ەلباسى ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىنىڭ نەگىزى – حالىقتىڭ الەۋمەتتىك جاعدايىن جاقسارتۋمەن قاتار وڭىرلىك ءونىم كولەمىن ارتتىۋ بولعانى بەلگىلى. وسى باستاما وڭىرلەردەن قولداۋ تاۋىپ، سول باعىتتا ءتۇرلى جۇمىستار اتقارىلىپ جاتىر.

ماسەلەن، تۇركىستان وبلىسى سايرام اۋدانىندا 2018 جىلدىڭ 10 ايىندا جالپى وڭىرلىك ءونىم كولەمى 127,3 ملرد.تەڭگەگە جەتىپ، وتكەن جىلعا قاراعاندا ءوسىم 2,9 پايىزدى قۇرادى. ناتيجەسىندە جان باسىنا شاققانداعى جالپى وڭىرلىك ءونىم كولەمى 629,5 مىڭ تەڭگە بولىپ، ءوسىم 4,6 پايىزعا جەتكەن. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە سايرام اۋدانىنىڭ اكىمى باقتيار ماماەۆ مالىمدەدى.

سونداي-اق، اۋداندا ونەركاسىپ سالاسىندا اعىمداعى جىلدىڭ 10 ايىندا 33,6 ملرد. تەڭگەنىڭ ءونىمى وندىرىلگەن، دامۋ كونتسەپتسياسىنا سايكەس جىل سوڭىنا دەيىن 38,7 ملرد. تەڭگەگە ءونىم ءوندىرۋ كۇتىلۋدە. وبلىس دەڭگەيىندەگى ونەركاسىپ ءونىمى ءوندىرىسى بويىنشا اۋداننىڭ ۇلەسى 9,8 پايىزدى قۇراپ، ايماقتا 2 ورىنعا تۇراقتاعان.

ال اۋىل شارۋاشىلىعى سالاسىندا 53,3 ملرد.تەڭگەگە ءونىم ءوندىرىلىپ، بىلتىرعى جىلمەن سالىستىرعاندا ءوسىم 7,6 پايىزدى قۇرادى.

«وبلىستا اۋىل شارۋاشىلىعى ونىمدەرىنىڭ ۇلەسى بويىنشا اۋدان 11,2 پايىزبەن كوش باستاپ تۇر. تامشىلاتىپ سۋعارۋ جوسپارى 150 گەكتارعا جوسپارلانسا، 10 ايدىڭ كورسەتكىشى بويىنشا 152,5 گەكتارعا ەنگىزىلگەن. جىلىجاي سالۋ جوسپارى 10 گەكتار، قازىرگى تاڭدا سالىنعانى - 3,76 گەكتار.  قارقىندى باۋ ەگۋ جوسپارى - 50 گەكتار، ورىندالعانى - 50,6 گەكتاردى قۇرايدى»، - دەدى باقتيار ءساپارالىۇلى.

اۋداندا مال شارۋاشىلىعى سالاسىندا 31,3 ملرد.تەڭگەگە ءونىم ءوندىرىلىپ، ءوسىم 10,7 پايىزدى قۇراعان. وتكەن جىلدىڭ سايكەس كەزەڭىمەن سالىستىرعاندا ءىرى قارا مال باسى - 27,5 پايىزعا، قوي مەن ەشكى - 1,8 پايىزعا، جىلقى - 13,2 پايىزعا، قۇس - 8,3 پايىزعا كوبەيگەن. بۇگىنگى تاڭدا اۋداندا 989  مال بورداقىلاۋ الاڭدارىندا ءبىر مەزەتتە 32-33 مىڭ باس مال بورداقىلانۋدا. 2018 جىلعا 320 توننا مال ەتىن ەكسپورتتاۋ جوسپارلانسا،  10 ايدا 393 توننا مال ەتى ەكسپورتقا شىعارىلعان.

جالپى، اۋىل شارۋاشىلىعى سالاسىندا 10 اي كولەمىندە كونتسەپتسياداعى جوسپارلانعان كورسەتكىشتەرگە قول جەتكىزىلىپ، سالاعا 2,4 ملرد.تەڭگە ينۆەستيتسيا تارتىلعان.

Abai.kz