وبلىس اكىمى بەردىبەك ساپارباەۆ وبلىستىق باسقارمالار مەن مەكەمەلەردىڭ، قۇقىق قورعاۋ ورگاندارى قىزمەتتەرى باسشىلارىنىڭ جانە قالا، اۋدان اكىمدەرىنىڭ قاتىسۋىمەن ون-لاين رەجيمىندە سەلەكتورلىق ءماجىلىس وتكىزدى. ماجىلىستە مەملەكەت باسشىسى نۇرسۇلتان نازارباەۆتىڭ وتكەن اپتانىڭ اياعىنداعى ءبىزدىڭ وبلىسقا جۇمىس ساپارىنىڭ قورىتىندىسى، ەلىمىز تاۋەلسىزدىگىنىڭ 20 جىلدىعىنا بايلانىستى اتقارىلار ءىس-شارالار مەن 3-ءساۋىر كۇنى وتەتىن قر پرەزيدەنتىنىڭ كەزەكتەن تىس سايلاۋىنا دايىندىق بارىسى تۋرالى ماسەلەلەر قارالدى.

شىعىستا تاعى ءبىر باستاما تۋدى

ەڭ الدىمەن ەلباسىنىڭ وڭىرىمىزگە جۇمىس ساپارىن قورىتىندىلاپ، وسى ماڭىزدى وقيعانىڭ ۇيىمشىلدىقپەن، جوعارى دارەجەدە وتۋىنە ءوز ۇلەستەرىن قوسقان بارلىق سالا باسشىلارىنا العىسىن بىلدىرگەن وبلىس اكىمى بەردىبەك ساپارباەۆ پرەزيدەنتتىڭ وسى كەزدەسۋدە شىعىس قازاقستان وبلىسىنىڭ الدىنا قويعان تاپسىرمالارىن دا اتاپ ايتتى.

وبلىس اكىمى بەردىبەك ساپارباەۆ وبلىستىق باسقارمالار مەن مەكەمەلەردىڭ، قۇقىق قورعاۋ ورگاندارى قىزمەتتەرى باسشىلارىنىڭ جانە قالا، اۋدان اكىمدەرىنىڭ قاتىسۋىمەن ون-لاين رەجيمىندە سەلەكتورلىق ءماجىلىس وتكىزدى. ماجىلىستە مەملەكەت باسشىسى نۇرسۇلتان نازارباەۆتىڭ وتكەن اپتانىڭ اياعىنداعى ءبىزدىڭ وبلىسقا جۇمىس ساپارىنىڭ قورىتىندىسى، ەلىمىز تاۋەلسىزدىگىنىڭ 20 جىلدىعىنا بايلانىستى اتقارىلار ءىس-شارالار مەن 3-ءساۋىر كۇنى وتەتىن قر پرەزيدەنتىنىڭ كەزەكتەن تىس سايلاۋىنا دايىندىق بارىسى تۋرالى ماسەلەلەر قارالدى.

شىعىستا تاعى ءبىر باستاما تۋدى

ەڭ الدىمەن ەلباسىنىڭ وڭىرىمىزگە جۇمىس ساپارىن قورىتىندىلاپ، وسى ماڭىزدى وقيعانىڭ ۇيىمشىلدىقپەن، جوعارى دارەجەدە وتۋىنە ءوز ۇلەستەرىن قوسقان بارلىق سالا باسشىلارىنا العىسىن بىلدىرگەن وبلىس اكىمى بەردىبەك ساپارباەۆ پرەزيدەنتتىڭ وسى كەزدەسۋدە شىعىس قازاقستان وبلىسىنىڭ الدىنا قويعان تاپسىرمالارىن دا اتاپ ايتتى.

- مەن مەملەكەت باسشىسىنا ءوڭىردىڭ سوڭعى ەكى ايداعى الەۋمەتتىك-ەكونوميكالىق دامۋى جونىندە بايانداپ بەردىم. وتكەن جىلدىڭ وسى مەرزىمىمەن سالىستىرعاندا بارلىق كورسەتكىشتەر جوعارى بولدى. ونىڭ ىشىندە وڭىردە ەرەكشە ماڭىزداعى يندۋستريالدىق-يننوۆاتسيالىق دامۋ باعدارلاماسىنىڭ ءساتتى جۇزەگە اسىرىلىپ جاتقانىن جەتكىزدىم. يندۋستريالاندىرۋ كارتاسى بويىنشا شق وبلىسىندا 12 جوبا جۇزەگە اسىرىلىپ، جاڭا وندىرىستەردە 13 ميلليارد تەڭگەنىڭ ءونىمى ءوندىرىلىپ، ولاردان بيۋدجەتكە 1 ميلليارد تەڭگە تولەم ءتۇستى، 700-گە تارتا جاڭا جۇمىس ورىندارى اشىلىپ وتىر. ءبىزدىڭ وبلىستا بيىلعى جىلى تاعى دا 12 جوبا جۇزەگە اسادى. ەلباسى ول جاڭا جوبالاردىڭ بارىمەن دە تانىسىپ، تۇساۋكەسەرىن كوردى. ايماقتاعى ىرگەلى كاسىپورىندار مەن شارۋاشىلىق باسشىلارىمەن دە كەزدەسىپ، تىلدەستى. سپورت سارايىندا وتكەن ەتنومادەني بىرلەستىكتەر وكىلدەرىمەن كەزدەسۋدە دە بىرلەستىكتەر وكىلدەرى تاراپىنان جاقسى ۇسىنىستار ايتىلدى. شىعىستا تاعى ءبىر جاڭا باستاما كوتەرىلدى دەۋگە بولادى. وبلىستاعى ەتنومادەني بىرلەستىكتەر ۇجىمدارىنىڭ ۇسىنعان «دوستىق پەن جاڭا-رۋدىڭ، بەيبىتشىلىكتىڭ جول كارتاسى» اكتسياسى حالىقتار دوستىعى اسسامبلەياسىندا قولداۋ تاۋىپ، رەسپۋبليكا كولەمىندە ىسكە اسىرىلاتىن بولادى، - دەگەن وبلىس اكىمى مەملەكەت باسشىسىنىڭ وبلىستىڭ تۇراقتى الەۋمەتتىك-ەكونوميكالىق دامۋىن قامتاماسىز ەتۋگە، اۋىل شارۋاشىلىعى ونىمدەرىن قايتا وڭدەۋگە باسا نازار اۋدارۋعا، ازىق-تۇلىك باعاسىنىڭ قىمباتتاۋىنا جول بەرمەۋگە وراي بەرىلگەن تاپسىرمالارىنان تۋىندايتىن مىندەتتەر مەن ماقساتتاردى ورىنداۋدىڭ جولدارىن، باعىت-باعدارىن تالقىعا سالدى.

شىعىس قازاقستاندا شاعىن جانە ورتا بيزنەس قارقىندى دامىپ، وندىرىسكە ينۆەستيتسيا تارتۋ كولەمى ارتىپ كەلەدى. الدا تۇرعان نەگىزگى مىندەت - ەكونوميكالىق دامۋىمىزدى باسەڭدەتپەي، ءونىمدى ەسەلەي ءتۇسۋ. وبلىس باسشىسى:

- ەلباسىنىڭ ءوزىنىڭ اتاپ ايتقانىنداي، وبلىستا جىلىنا 700 مىڭ توننا ءسۇت ءوندىرىلىپ جاتقانىنا قاراماستان ونىڭ 20 پايىزى عانا قايتا وڭدەۋدەن وتكىزىلىپ وتىر. ءسۇت ءوندىرۋ كولەمى جاعىنان الدىڭعى ورىندا تۇرعان وبلىس ءۇشىن بۇل، ارينە، وتە از. پرەزيدەنت وڭىردە ارا شارۋاشىلىعىن دامىتۋعا دا قولايلى جاعداي بار ەكەنىنە نازار اۋداردى. قازىر بۇل شارۋاشىلىقتى وركەندەتۋگە وبلىستىق بيۋدجەتتەن، رەسپۋبليكالىق بيۋدجەتتەن سۋبۆەنتسيا، دوتاتسيا بەرىلۋدە، - دەپ ءوز ورىن-باسارى گ.پينچۋككە اۋىل شارۋاشىلىعى سالاسىنداعى وسى باعىتتاردى ءارى قاراي دامىتۋدىڭ شارالارىن جۇرگىزۋ تۋرالى تاپسىرما بەردى.