جۇمابەك تاشەنەۆ اقساقالدى ايتامىن-اۋ، جەلتوقسان وقيعاسىنا ءبىر اي قالعاندا دۇنيەدەن وزىپتى جارىقتىق. بار بولعانى 71 جاسىندا... سەكسەنگە كەلىپ قالعان بيلىكتىڭ زەينەتكەرلەر وتريادى ءالى وتىر قالعىپ-مۇلگىپ... 71 دەگەن جاس پا ەدى، جۇمابەكتەي شىن اسىلعا...
ءبىر ايدان سوڭ... كەڭەستىك جۇيەگە قارسى مىڭداعان جاس "تاشەنەۆ" باس كوتەرەتىنىن كورمەي كەتتى...

قايتقان ادامنىڭ رۋxى قىرىق كۇندە تانىنەن اجىرايدى دەۋشى ەدى. سول كىسىنىڭ جەر بەتىندە قالىقتاعان رۋxى ما ەكەن، جاسىپ قالعان ۇلتتىڭ جىگەرىن جەبەپ، ءوزى شەكسىز ءسۇيىپ، ادال قىزمەت ەتىپ كەتكەن قازاعىنىڭ الدىنداعى سوڭعى ميسسياسىن "جان ۇشىرا" ورىنداپ كەتكەن... كىم ءبىلىپتى... ?

ال قازىر ءبىر جاس تۇلعالار لاۋازىمدى ورىنعا كەلسە، ىشتەي قۋانىپ جۇرەسىڭ: ء"اي، نەدە بولسا، قازاقتىڭ جاس "تاشەنەۆتەر" وسىلار شىعار" دەپ. دەم بەرەيىك دەپ جاقسى ءىسىن قوريسىڭ... جامان ءسوز ەستىسەڭ دە، جاماندىققا قيماي، جاقسىعا جوريسىڭ... سويتسەڭ، ونىڭ قودىققا مىنگەن جاي عانا قورتىق بولىپ شىعادى. اقشا جەيدى، قيانات جاسايدى، وسەك ايتادى، قازاقتىڭ باسىنان سيپاۋدىڭ ورنىنا، ماڭدايىنان اياماي تەبەدى. "اناۋ مەنى سىنادى، ونىڭ وتباسىن اسىراپ وتىرعان جوباسىنا اقشا بەرمەي قويىڭدار، اش ءجۇرسىن، كورەيىك، ول سورلىنىڭ بەيشارا كۇيگە تۇسكەنىن" دەپ ىشتەي ماساتتانادى سولاردىڭ بىرەۋى. "مىناۋ ءبىزدى كوپ سىناپ كەتتى، ول ء"شانتاجيستتىڭ" سازايىن تارتقىزىپ، جۇمىسسىز قالدىرايىق. بويىنداعى تالانتى مەن شەكسىز ءبىلىمىن بازارعا بارىپ دورباعا وتكىزسىن " دەپ قارق-قارق كۇلەدى ەكىنشىسى. " مىنانداي جۇماق ومىرگە ريزا بولماي جۇرگەن اناۋ سىناعىش پسيxوپات نە پسيxوپاتكانى وتباسى ارقىلى بىلاي قىسساق شە؟ (بيلىكتى سىناعانداردىڭ ءبارى پسيxوپات ولار ءۇشىن) انەۋ ءبىر ينتەللەكتۋال پالەنبايدىڭ ەڭبەگىن ءوزىمىز پايدالانىپ، ەتىن ءوزىمىز جەپ، سۇيەگىن سىلىپ سوعان لاقتىرىپ، وزىمىزگە باعىنىشتى قىلايىق. ول سورلىعا سول جەتەدى",- دەپ "گەنيالنىي" وي قوسادى ءۇشىنشىسى...

ناعىز "تاشەنوۆتەر" بولسا: 

"اناۋ نەگە اشىنىپ كەتتى... نەگە وسى كۇيگە ءتۇستى؟ وسى كۇيگە تۇسىرگەن كىم؟ مىناۋ نەگە جىلاپ ءجۇر؟ ال اناۋ نەگە شارشاپ ءجۇر؟ ءتىپتى شانتاجيست بولعان كۇننىڭ وزىندە، مۇنى مۇندايعا تۇسىرگەن جوقتىق پا ەكەن، توقتىقتان بۇيتپەس. قوي، وسى قازاقتىڭ ءبىر ازاماتىن جامان جولدان ساقتاپ قالايىقشى. اناۋ ءبىر مىقتىنى قولداپ جىبەرەيىك، ۇلتقا قىزمەت ەتسىن. قازاقتىڭ يگى جاقسى جاستارى سابىلىپ كەتتى عوي" دەپ، شاقىرىپ الىپ، باسىنان سيپاپ، جانارىنان توگىلگەن جاستى قولىمەن ءسۇرتىپ، جول نۇسقاۋشى ەدى... بۇل بوركەمىكتەر بيلىكتىڭ بۋىنا ماس بولعانى سونشالىق، كوزدەرىن شەل باستى. قازاقتى تانۋدان قالدى... ولاردىڭ ەڭ "اياۋلى" ماقساتى - بيلىكتەگى "تياجەلوۆەستەرگە" قىزمەت ەتسە بولعانى...

ءبىردى بىرگە سوعىپ ءجۇرىپ، ءبىرى مەملەكەتتىك xاتشى، ەكىنشى پرەزيدەنت، ءۇشىنشىسى پرەمەر بولۋدى ىشتەي ارمانداپ، ءوزارا قۇپيا كۇرەسىپ جۇرەدى تاعى. 90-شى جىلدارى بيلىككە كەلگەن "جاس تۇرىكتەر" جاندوسوۆ، جاقيانوۆ، ەرتلەسوۆالار ءدال بۇلاي سۇيىلماپ ەدى... ەەەەە، ولاردا تەرەڭ ءبىلىم مەن مىنەز بولدى عوي...

قىزمەت پەن اقشانى ويلاپ باسى قاتىپ جۇرگەندەردە قايداعى بيىكتىك؟ قايداعى پاراسات؟ تاشەنەۆتەن ساداعا كەتىڭدەر!

دينا ەلگەزەكتىڭ facebook پاراقشاسىنان

Abai.kz