورتاسىندا قالعانمەن، ولاردى قادىرلەپ، قاسيەتتەيدى، ابباتتاندىرادى. ويتكەنى، ءبارىمىز دە بۇل دۇنيەدە ماڭگى جاسامايمىز. قازاق «ءولى رازى بولماي، ءتىرى بايىمايدى» دەپ بەكەر ايتپاسا كەرەك.

وسى تۇرعىدان كەلگەندە، ءبىزدىڭ ويىمىزشا، «جاستار» شاعىن اۋدانىنداعى مۇسىلمان زيراتىنىڭ ماسەلەسى ءالى وتكىر كۇيىندە تۇر. بىرىنشىدەن، قالاعا كەلەتىن شەتەلدىك قوناقتاردان ۇيالامىز. ولار «قازاقتار زيراتتارىن كۇتپەيدى ەكەن عوي» دەپ ويلاۋى مۇمكىن. ەكىنشىدەن، بۇگىنگى جاستارىمىزدان ۇيالامىز. «ولار ءبىزدىڭ مىنانداي شاراسىزدىعىمىزدى كورىپ، ارۋاقتى سىيلاماۋدى ادەتكە اينالدىرا ما؟» دەپ قامىعامىز.

اتالعان ەسكى مۇسىلمان زيراتىنىڭ كولەمى 15,6 گەكتارداي جەر. قالالىق اكىمدىك انىقتاعان وسى اۋماققا قر ۇكىمەتىنىڭ 2001 جانە 2002 جىلدارعى شەشىمدەرىنە سايكەس، كورنەكتى ارحيتەكتور جانە ساۋلەتشى، مەملەكەتتىك ەلتاڭبامىزدىڭ اۆتورى جانداربەك مالىبەكۇلى 2008 جىلى «كراۆتسوۆ كوشەسىندەگى ەسكى مۇسىلمان زيراتىن قايتا جاڭعىرتۋ» اتتى ەسكيز-جوباسىن قالانىڭ باس ساۋلەتشىسى س.ءجۇنىسوۆ مىرزاعا بەكىتىپ، يگىلىكتى ىسكە كىرىسكەن ەدى.

بىراق بۇل جوبانىڭ جۇزەگە اسۋى قازىر تىم سوزىلىپ كەتتى. وسى ارالىقتا ءبىز اسا تانىمايتىن «ىسكەرلەر» وسى شارۋاعا ارالاسىپ، ەل كۇتىپ وتىرعان جۇمىستى توقىراتۋعا الىپ كەلدى. ودان سوڭ قارجى داعدارىسى باستالدى.

وسىلاي ويىمىز جۇزەگە اسپاي، ەلوردا تۇگىل ەلدەن ۇيالىپ جۇرگەنىمىزدە، 2010 جىلدىڭ قاراشا-جەلتوقسان ايىندا بىزگە ءبىر توپ دەپۋتات پەن عالىمدار كەلىپ جولىقتى. ويلارى: ماسكەۋدىڭ دون حريستيان زيراتحاناسى قابىرعاسىندا تۇرعان كورنەكتى مەملەكەت جانە قوعام قايراتكەرى، رەپرەسسيا قۇربانى سماعۇل سادۋاقاسۇلى (1900-1933) سۇيەگىنىڭ كۇلىن استاناعا جەتكىزىپ، جەر قوينىنا بەرۋ ەكەن. سونى قايراتكەر زامانىمەن تۇستاس ەسكى قورىمعا قويماقشى ەكەن.

«اق وردا» اقساقالدارى بۇل يدەيانى قولدادى. بىراق بۇكىل ۇلتقا تانىمال قايراتكەردى قوياتىن ورىن دا لايىقتى بولۋى ءتيىس قوي دەپ، قايتا قيمىلداي باستادىق. ساۋلەتشىمىز جانداربەك مالىبەكۇلى اتالعان بەيىتكە ءالى دە 100-150 ادام (مارقۇمداردى) قوياتىن ورىننىڭ ەسكيزىن جاسادى. دەپۋتاتتار «اقتابان شۇبىرىندىدان» كەڭەستىك گەنوتسيدكە دەيىنگى تاريحىمىزدى 7 توپقا ءبولىپ، 7 ستەللا قويۋدى ۇسىندى. ءبىزدىڭ بىلۋىمىزشە، قازىر رەسەيدە كەيكى باتىردىڭ باس سۇيەگى جانە ەلسىزدە قالعان م.دۋلاتۇلىنىڭ سۇيەگى وسى جەرگە قويۋعا ابدەن لايىقتى. ونىڭ ۇستىنە ەلباسىمىز «پاتريوتتىق تاربيەنى كوتەرىڭدەر!» دەپ جاتقاندا، قالانىڭ قاق ورتاسىنداعى تاريحي قابىرستان وسى يماندىلىق تاربيەشىسى ءرولىن اتقارار ەدى.

قۇرمەتتى يمانعالي نۇرعاليۇلى!

ءبىز سىزدەن قالا باسشىلىعىمەن كەلىسىلگەن جوبانى قايتا قاراۋعا جانە تيىسىنشە وسىنى ونتايلى شەشۋگە ىقپال ەتۋىڭىزدى سۇرايمىز. ءسىز - تالاي جاقسى ىستەرگە مۇرىندىق بولىپ، ەل اقساقالدارىنىڭ سوزىنە قۇلاق تۇرەتىن تۇلعا ەكەنىڭىزدى جاقسى بىلەمىز. سوندىقتان قايراتكەر س.سادۋاقاسۇلى سۇيەگىنىڭ كۇلىن ەسكى قورىمعا قويۋ ارقىلى ءبىز ءوزىمىزدىڭ موينىمىزداعى ۇلكەن تاريحي جاۋاپكەرشىلىكتى اتقارماقپىز. ماسكەۋدەن جەتكىزىلگەن ءمايىت-كۇلىنىڭ س.عىلماني مەشىتىندە تۇرعانىنا دا 50 كۇننەن استى. ولاي بولسا، ەسكى مۇسىلمان قورىمىن ءبىزدىڭ جوبامىزعا ساي قايتا جاساقتاۋ، اباتتاندىرۋ ەلگە پايدالى ءىس بولماق.

ءسوز سوڭىندا ايتارىمىز: ەسكى مۇسىلمان قورىمىنا 1940 جىلعا دەيىن قايتىس بولعاندار قويىلسا، ال جاڭا زاماننىڭ قايراتكەرلەرى قابانباي زيراتى ماڭىندا اشىلاتىن زيراتقا قويىلسا. سوندا بۇل «ەسكى قابىرستان» دەگەن اتقا لايىق بولار ەدى.

ىزگى تىلەكپەن،

استانا «اق وردا» اقساقالدار قوعامدىق بىرلەستىگىنىڭ مۇشەلەرى اتىنان

توراعا                                          ابىلعازى وماروۆ