قر پرەزيدەنتى اكىمشىلىگىنىڭ باسشىسى ا.ءمۋسيننىڭ،

باس پروكۋرور ا.داۋىلباەۆتىڭ نازارىنا!

بيسميللاھير يراحمانير راحيم

2008 جىلدىڭ سوڭىنا تاياۋ، «زاڭ گازەتىندە» (№121, 12 تامىز.) قىزىلوردا وبلىسى جاڭاقورعان اۋدانى اكىمى ەرلان مۇستافاەۆ تۋرالى مەنىڭ «شيەلىنى شۋىلداتقان اكىم، جاڭاقورعاندى جارىلقاي قويار ما ەكەن؟» دەگەن ۇلكەن  وبلىسقا جاڭا كەلگەن اكىم بولاتبەك قۋاندىقوۆپەن كەزدەسۋدىڭ رەتى كەلدى.

قر پرەزيدەنتى اكىمشىلىگىنىڭ باسشىسى ا.ءمۋسيننىڭ،

باس پروكۋرور ا.داۋىلباەۆتىڭ نازارىنا!

بيسميللاھير يراحمانير راحيم

2008 جىلدىڭ سوڭىنا تاياۋ، «زاڭ گازەتىندە» (№121, 12 تامىز.) قىزىلوردا وبلىسى جاڭاقورعان اۋدانى اكىمى ەرلان مۇستافاەۆ تۋرالى مەنىڭ «شيەلىنى شۋىلداتقان اكىم، جاڭاقورعاندى جارىلقاي قويار ما ەكەن؟» دەگەن ۇلكەن  وبلىسقا جاڭا كەلگەن اكىم بولاتبەك قۋاندىقوۆپەن كەزدەسۋدىڭ رەتى كەلدى.

ارينە، ءبىر وبلىسقا باسشىلىق ەتۋ، ونىڭ اكىمى بولۋ ەكى ادامنىڭ ءبىرىنىڭ ماڭدايىنا جازىلار باق ەمەس. Cونىمەن قاتار وبلىستىڭ ەكونوميكالىق جانە الەۋمەتتىك جاعدايىن ارتتىرۋدا وعان ارتىلار مىندەت پەن سەنىم جۇگى دە تىم اۋىر. ەڭ الدىمەن قالىڭ بۇحارامەن جۇمىس ىستەسە ءبىلۋى كەرەك. كوپتىڭ كوڭىلىنەن شىعۋ  وڭاي شارۋا ەمەس. بۇل ورايدا  وبلىستىڭ، ونداعى تۇرىپ جاتقان ءاربىر تۇرعىننىڭ ءادىل جاناشىرى ءھام قامقورشىسى بولۋى كەرەك. قۋانعانمەن بىرگە قۋانىپ، قايعىرعاننىڭ قاسىندا بولىپ، جىلاعاننىڭ كوز جاسىن سۇرتە ءبىلۋى مىندەت. قازىرگى تاڭدا جوقشىنىڭ ەڭ ۇلكەن جانە ەڭ جاقىن جاناشىرى - اكىم. وسىعان كوندىككەن باسشى عانا  ەل ىقىلاسىنا بولەنىپ  ءوسىپ ونەدى، وبلىس تاريحىندا جاقسى اتى قالادى. ەگەر وبلىس كولەمىندەگى اۋىلدى اۋىلدان، اۋداندى اۋداننان، ءتىپتى سول مەكەندەردە تۇرىپ جاتقان ادامدى ادامداردان بولە قاراعان، جەرشىلدىك، رۋشىلدىق ىقپالىندا كەتكەن   اكىم بولسا  ەشكىمدى دە، ەش نارسەنى دە ۇشپاققا شىعارمايدى. باسقارعان جەرىن وزىنەن سوڭ بىرازعا دەيىن ايىعىپ بولماس «سىرقاتقا» ۇشىراتىپ كەتەدى...

جاڭا  اكىم بولاتبەك قۋاندىقوۆپەن بولعان ساعاتقا جۋىق  كەزدەسۋىمدە، وسى ايتىلعان اڭگىمە توڭىرەگىندە تەرەڭىرەك وي بولىسكەنبىز. نەسىن جاسىرامىز، قىزىلوردانىڭ كۇنى بۇگىنگە دەيىن شىعىسى ورتا، باتىسى كىشى ءجۇز بولىپ ىشتەي دە بولسا ازداپ بولىنەتىنى بار. ونى دا قالىپتاستىرىپ كەتكەن بۇرىنعى ءبىر-ءسار باسشىلار. وسى ءتىندى ودان ءارى اجىراتپاي، سىنىقشىداي سىيپالاپ ۇستاي بىلگەن باسشىنىڭ اقىرى جامان بولمايتىن...

بۇگىن، اراداعى سول اڭگىمەنى تارازىعا سالىپ، اكىم رەتىندە  بولاتبەك ءىنىمىزدىڭ ءوزى تىندىرا سالار ءبىر شارۋانىڭ اياعى ورىنسىز سيىر قۇيىمشاقتانىپ ۇزاڭقىراپ كەتكەن سوڭ،  جۋرناليست-جازۋشى رەتىندە ەسىنە سالۋعا تۋرا كەلىپ وتىر. ويتكەنى بۇل اڭگىمە ءتۇيىنى سول - «شيەلىنى شۋىلداتقان اكىم، جاڭاقورعاندى جارىلقاي قويار ما ەكەن؟» اتتى مەن جازعان ماقالانىڭ كەيىپكەرى  ەرلان مۇستافاەۆ پەن وبلىس اكىمى بولاتبەك قۋاندىقوۆ مىرزالاردىڭ تىكەلەي وزدەرىنە بارىپ تىرەلەدى.

بىردەن اشىپ ايتايىن، وسى ورايدا مەنىڭ سوڭعى ءبىر جارىم جىل كولەمىندە «قازاقستان - ZAMAN» گازەتىندە    ( №35, 03.09. 2009ج.)  «وبلىس اكىمى ب.قۋاندىقوۆ مىرزا، «ءولى مونشاڭىزعا» ەگەلىك ەتىڭىزشى...» نەمەسە ءۇش ازامات ناقاقتان-ناقاق تۇرمەدە نەگە وتىر؟», «جاس قازاق ءۇنى» (№17,27.04.2010ج) گازەتىندە    «قىزىلوردا وبلىسىنىڭ اكىمى ب.قۋاندىقوۆ، وبلىس پروكۋرورى ب.ەسەنبەكوۆ مىرزالار گازەتكە ناقتىلى جاۋاپ بەرۋدەن نەگە جالتارادى؟ الدە قىلمىستى بۇركەمەلەگەندەرىنە قىسىلىپ ءجۇر مە؟»، «ءتورتىنشى بيلىك» (№3 26012011ج) گازەتىندە «قر باس پروكۋرورى ق.ءماميدىڭ نازارىنا! «قايىرا حات جازامىن قايران بولسا...» دەگەن تاقىرىپتارمەن ماقالالارىم جاريالاندى.

اڭگىمە وسىدان ەكى جىل بۇرىن  شيەلى اۋداندىق سوتىنىڭ توراعاسى س.سۇلەيمەنوۆ، اۋدان اكيماتىنىڭ «شيەلىنى كوركەيتۋ» مەكەمەسىن تاراتۋ تۋرالى قاۋلىسىنان سوڭ، اتالعان مەكەمەنى تاراتۋ كوميسسياسى قۇرىلىپ،  اۋداندىق سالىق كوميتەتىنىڭ توراعاسى دانابەك ەرماعانبەتوۆ، بانكروتقا كەتىپ جاتقان كاسىپورىن ديرەكتورى ەدىل جۇبانىشبەكوۆ، باس ەسەپشى مۇحامەديار ءجۇسىپ اتالىنعان مەكەمەنىڭ قىزىلوردادا تۇراتىن 100 ورىندىق مونشا عيماراتىن 0,45 گەكتار جەرىمەن باس پايدالارىنا جاراتىپ، ولار تەرگەۋ قورىتىندىسىمەن سول مونشانى ساتۋدان تۇسكەن مەملەكەتكە 29 848 000 تەڭگە زيان كەلتىرگەنىن سوت وندىرىسىندە انىقتاپ، «...ەرماعانبەتوۆ دانابەك قۋاندىقۇلىن قازاقستان رەسپۋبليكاسى قك-ءنىڭ 176 بابىنىڭ 3 بولىگىنىڭ «ا،ب،گ» تارماقتارىمەن جانە 307 بابىنىڭ  2 بولىگىمەن كىنالى دەپ تاۋىپ، قك-ءنىڭ  176 بابىنىڭ  3 ءبولىمىنىڭ «ا،ب،گ» تارماقتارىمەن ونىڭ مۇلكىن تاركىلەپ جانە مەملەكەتتىك قىزمەت لاۋازىمدارىن اتقارۋ قۇقىعىنان جەتى جىلعا ايىرا وتىرىپ،  5 جىلعا باس بوستاندىق ەركىنەن ايىرۋعا، قك-ءنىڭ  307 بابىنىڭ 2 بولىگىمەن ەكى جىلعا باس بوستاندىق ەركىنەن ايرۋعا، قر قك-ءنىڭ   58 بابىنىڭ 3 بولىگىنىڭ تالابىنا ساي قاتاڭدىعى جەڭىلىرەك جازانى نەعۇرلىم قاتاڭ جازاعا ءسىڭىرۋ جولىمەن(!) تۇپكىلىكتى مۇلكىن تاركىلەپ، مەملەكەتتىك قىزمەت لاۋازىمدارىن اتقارۋ قۇقىعىنان  7 جىلعا ايىرا وتىرىپ،  5 جىلعا باس بوستاندىق ەركىنەن ايىرۋ جازاسىن تاعايىنداۋعا، جازاسىن جالپى رەجيمدەگى كولونيادا وتەۋدى بەلگىلەۋگە...» دەپ «اسىعىس، ءارى زاڭسىز» ۇكىم شىعارعان بولاتىن. بۇلاي ايتىپ وتىرعانىمىز، ايىپتالۋشىلاردىڭ سوت شەشىمىنە وراي «...قارجى پوليتسياسى مەن سوت تەرگەۋى جان-جاقتى وبەكتيۆتى جۇرمەي قر قىجك- ءنىڭ 24 بابى ورەسكەل بۇزىلدى...» دەپ وبلىستىق سوتتىڭ قىلمىستىق ىستەر قارايتىن اپەللياتسيالىق القاسىنا  شاعىمدانۋىندا كەلتىرىلگەن، دالەلدى قۇجاتتارى مەن ناقتىلى دەرەكتەرى  ءبىراز ادىلەتسىزدىكتىڭ بەتىن اشىپ بەرگەن-ءدى. بۇل قۇجاتتار مەن دەرەكتەر قىزىلوردا وبلىسىنىڭ اكىمى ب.قۋاندىقوۆ پەن شيەلى اۋدانىنىڭ بۇرىنعى اكىمى ە.مۇستافاەۆ جاساعان زاڭسىزدىقتى  قوماعاي زاڭگەرلەر قالاي بۇركەمەلەپ وتىرعاندىعىن كورسەتكەن.

وسى ادىلەتسىزدىككە وراي مەنىڭ جازعان وسى ءتورت ماقالامنان تىس سول كەزدە رەسپۋبليكالىق ءۇش باسىلىم; «قازاقستان» گازەتى «قىلمىس قاي جەرگە بوي تاسالاسا - سول جەرگە الەك كىرەدى.  (№37, 02 10 2008 ج), «جاس الاش» گازەتى «شيەلىشە سوتتاۋ».  (№79, 02.10.2008 ج), «زاڭ گازەتى» «ءولى مونشانىڭ» يەسى كىم؟» (№154, 09.10.2008 ج), «قازاقستان» گازەتى «مەڭدۋانانى جەگەن كىم؟»، (№20 28.05 2009ج) دەگەن تاقىرىپتارمەن ولار دا شىڭعىرعان شىندىققا اراشا ءتۇسىپ،   سوت وندىرىسىندە ورىن العان ورەسكەل كەمشىلىكتەرگە ءمان بەرىلۋىن تالاپ ەتىپ، ءوز ۇندەرىن قوسقان.

ەلباسىمىز ۇنەمى باق-تارداعى سىن ماتەريالدارعا ۋاقتىلى جاۋاپ بەرۋدى قانشاما مىندەتتەپ، ونىڭ ورىندالۋىن قاداعالاۋدى ءتيىستى زاڭ ورىندارىنا تاپسىرسا دا، ول «سىرقاتتان» باسقا مەكەمەلەر تۇگىلى، سول زاڭدىلىقتىڭ مۇلتىكسىز ورىندالۋىن باقىلايتىن قۇقىقتىق ورىنداردىڭ وزدەرى تاياۋ ارادا ايىعا قوياتىن ءتۇرى كورىنبەيدى.

گازەتتەردەگى سىنعا  جاۋاپ بولمادى. وسى ارالىقتا سوتتالۋشى ازامات شيەلىلىك دانابەك ەرماعانبەتوۆتەن ءوز تاعدىرىنا اراشا ءتۇسۋ تۋرالى مەنىڭ اتىما سەنىم حاتى مەن ءوز ءوتىنىشى ءتۇستى. وسى ءوتىنىش بويىنشا  قىزىلورداعا بارىپ، ناقتىلى قوسىمشا قۇجاتتاردى تاعى دا ىزدەۋگە تۋرا كەلدى. تاپتىم. «باقساق باقا ەكەن» دەمەكشى، تابىلعان قۇجاتتارعا قاراسام، بۇل ماسەلەگە شىنىمەن-اق  وبلىس اكىمى ب.قۋاندىقوۆتىڭ تىكەلەي قاتىسى بار بولىپ شىقتى.

قازاقتا «بۇلىنگەننەن بۇلىك الما» دەگەن قارعىستان جامان ماقال بار. قر پرەزيدەنتىنىڭ 31.03.1999 جىلعى №104 ساندى جارلىعىنا سايكەس،  20.05.1997 جىلدان جۇمىس ىستەپ كەلگەن قىزىلوردا ارنايى ەكونوميكالىق ايماعىنىڭ قىسقارتىلۋى ءبىراز لاۋازىمدى ادامدارعا نان بولىپ قالىپتى. ءوزى تىرشىلىك ەتىپ تۇرعان كەزىندە ءبىراز قارجىعا يەلىك ەتىپ تۇرعان بۇل دىرداي مەكەمە كوز الدارىندا قىسقارىپ كەتكەن سوڭ، مەكەمە قازىناسىنداعى مەملەكەتتەن بۇرىن ءبولىنىپ قويعان قارجىعا وقپانى اشىلعان مەكەمە باسشىلارى جەتەرلىك بولعان. ولاردىڭ ءبارى جايلى دەرەكتەردى كەرەك ەتسە قۇقىقتىق ورىندار وزدەرى انىقتاي جاتار، ال ءبىز وبلىس اكىمى ارالاسقان ءبىر بىلىقتىڭ بەتىن اشالىق. مىناۋ وبلىستىق ەكونوميكالىق قىلمىسقا جانە سىبايلاس قىلمىسقا قارسى كۇرەس دەپورتامەنتىنىڭ ماعان بەرگەن جاۋاپ حاتىنان ءۇزىندى.

«...ەكونوميكالىق جانە الەۋمەتتىك دامۋ قورىنان قىزىلوردا ارنايى ەكونوميكالىق ايماعىنىڭ اكىمشىلىك كەڭەسىنىڭ شەشىمىمەن «ايجان» شجق-نا «قىزىلوردا ريسماش» زاۋىتىن قالپىنا كەلتىرۋگە جانە جاتكالىق ماشينالار شىعارۋ ءۇشىن 20.05.1997 جىلى №31 ساندى جانە 02.09.1997 جىلعى №74 ساندى كەلىسىم شارتتارىمەن قوردىڭ ەسەبىنەن 30 ميلليون تەڭگە نەسيە بەرىلگەن. كەيىننەن قىزىلوردا ارنايى ەكونوميكالىق ايماعىنىڭ قىسقارتىلۋىنا بايلانىستى قىزىلوردا قالاسىنىڭ اكىمى 12.04.1999 جىلى №196 قاۋلىسىمەن بۇل قارجىنىڭ قايتارىپ الۋ قۇقىعىن «قىزىلوردا» مم-نە بەرگەن. وبلىس اكىمىنىڭ 14.01.2000 جىلعى №133 شەشىمىمەن «قىزىلوردا» مم-ءنىڭ  29 848 000 تەڭگە دەبيتورلىق قارىزى «قىزىلوردا سەرۆيز» مكك-نا وتكەن..»

وسى جەردە حاتتاعى وسى ءۇزىندى مەن №12-8/12778 اكتىدەگى تىركەلىپ كورسەتىلگەن ناقتىلى قۇجاتتارعا ساي مىناداي پىكىر ايتقىمىز كەلىپ وتىر. شجق «ايجانعا» (ج.ش.س «بەيبارىس») قىزىلوردا ارنايى ەكونوميكالىق ايماعى اكىمشىلىك كەڭەسى توراعاسىنىڭ 28.05.1997 جىلعى №17-ءشى قاۋلىسىمەن جانە «قازاگروپرومبانك» قىزىلوردا فيليالىنىڭ 20.05. جانە 02.09.1997 جىلعى 31-ءشى  جانە 74-ءشى نومەرلى كرەديتتىك كەلىسىم-شارتتارى نەگىزىندە 6-ايعا دەيىنگى 8% نەسيەمەن جالپى سوماسى 30 ملن. تەڭگە بەرىلگەن. ياعني 20.05.1997 جىلى الىنعان 20 ملن. تەڭگە نەسيەنىنىڭ تولىق وتەۋ مەرزىمى 20.11.1997 جىل، ال 02.09.1997 جىلى الىنعان 10 ملن.تەڭگە نەسيەنىڭ تولىق وتەۋ مەرزىمى 28.02.1998 جىلعا دەيىن دەپ كورسەتىلگەن. (كەلىسىم-شارتتاعى ەكى جاقتى قول قويىپ ءمور باسىلعان مالىمەتتەر قولىمىزدا). بۇل 30 ملن. تەڭگە نەسيە مەرزىمىندە وتەلمەگەن. وتەلمەگەن مەملەكەت قارىزىن قايتارماعانى ءۇشىن قىلمىستىق ءىس قوزعاتۋ ورىنىنا، سول كەزدەگى قالا اكىمى ە.دوسمامبەتوۆ 12.04.1999 جىلعى ءوزىنىڭ №196-شى قاۋلىسىمەن  30 ملن.تەڭگەنى 8% مولشەرىمەن قايتارىپ الۋ قۇقىعىن  "قىزىلوردا» مەملەكەتتىك كاسىپورىنىنا بەرگەن. وسىنداي زاڭسىز قاۋلى الىنعاندا قالالىق پروكۋرور قايدا قاراپ وتىرعان؟ نە سەبەپتى كەلىسىم-شارتتا كورسەتىلگەندەي  بۇل قارجىنى ءوندىرىپ الۋدى زاڭعا سايكەس سوتقا جۇگىنىپ دەر كەزىندە مەملەكەتكە ءوندىرىپ الۋ شارالارىن ۇيىمداستىرماعان؟  بۇعان قوسىمشا سول كەزدە نەسيە الۋ كەزىندە كەپىلدىككە قويىلعان مۇلىكتەر قايدا؟.. ويتكەنى بۇل قارجى ناقتىلى اقشاعا اينالىپ سول كەزدە «دوكەيلەرگە» قولدى بولىپ ۇلگەرگەن ەدى...

ارينە، مۇنشا قارجىنى قانشا «دوكەي» بولساڭ دا وڭەشتەن وتكىزىپ جىبەرۋ وپ-وڭاي شارۋا ەمەس. بۇل ءۇشىن وبلىس اكىمى 14.01.2000 جىلى «قىزىلوردا» مەملەكەتتىك كاسىپورىنىن «قىزىلوردا-ينوۆاتسيا» جانە «قىزىلوردا-سەرۆيز» مەملەكەتتىك كاسىپورىندارى ەتىپ قۇرۋ تۋرالى ءوزىنىڭ №133 شەشىمىن الدى.  «قىزىلوردا-سەرۆيزدىڭ» جارعىلىق كاپيتالى 29 848 000 (جيىرما توعىز ميلليون سەگىز ءجۇز قىرىق سەگىز مىڭ) (سوت ۇكىمىندەگى قارجى) تەڭگە، جەتەكشىسى ەرلان مۇستافاەۆ دەپ كورستەتىلىپ، وبلىستىق  ادىلەت باسقارماسىنا تىركەلدى. ارتىنشا اراعا ۋاقىت سالىپ، 22.11.2002 جىلى №347 قاۋلىسىمەن جاڭا اشىلعان بۇل مەكەمە  شيەلى اۋدانى اكىمىنىڭ اپپاراتىنا بەرىلدى. ەكى قاۋلىنىڭ دا ورىندالۋىن باقىلاۋ سول كەزدەگى وبلىس اكىمىنىڭ ورىنباسارى ب.قۋاندىقوۆقا جۇكتەلىپتى. بۇل شارۋانى تولىق اياعىنا دەيىن جەتكىزۋ ءۇشىن وبلىستىق اكيمات 14.03.2003 جىلى تاعى دا شيەلى اۋدانىنىڭ شارۋاشىلىق جۇرگىزۋ قۇقىعىنداعى «شيەلىنى كوركەيتۋ» مەملەكەتتىك كوممۋنالدىق كاسىپورىنىن قۇرۋ تۋرالى №450 قاۋلىسىن شىعارىپتى. وسى قاۋلى نەگىزىندە شيەلى اۋدانىنىڭ اكىمى اپپاراتى 01.04.2003 جىلى №49 ساندى شيەلى اۋدانىنىڭ شارۋاشىلىق جۇرگىزۋ قۇقىعىنداعى «شيەلىنى كوركەيتۋ» مەملەكەتتىك كوممۋنالدىق كاسىپورىنىن قۇرۋ تۋرالى بۇيرىعى ءوز ىزىمەن ومىرگە كەلەدى. جاڭا مەكەمەگە مەملەكەتتىك بولا تۇرا جارعىلىق قارجى قارالمايدى(؟!). بۇل زاڭسىزدىققا كونبەگەن  شيەلى اۋداندىق ادىلەت باسقارماسى 22.11.2005 جىلى «شيەلى كوركەيتۋ» مەكەمەسى جارعىسىنا وزگەرتۋ مەن تولىقتىرۋلار ەنگىزۋىن تىركەۋدەن باس تارتقان ءوزىنىڭ №158 ساندى بۇيرىعىن شىعارادى. اۋداندىق ادىلەت مەكەمەسى تاراپىنان شىعارىلعان بۇل زاڭدى قارسىلىققا اۋدان اكىمشىلىگى قازاقشا ايتقاندا كوتەن زورلىقپەن قىسىم جاساپ  25.12.2005 جىلى  مەكەمەنىڭ جارعىسى   اۋدان اكيماتىنىڭ №1186 ساندى قاۋلىسىمەن بەكىتىلەدى(؟!...). ماسقارا! 18.05.2005 جىلى  شيەلى اۋدانىنىڭ اكىمى ءوزىنىڭ №981 قاۋلىسىمەن قىزىلوردا قالاسىندا ورنالاسقان «قىزىلوردا-سەرۆيزدى»  ءوز تەريتورياسىنا كىرمەسە دە، «شيەلىنى كوركەيتۋ» مەكەمەسىنە قوسۋ تۋرالى(؟!)  قاۋلى الادى. قانشاما زاڭسىزدىق، قانشاما زاڭ ورىندارىنىڭ كوزىنە تۇسپەگەن قۇيتىرقى قۇجاتتار!... وسى جەردە ويلانىپ قارالىقشى، قىزىلوردا قالاسىنا كوممۋنالدىق قىزمەت كورسەتەتىن مەكەمەنى، ءوز كۇنىن ءوزى ازەر كورىپ وتىرعان، قالادان 200 شاقىرىم شالعايداعى شيەلى اۋدانى اكىمدىگىنە اۋدارار باستارىنا نە كۇن تۋدى ەكەن؟.. قاراپ وتىرساڭ جاڭادان اشىلعان «قىزىلوردا-سەرۆيز مەملەكەتتىك مەكەمەسى جۇمىس جاساماعان، تەك قانا زاڭسىز الىنعان وبلىس اكىمىنىڭ قاۋلىسى عانا جۇمىس جاساپ وتىرعان...

مەنىڭ ادەتىم، ورنىنان كەتكەن ادامنىڭ ارتىنان ءجامانسوز ايتپايمىن جانە «قۇلان قۇدىققا قۇلاسا، قۇلاعىندا قۇرباقا وينايدىنىڭ» قاتارىنان ەمەسپىن. تاياۋدا وبلىستىق جانە رەسپۋبليكالىق تەلەديدارلار قىزىلوردا وبلىسىنىڭ اكىمى ب.قۋاندىقوۆتى بوساتىپ، ورىنىنا  كۇرىشباەۆتىڭ بەكىگەندىگىن حابارلادى. ارتىنشا جالعان اقپارات تاراتقانىنا سول باق-تار كورەرمەندەردەن كەشىرىم سۇراپ جاتتى. ماعان دا كەرەگى وسى بولاتىن. ب.قۋاندىقوۆ مىرزا جوعارىداعى ءبىز اڭگىمە ەتكەن وبلىس اكىمىنىڭ قاۋلىلارى مەن شەشىمدەرىن ءوزى دايىنداپ، ءوزى ورىنداۋشى بولدى عوي. شىعارىلعان وسى قاۋلىلاردىڭ زاڭدىلىعىنا ءتيىستى باعا بەرۋدى سۇراپ وبلىس پروكۋرورىنا حات بەرسەم، ونداعىلار ءادىل جاۋاپتان جالتارىپ،  وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپورتامەنتىنە جىبەردى. بۇل مەكەمە  باستىعىنىڭ ورىنباسارى ت.شىنتاەۆ ءوز جاۋابىندا; «جيناقتالعان قۇجاتتار بويىنشا، جوعارىداعى اتالعان مەكەمەلەرگە قاتىستى شىعارىلعان قاۋلىلاردىڭ زاڭدىلىعىنا ءتيىستى باعا بەرۋ پروكۋراتۋرا ورگاندارىنىڭ تىكەلەي قۇزىرەتىندە ەكەندىگىن ەسىڭىزگە سالامىن» دەپ پروكۋروردىڭ ساۋاتسىزدىقتارىن ادەمى بەتتەرىنە باسا وتىرىپ، ماعان

جازعان جاۋاپتارىندا شىر-پىر بولادى. مەنىڭ ەسىمە بۇل ساۋالدى كەزىندە وسى قاۋلىلاردى دايىنداۋدا باسى قاسىندا جۇرگەن ب.قۋاندىقوۆ مىرزانىڭ وزىنە قويۋ كەشتەۋ ءتۇسىپ وتىر. كەۋدەسىندە از كەم يمانى بولسا، ءوزى دايىنداعان №133, 347 جانە وسى قاۋلىنى ىسكە اسىرۋدا قالا مەن اۋدان اكىمدەرى العان №196, 450, 981  زاڭسىز قاۋلىنىڭ ارقاسىندا سوتتى بولعان ازاماتتاردىڭ كوز جاسىن اكىم مىرزا بىزدەن بۇرىن ءوزى ءسۇرتۋى ءتيىس ەمەس پە؟..

ب.قۋاندىقوۆ مىرزا شىعارىلعان قاۋلىلاردىڭ زاڭدىلىعىنا نازار اۋدارعان كەزدە، مىنا فاكتىلەرگە دە زەر سالسا ارتىق بولماس  ەدى; «قىزىلوردا» مم-ءنىڭ قۇرىلتايشىسى وبلىس اكىمى 05.01.2000 جىلى №126-شى قاۋلىسىمەن وسى اتالعان مەكەمەنى قايتا قۇرۋ نەگىزىندە شارۋاشىلىق جۇرگىزۋ قۇقىعىنداعى ەكى مەملەكەتتىك مەكەمەنى جاڭادان اشۋ جونىندە كوميسسيا قۇرىپ  جانە وسى كوميسسياعا تاراتۋ بالانسىن 2000 جىلدىڭ 13-ءشى قاڭتارعا دەيىن بەكىتۋدى تاپسىرادى. بۇل قاۋلىنىڭ ورىندالۋى سول كەزدەگى وبلىس اكىمىنىڭ ورىنباسارى ب.قۋاندىقوۆقا جۇكتەلەدى. وسى قاۋلىعا سايكەس كوميسسيا مۇشەلەرى 05.01.2000 جىلى سول كۇنگە جاڭادان اشىلماعان بەلگىسىز ەكى مەملەكەتتىك مەكەمەگە تاراتۋ بالانسىن جاساپ ونى سول كۇنى بەكىتەدى(!). بۇل جاڭادان اشىلاتىن مەكەمەنىڭ بىرەۋى «قىزىلوردا-سەرۆيس» مەملەكەتتىك كوممۋنالدىق كاسىپورىنى قىزىلوردا ادىلەت باسقارماسىنا 20.01.2000 جىلى عانا (№3842-1933-مك نومەرىمەن) تىركەلگەن. ال ەندى قر ازاماتتىق كودەكسىنىڭ 47-ءشى بابىندا «قايتا قۇرىلعان زاڭدى تۇلعانىڭ مۇلىكتىك قۇقىقتارىمەن مىندەتتەرى جاڭادان پايدا بولعان زاڭدى تۇلعاعا بولىنگەن جانە ءبولىپ شىعارىلعان جاعدايدا ءبولۋ بالانسىنا سايكەس اۋىسادى. ايىرۋ بالانسىندا قايتا قۇرىلعان زاڭدى تۇلعانىڭ بارلىق نەسيە بەرۋشىلەرىمەن بورىشقورلارىنا قاتىستى، بارلىق مىندەتتەمەلەرى بويىنشا سونىڭ ىشىندە تاراپتار داۋلاسقان مىندەتتەمەلەر بويىنشا دا قۇقىقتى ميراسقورلىعى تۋرالى ەرەجەلەرى بولۋى ءتيىس»- دەلىنگەن.

سوندا زاڭ نە دەپ تۇر، زاڭدى بەلىنەن باسقان اكىمشىلىك قاۋلىسى نە دەپ تۇر؟..  بىزگە تۇسىنىكسىز، اكىم مىرزا نە ايتار ەكەن؟...

«اباي-اقپارات»