ورال. 28 ءساۋىر. قازاقپارات /ەلجان ەرالى/ - 28 ساۋىردە قر مەملەكەتتىك قىزمەت ىستەرى بقو-داعى تارتىپتىك كەڭەسىنىڭ كەزەكتى وتىرىسى بولىپ، وندا ءبىر توپ مەملەكەتتىك قىزمەتكەرلەردىڭ تارتىپتىك ىستەرى قارالدى.

اقجايىق اۋدانى پروكۋراتۋراسىنىڭ ۇسىنىسىمەن اۋداندىق ىشكى ىستەر ءبولىمى كوشى-قون پوليتسياسى توبىنىڭ اعا ينسپەكتورلارى ءمادي تەمىرعاليەۆ پەن سۆەتلانا نوقاتوۆانىڭ ىستەرى تالقىعا ءتۇستى. وزبەكستان ازاماتتارىن اكىمشىلىك جاۋاپكەرشىلىككە تارتۋ بارىسىندا اتالعان قىزمەتكەرلەر زاڭبۇزۋشىلىققا جول بەرگەن. پروكۋراتۋرانىڭ انىقتاعانىنداي، قازاقستان رەسپۋبليكاسىنا جەكە ماقساتپەن كەلدىم دەسە دە، جۇمىس جاساعان (اتىراۋ-ورال كۇرە جولى ماڭىندا كابەل قازۋمەن اينالىسقان) شەتەلدىڭ ءتورت  ازاماتىن قر اكىمشىلىك قۇقىقبۇزۋشىلىق كودەكسى 394-بابى 2-بولىمىنە سايكەس جاۋاپقا تارتۋ كەرەك ەدى. ونىڭ ورنىنا اتالعان ادامدار اتالمىش باپتىڭ 1-ءبولىمى بويىنشا عانا جاۋاپقا تارتىلىپ، ەسكەرتۋ بەرىلگەن. بۇدان كەيىن اقجايىق اۋدانى شابدارجاپ اۋىلى ماڭىنداعى ۆاگونىنا قايتا ورالىپ، جۇمىسىن جالعاستىرعان وزبەكستاندىق ءتورت ازاماتقا بيىلعى 24 اقپاندا قاراقشىلىق شابۋىل جاسالىپ، وق اتىلىپ، بىرەۋى قولىنان جارالانعان.  قازىرگى كەزدە قىلمىستىق ءىس قوزعالىپ، تەرگەۋ امالدارى جۇرگىزىلۋدە. ءىستى تالقىلاي كەلە، تارتىپتىك كەڭەس شەشىم قابىلداۋ كەزىندە زاڭسىز ارتىقشىلىق جاساۋعا جول بەرگەن م.تەمىرعاليەۆ پەن س.نوقاتوۆانى جۇمىسىنان بوساتۋ تۋرالى بقو ىشكى ىستەر دەپارتامەنتى باستىعىنا ۇسىنىس جاسادى.

ورال. 28 ءساۋىر. قازاقپارات /ەلجان ەرالى/ - 28 ساۋىردە قر مەملەكەتتىك قىزمەت ىستەرى بقو-داعى تارتىپتىك كەڭەسىنىڭ كەزەكتى وتىرىسى بولىپ، وندا ءبىر توپ مەملەكەتتىك قىزمەتكەرلەردىڭ تارتىپتىك ىستەرى قارالدى.

اقجايىق اۋدانى پروكۋراتۋراسىنىڭ ۇسىنىسىمەن اۋداندىق ىشكى ىستەر ءبولىمى كوشى-قون پوليتسياسى توبىنىڭ اعا ينسپەكتورلارى ءمادي تەمىرعاليەۆ پەن سۆەتلانا نوقاتوۆانىڭ ىستەرى تالقىعا ءتۇستى. وزبەكستان ازاماتتارىن اكىمشىلىك جاۋاپكەرشىلىككە تارتۋ بارىسىندا اتالعان قىزمەتكەرلەر زاڭبۇزۋشىلىققا جول بەرگەن. پروكۋراتۋرانىڭ انىقتاعانىنداي، قازاقستان رەسپۋبليكاسىنا جەكە ماقساتپەن كەلدىم دەسە دە، جۇمىس جاساعان (اتىراۋ-ورال كۇرە جولى ماڭىندا كابەل قازۋمەن اينالىسقان) شەتەلدىڭ ءتورت  ازاماتىن قر اكىمشىلىك قۇقىقبۇزۋشىلىق كودەكسى 394-بابى 2-بولىمىنە سايكەس جاۋاپقا تارتۋ كەرەك ەدى. ونىڭ ورنىنا اتالعان ادامدار اتالمىش باپتىڭ 1-ءبولىمى بويىنشا عانا جاۋاپقا تارتىلىپ، ەسكەرتۋ بەرىلگەن. بۇدان كەيىن اقجايىق اۋدانى شابدارجاپ اۋىلى ماڭىنداعى ۆاگونىنا قايتا ورالىپ، جۇمىسىن جالعاستىرعان وزبەكستاندىق ءتورت ازاماتقا بيىلعى 24 اقپاندا قاراقشىلىق شابۋىل جاسالىپ، وق اتىلىپ، بىرەۋى قولىنان جارالانعان.  قازىرگى كەزدە قىلمىستىق ءىس قوزعالىپ، تەرگەۋ امالدارى جۇرگىزىلۋدە. ءىستى تالقىلاي كەلە، تارتىپتىك كەڭەس شەشىم قابىلداۋ كەزىندە زاڭسىز ارتىقشىلىق جاساۋعا جول بەرگەن م.تەمىرعاليەۆ پەن س.نوقاتوۆانى جۇمىسىنان بوساتۋ تۋرالى بقو ىشكى ىستەر دەپارتامەنتى باستىعىنا ۇسىنىس جاسادى.

ورال قالاسى كولىك پروكۋراتۋراسىنىڭ ۇسىنىسىمەن بقو ءىىد جول پوليتسياسى باسقارماسى كەزەكشىلىك ءبولىمىنىڭ قىزمەتكەرلەرى سامات تەمىرعاليەۆ، ءسابيت امانشين، ەرلان قۇرماشەۆ، مارات ديۋسيۋكوۆ، ەدىگەر ەسەنجانوۆ، سەرىك عۇسمانوۆ تا تارتىپتىك كەڭەستىڭ الدىنا كەلدى. تەكسەرۋ بارىسىندا اتالعان قىزمەتكەرلەردىڭ تەمىرجول وتكەلىنەن ءوتۋ كەزىندە ەرەجە بۇزۋشىلىققا بارعان كىنالى جۇرگىزۋشىلەردى ەسەپ جۋرنالىنا تىركەمەي، ولاردىڭ اكىمشىلىك جاۋاپكەرشىلىكتەن بۇلتارۋىنا جول بەرگەنى انىقتالدى. سىبايلاس جەمقورلىققا جاعداي جاسايتىن قۇقىق بۇزۋشىلىققا بارعانى ءۇشىن س.تەمىرعاليەۆ، س.امانشين، ە.قۇرماشەۆ جانە م.ديۋسيۋكوۆقا سوگىس بەرۋ ۇسىنىلسا، تارتىپتىك كەڭەس مۇشەلەرى س.عۇسمانوۆ پەن ە.ەسەنجانوۆقا مۇنىڭ الدىندا اتالمىش دەپارتامەنت بەرگەن تارتىپتىك جازامەن شەكتەلگەن دۇرىس دەگەن توقتامعا كەلدى.

ورال قالالىق جەر قاتىناستارى ءبولىمىنىڭ باستىعى مەرەكە رازوۆ، قالالىق ساۋلەت جانە قالا قۇرىلىسى ءبولىمىنىڭ باستىعى ۆيتالي كۋشنەر، قالا اكىمى اپپاراتى مەملەكەتتىك قۇقىق جۇمىستارى ءبولىمىنىڭ باس مامانى ەرلان نۇراشەۆ، كوميسسيا مۇشەلەرى رۋسلان مامبەتاليەۆ پەن عۇمار سادىقوۆتىڭ ىستەرى اتالعان مەملەكەتتىك قىزمەتكەرلەردىڭ كىناسى جوق دەپ تابىلعاندىقتان، قىسقارتىلدى.

اۋدان اكىمدىگىنىڭ قاۋلىسىنا سايكەس جەكە كاسىپكەرگە جالعا بەرىلگەن جەر بويىنشا اۋىل شارۋاشىلىعى شىعىندارىن وتەۋدى ۋاقتىلى ورىنداماي، سىبايلاس جەمقورلىققا جاعداي جاسايتىن قۇقىق بۇزۋشىلىققا جول بەرگەن جاڭاقالا اۋداندىق جەر قاتىناستارى ءبولىمىنىڭ باستىعى تالعات ۇمبەتوۆتىڭ «ۇلەسىنە» ەسكەرتۋ تيەتىن بولدى.