سيريا بويىنشا 11-ءىنشى حالىقارالىق كەزدەسۋدىڭ بارلىق قاتىسۋشىلارى، سونىڭ ىشىندە كەپىلگەر-مەملەكەتتەر - رەسەي، تۇركيا جانە يران وكىلدەرى استاناعا كەلىپ جەتتى. بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتىنەن ءمالىم ەتتى، دەپ حابارلايدى اباي-اقپارات turkystan.kz-گە سىلتەمە جاساپ.

رەسەي دەلەگاتسياسىن رف پرەزيدەنتىنىڭ سيريا بويىنشا ارنايى وكىلى الەكساندر لاۆرەنتەۆ باستاپ كەلدى. تۇركيا اتىنان ەلدىڭ سىرتقى ىستەر ءمينيسترىنىڭ ورىنباسارى سەدات ونال قاتىسادى. يراندىق دەلەگاتسياعا ەلدىڭ سىرتقى ىستەر ءمينيسترىنىڭ ساياسي ماسەلەلەر جونىندەگى اعا كومەكشىسى حۋسەين دجابەري انساري جەتەكشىلىك ەتۋدە.

بۇۇ دەلەگاتسياسىنا بۇۇ باس حاتشىسىنىڭ سيريا بويىنشا ارنايى وكىلى ستاففان دە ميستۋرا باسشىلىق جاساۋدا.

سونداي-اق، جوسپارلانعانداي، كەزدەسۋگە بۇۇ-نىڭ بوسقىندار ىستەرى جونىندەگى جوعارعى كوميسسارىنىڭ باسقارماسىنان جانە قىزىل كرەست حالىقارالىق كوميتەتىنەن بايقاۋشىلار قاتىسادى.

احماد ال-توما باستاعان سيريانىڭ قارۋلى وپپوزيتسياسى دا استاناعا كەلدى.

جەكەلەگەن دەلەگاتسيالار قازاقستانعا كەشە جەتىپ، ءوزارا بىرقاتار ەكىجاقتى كەزدەسۋلەر وتكىزدى.

Abai.kz