اشىق حات
قازاقستان رەسپۋبليكاسىنىڭ پرەزيدەنتى
ن.ءا. نازارباەۆقا
قۇرمەتتى نۇرسۇلتان ءابىشۇلى!
ۇستىمىزدەگى جىلدىڭ 20-21 ساۋىرىندە، ءسىزدىڭ شەتەلدىك ساپارىڭىز كەزىندە «حابار» تەلەارناسى ءوزىنىڭ اپتالىق باعدارلاماسىنان كەنەتتەن اۋىتقىپ، قوجا احمەت ياساۋي نەگىزىن سالعان سوپىلىق مەكتەپتىڭ ءىزباسارى يسماتۋللا ابدىعاپپار جونىندە تولىقتاي جالعان اقپاراتتار مەن بۇرمالانعان دەرەكتەرگە نەگىزدەلگەن فيلم كورسەتتى. تاققان ايىبى - يسماتۋللا اقساقال «زىكىردى پايدالانۋ» ارقىلى ازاماتتاردى وزىنە باعىندىرىپ، ساياسي ماقساتتارعا، بالكي بيلىككە تالاسۋعا ۇمتىلىپتى-مىس.
شىندىعىندا، يسماتۋللا اقساقال - ياساۋي، اباي، شاكارىم، بەكەت اتا وسيەتتەرىنە سايكەس، مەملەكەت باسشىسىن جاراتۋشىنىڭ جەردەگى كولەڭكەسى دەپ ەسەپتەيتىن، ەلدىك ۇعىمىن تۋ ەتىپ ۇستاۋشى بابالار ءداستۇرىنىڭ، ياعني سوپىلىقتىڭ بىرەگەي وكىلى. «باسقا-باسقا، قازاقتىڭ ماڭدايىنا بىتكەن پاتشاسىن سىيلاۋ، اللا تاعالادان ونىڭ اماندىعىن تىلەۋ - قاي قاراكوزدىڭ بولماسىن پارىزى جانە مىندەتى» دەگەنىن ءوز قۇلاعىمىزبەن ول كىسىنىڭ اۋزىنان تالاي ەستىدىك. ال، زىكىر عيباداتى بولسا، بابالارىمىز عاسىرلار بويى قولدانىپ كەلگەن، ەڭ الدىمەن، رۋحتى، ادامدىق بولمىستى كوركەيتەتىن، بارىنشا جەتىلدىرەتىن، جۇرەك پەن اردى تازارتاتىن قۋاتتى قۇرال، ونىڭ ساياساتقا ەشقانداي قاتىسى جوق!
قازاقستان رەسپۋبليكاسىنىڭ پرەزيدەنتى
ن.ءا. نازارباەۆقا
قۇرمەتتى نۇرسۇلتان ءابىشۇلى!
ۇستىمىزدەگى جىلدىڭ 20-21 ساۋىرىندە، ءسىزدىڭ شەتەلدىك ساپارىڭىز كەزىندە «حابار» تەلەارناسى ءوزىنىڭ اپتالىق باعدارلاماسىنان كەنەتتەن اۋىتقىپ، قوجا احمەت ياساۋي نەگىزىن سالعان سوپىلىق مەكتەپتىڭ ءىزباسارى يسماتۋللا ابدىعاپپار جونىندە تولىقتاي جالعان اقپاراتتار مەن بۇرمالانعان دەرەكتەرگە نەگىزدەلگەن فيلم كورسەتتى. تاققان ايىبى - يسماتۋللا اقساقال «زىكىردى پايدالانۋ» ارقىلى ازاماتتاردى وزىنە باعىندىرىپ، ساياسي ماقساتتارعا، بالكي بيلىككە تالاسۋعا ۇمتىلىپتى-مىس.
شىندىعىندا، يسماتۋللا اقساقال - ياساۋي، اباي، شاكارىم، بەكەت اتا وسيەتتەرىنە سايكەس، مەملەكەت باسشىسىن جاراتۋشىنىڭ جەردەگى كولەڭكەسى دەپ ەسەپتەيتىن، ەلدىك ۇعىمىن تۋ ەتىپ ۇستاۋشى بابالار ءداستۇرىنىڭ، ياعني سوپىلىقتىڭ بىرەگەي وكىلى. «باسقا-باسقا، قازاقتىڭ ماڭدايىنا بىتكەن پاتشاسىن سىيلاۋ، اللا تاعالادان ونىڭ اماندىعىن تىلەۋ - قاي قاراكوزدىڭ بولماسىن پارىزى جانە مىندەتى» دەگەنىن ءوز قۇلاعىمىزبەن ول كىسىنىڭ اۋزىنان تالاي ەستىدىك. ال، زىكىر عيباداتى بولسا، بابالارىمىز عاسىرلار بويى قولدانىپ كەلگەن، ەڭ الدىمەن، رۋحتى، ادامدىق بولمىستى كوركەيتەتىن، بارىنشا جەتىلدىرەتىن، جۇرەك پەن اردى تازارتاتىن قۋاتتى قۇرال، ونىڭ ساياساتقا ەشقانداي قاتىسى جوق!
سوندىقتان دا ءسىزدىڭ ۇستىمىزدەگى جىلدىڭ 11 ناۋرىزىندا تۇركىستان قالاسىندا زيالى قاۋىم وكىلدەرىمەن كەزدەسۋ ساتىندە «ءبىزدىڭ حالقىمىزدىڭ رۋحاني وزەگى قوجا احمەت ياساۋي ءىلىمى بولىپ تابىلادى» دەگەن ءسوزىڭىز مەرەيىمىزدى ءوسىرىپ، كوڭىلىمىزدى قۋانىشقا بولەدى. ءوز كەزەگىمىزدە، يسماتۋللا ابدىعاپپاردىڭ ۇلت بىرلىگى، ەلدىك جونىندەگى ءسىزدىڭ كوزقاراسىڭىز بەن ۇستانىمدارىڭىزدى جۇزەگە اسىرۋعا جان-تانىمەن ەڭبەك سىڭىرگەن، ەكسترەميزم مەن تەرروريزمگە قارسى ىمىراسىزدىقپەن كۇرەسكەن اقساقال ەكەندىگىن قاي جەردە، قاي جيىندا بولماسىن مالىمدەۋگە ءازىرمىز.
«حابار» سياقتى الپاۋىت تەلەكانالدى پايدالانۋ ارقىلى، قالىڭ كوپشىلىك الدىندا يسماتۋللا اقساقالدىڭ بەدەلىنە نۇقسان كەلتىرۋ ارەكەتى جات ءدىني اعىمداردىڭ وكىلدەرىنە عانا پايدالى، ويتكەنى ولاردىڭ ورتتەي قاۋلاپ، تامىرلاپ كەتۋىنە كۇنى بۇگىنگە دەيىن ي.ابدىعاپپاردىڭ باستى جانە ناتيجەلى كەدەرگى بولعانى كوپشىلىككە ءمالىم.
قازىرگى كەزدە وسى ءفيلمنىڭ شىعۋ ءمانى، ساياسي استارى، ونىڭ تاپسىرۋشىلارى جونىندە ءتۇرلى-ءتۇرلى اڭگىمەلەر قاۋلاپ كەتتى. ءبىز ءوز تاراپىمىزدان، تاپسىرىس بەرۋشىلەر رەتىندە اتى اتالىپ، ءتۇسى تۇستەلگەن ساياسيلانعان ءدىني كۇشتەر، ولاردىڭ باسشى تۇلعالارى تۋرالى بىرقاتار باق بەتتەرىنە جاريالانعان اقپاراتتار شىندىققا سايا ما دەپ قاۋىپتەنەمىز. قازاقستان مۇسىلماندارى ءدىني باسقارماسى دا شەتەلدىك ىقپالدىڭ، اسىرەسە، «ۆاححابشىلدىق» كەيپىندەگى، بىزدە جۇمسارتىلىپ «سالافيزم» دەپ اتالاتىن اتىشۋلى ارابتىق ىقپالدىڭ كۇشەيۋىنە الاڭداۋشىلىق ءبىلدىرىپ، جاقىندا جاريالاعان ارنايى ءپاتۋاسىندا ءدال وسى يدەولوگيادان ساقتاندىردى.
وسىعان وراي، ءفيلمدى ءتۇسىرۋ جونىندە باستاما كوتەرگەندەردى جانە ونى قاساقانا كورسەتكەندەردى مەملەكەتكە، قازاققا قارسى قاسكوي كۇش رەتىندە باتىل اتاۋعا بولادى دەپ تۇيدىك. ويتكەنى ولاردىڭ ءىس-قيمىلى - ءسىزدىڭ ەلدىككە، بىرلىككە شاقىرعان ساياساتىڭىزعا قايشى ارەكەت، قازاقتىڭ ءتۇپ-تامىرىنا شابىلماق بالتا. ايدىڭ-كۇننىڭ امانىندا جۇرتتى شاتاستىرىپ، بۇكىل ەل بوپ سايلاعان پرەزيدەنتتى الداۋدان تايىنباعان ولاردىڭ بولاشاقتا زۇلىمدىق پيعىلدارىن ىسكە اسىرۋ ءۇشىن ەشكىمدى دە اياماسى، ەشتەڭەدەن دە تايىنباسى بەلگىلى.
فيلمگە تاپسىرىس بەرۋشىلەر 9 اي بويى قاماۋدا وتىرعان يسماتۋللا اقساقال مەن ونىڭ شاكىرتى، پروفەسسور سايات يبراەۆ سياقتى بىرنەشە ات توبەلىندەي ازاماتتاردان ءبۇتىن حالىقتىڭ، ەلباسى جاۋىنىڭ بەينەسىن قولدان قاساقانا جاساي وتىرىپ، قوعامدا الاڭداۋشىلىق تۋدىرۋدى، ساياسي جاعدايدى ۋشىقتىرىپ، سول ارقىلى وزدەرىنە كەرەكتى جاعداي قالىپتاستىرۋدى كوزدەگەن، وسىلايشا، جۇرت نازارىن وزدەرىنەن الىستاتۋ ماقساتىن دىتتەگەن دەپ تۇسىنەمىز.
قۇقىقتىق تۇرعىدان الساق، يسماتۋللا ابدىعاپپاردىڭ بار ايىبى - كادۋىلگى مەديتسينا مەن قاپتاعان كۇرەسۋشى ورگاندار ەمدەي الماعان جۇزدەگەن ناشاقور مەن ماسكۇنەمدى ساۋىقتىرعاندىعىندا. ناقتى ايتقاندا، قولىندا دەنساۋلىق ساقتاۋ مينيسترلىگىنىڭ ليتسەنزياسى بولماعاندىعىندا. ال، ءبىزدىڭ ويىمىزشا، يسماتۋللا اقساقالدىڭ بۇل قىزمەتىنە ليتسەنزيا تالاپ ەتۋدىڭ ەش قيسىنى جوق، ويتكەنى ءسوز بولىپ وتىرعان رۋحاني ساۋىقتىرۋدىڭ ادەتتەگى مەديتسيناعا قاتىسى شامالى. مۇنداعى ساۋىعۋ ياساۋي بابامىزدىڭ «ديۋاني حيكمەتىندە» ايتىلعانداي، ادامدى تەك رۋحاني تۇرعىدان نىعايتاتىن زىكىر سالۋ، ياكي جاراتقان اللانىڭ اتىن ەسكە الۋ ارقىلى جۇزەگە اسقان. جاي-جاپسارى اقىلعا قونىمسىز «قىلمىستىق ءىس» ءتۇرلى سەبەپتەرمەن ۋاقتىلى ساۋىعا الماعان وسىنداي كاتەگورياداعى شىنشىلدىعى كۇماندى ءبىردى-ەكىلى ادامنىڭ جازعان ارىزدارىنا نەگىزدەلگەن. ونى ءفيلمنىڭ وزىنەن-اق كورۋگە بولادى. ال، ءىس بارىسىن قاداعالاپ وتىرعاندار بولسا ءالى سوت پروتسەسى باستالماي جاتىپ، ياعني ءتيىستى زاڭدارىمىزدى ورەسكەل بۇزىپ، قاجەتتى قوعامدىق پىكىر تۋعىزۋ ءۇشىن وسىنداي وتىرىككە بارىپ وتىر.
وتكەن جىلدىڭ قازان ايىنان بەرى ءبىز يسماتۋللا ابدىعاپپاردى نەگىزسىز قۋعىنداۋ مەن ايىپتاۋلارعا نازار اۋدارۋىڭىزدى سۇراپ، سىزگە بىرنەشە رەت حات جولدادىق. وسى ماسەلەلەرگە وراي ءوزىڭىزدىڭ قابىلداۋىڭىزدى سۇراپ، ارنايى ءوتىنىش تە جولدادىق. ونداعىمىز - وسىنىڭ ءبارىن دابىرالاتپاي وزىڭىزگە ايتساق، الىپ-قوسۋسىز جەتكىزسەك دەگەن ءۇمىت. بىراق، ۇشتى-كۇيلى حابار جوق، استە حاتتارىمىزدى سىزگە جەتكىزبەيتىن بولسا كەرەك. ءتىپتى بارا-بارا ءدۇيىم جۇرتتىڭ الدىندا ماسقارالاپ، جالا جابۋعا كوشكەن سوڭ ەرىكسىز وسى حاتتى جازۋعا بەل بۋدىق.
اتا سالتىمەن «دات» دەپ وتىرمىز.
ءبىزدى ۇلتىمىزدىڭ تاعدىرى، بولاشاعى قاتتى الاڭداتادى. ەلدىڭ ىنتىماعى مەن وركەندەۋىنىڭ بىردەن ءبىر كەپىلى وزىڭىزدەن وسى باسسىزدىقتى تىيىپ، ءتيىستى شارا قولدانۋىڭىزدى سۇرايمىز.
نازارىڭىزعا «حابارعا» جولدانعان سوتقا دەيىنگى تالاپ-ارىزدىڭ كوشىرمەسىن قوسا جىبەرىپ وتىرمىز.
قۇرمەتپەن،
1. شەرحان مۇرتازا، حالىق جازۋشىسى، مەملەكەتتىك سىيلىقتىڭ يەگەرى;
2. مەكەمتاس مىرزاحمەتۇلى، فيلولوگيا عىلىمدارىنىڭ دوكتورى،پروفەسسور، ابايتانۋ عىلىمي-زەرتتەۋ ورتالىعىنىڭ ديرەكتورى;
3. ديداحمەت ءاشىمحان، جازۋشى، قر-ىنا ەڭبەك سىڭىرگەن قايراتكەر، باسپاگەر;
4. امانحان الىمۇلى، اقىن، م.ماقاتاەۆ اتىنداعى سىيلىقتىڭ يەگەرى;
5. ەسەنعالي راۋشان، اقىن، مەملەكەتتىك سىيلىقتىڭ لاۋرەاتى، حالىقارالىق «الاش» ادەبي سىيلىعىنىڭ يەگەرى;
6. تۇرسىن جۇرتباي، فيلولوگيا عىلىمدارىنىڭ دوكتورى، پروفەسسور، جازۋشى، حالىقارالىق «الاش» ادەبي سىيلىعىنىڭ، ، ءى.جانسۇگىروۆ اتىنداعى سىيلىقتىڭ يەگەرى;
7. اسەلحان قالىبەكوۆا، حالىق اقىنى، «پاراسات» وردەنىنىڭ يەگەرى;
8. سۆەتقالي نۇرجان، اقىن، «دارىن» مەملەكەتتىك سىيلىعىنىڭ، «ەرەن ەڭبەگى ءۇشىن» مەدالىنىڭ يەگەرى;
9. تاسقارا قاراتايۇلى، حالىق ەمشىسى;
10. ەرتاي ايعاليۇلى، «قازاقستان-ZAMAN» حالىقارالىق گازەتىنىڭ باس رەداكتورى;
11. اباي بالاجان، قازاقستان جۋرناليستەر وداعى سىيلىعىنىڭ لاۋرەاتى، «وردا-KZ» گازەتىنىڭ باس رەداكتورى;
12. بولات قورعانبەكوۆ، فيلولوگيا عىلىمدارىنىڭ كانديداتى، ياساۋيتانۋشى;
13. ەدىل جاڭبىرشين، ماڭعىستاۋ وبلىستىق ماسليحاتىنىڭ دەپۋتاتى، تەحنيكا عىلىمدارىنىڭ دوكتورى، پروفەسسور، ەكولوگ-عالىم;
14. وڭايبەك ابديلوۆ، پوليتسيا پولكوۆنيگى، ءىىم زەينەتكەرى، تەحنيكا عىلىمدارىنىڭ دوكتورى، قر زاڭ عىلىمدارى اكادەمياسىنىڭ اكادەميگى، ب.سىرتانوۆ اتىنداعى سىيلىقتىڭ لاۋرەاتى;
15. وردالى قوساي، قر ءبىلىم بەرۋ ءىسىنىڭ ۇزدىگى، جوعارى ساناتتى ۇستاز، ى.التىنسارين مەدالىنىڭ يەگەرى;
16. امانجول مەيىرمانوۆ، قر عبم عك، فيلوسوفيا جانە ساياساتتانۋ ينستيتۋتىنىڭ عىلىمي قىزمەتكەرى، ياساۋيتانۋشى;
17. بيبايشا نۇرداۋلەتوۆا، فيلولوگيا عىلىمدارىنىڭ دوكتورى، پروفەسسور، ش.ەسەنوۆ اتىنداعى كمتجيۋ پروفەسسورى;
18. الماس قۋانباي، «ءۇش قيان» رەسپۋبليكالىق ۇلتتىق تاۋەلسىز اپتالىق گازەتىنىڭ باس رەداكتورى;
19. شولپان ساپاربايقىزى، پەداگوگيكا عىلىمدارىنىڭ كانديداتى، ش.ەسەنوۆ ات. كمتجيۋ دوتسەنتى;
20. رزا وڭعارباي، اقىن،قر جۋرناليستەر وداعىنىڭ مۇشەسى;
21. ىقىلاس كوشەرباي، اقتاۋ قالالىق ماسليحاتىنىڭ ءىىى-ءىV-شاقىرىلىمىنىڭ دەپۋتاتى;
22. بازارباي ءابدىراحمان، قاجى، ءدىنتانۋشى، ولكەتانۋشى;
23. انۋاربەك بيماعامبەت، اقىن، «شابىت» فەستيۆالىنىڭ لاۋرەاتى;
24. امانگەلدى جۇماش، زەرتتەۋشى-جۋرناليست;
25. مارات وسپان، كەنەن ازىرباەۆ ادەبي-مەموريالدىق مۋزەيىنىڭ ديرەكتورى;
26. قازبەك قابجانوۆ، اقىن، جۋرناليست، «شابىت» فەستيۆالىنىڭ لاۋرەاتى;
27. توقتار ابايىلدا، قر ءبىلىم بەرۋ ءىسىنىڭ قۇرمەتتى قىزمەتكەرى، الماتى قالاسى №17 مەكتەپ-ينتەرناتىنىڭ ديرەكتورى;
28. زەينۋللا قوسايۇلى، اتا-انا;
«حابار» اگەنتتىگى» اق-نىڭ باسشىلىعىنا
س و ت ق ا د ە ي ءى ن گ ءى ت ا ل ا پ
بيىلعى جىلدىڭ 20 ءساۋىر كۇنى، كەشكى ساع. 21.30-دا، باعدارلامادا كورسەتىلۋى ءتيىس كينوفيلمنىڭ ورنىنا «اقيقات» دەگەن اتپەن جوعارىدا اتتارى اتالعان ماعان سەنىم بىلدىرۋشىلەر مەن مەنىڭ قورعاۋىمداعى ازاماتتاردى اشىق تۇردە ايىپتاۋمەن ۇشتاسقان دەرەكتى فيلم كورسەتىلدى.
اتالعان دەرەكتى ءفيلمنىڭ اياقاستى، اسىعىس، ساپاسىز ءارى ارنايى تاپسىرىسپەن قويىلعانى تۋرالى پىكىرلەر قازىردىڭ وزىندە ءباسپاسوز قۇرالدارىندا ايتىلۋدا (جاس الاش، اباي.كز ت.ب.).
الايدا، زاڭگەر رەتىندە مەن تەك قانا وسى دەرەكتى فيلمگە قاتىستى لاۋازىمدى تۇلعالاردىڭ ءبىر ەمەس، بىرنەشە زاڭ نورمالارىن بۇزعاندىعىنا توقتالا كەتكىم كەلەدى، اتاپ ايتقاندا;
1. قر كونستيتۋتسياسىنىڭ جانە قر قىجك-ءنىڭ 19 بابىنا سايكەس، ءار ادام
ونىڭ قىلمىس جاساعاندىعى ءۇشىن كىنالىلىگى زاڭدا كورسەتىلگەن تارتىپپەن دالەلدەنگەنگە جانە سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن كىناسىز دەپ سانالادى. سونىمەن قاتار، قر «بۇقارالىق اقپارات قۇرالدارى تۋرالى» زاڭىنىڭ 25 بابىندا، ازاماتتار مەن ۇيىمداردىڭ ار-نامىسىنا (ولاردىڭ ىشىنە مەملەكەتتىك ورگاندار، قوعامدىق، عىلىمي جانە ءدىني بىرلەستىكتەر كىرەدى) تيەتىن اقپاراتتار تاراتۋ، سونىمەن بىرگە، سوت ورگاندارىنا باق ارقىلى ىقپال جاساۋ ارەكەتى زاڭمەن كوزدەلگەن تارتىپتە جاۋاپكەرشىلىككە اكەپ سوعاتىنى ناقتى بەلگىلەنگەن.
ءسىزدىڭ ارنادا كورسەتىلگەن دەرەكتى فيلم سوت بولار الدىندا جانە ەڭ باستىسى ءبىز تاڭداعان سوت ءتۇرى، القا بيلەرى ءۇشىن ايىپتالۋشىلار تۋرالى الدىن-الا جاعىمسىز پىكىر قالىپتاستىرىپ وتىر. ايتا كەتەتىن ماسەلە، سوت القا بيلەرى كاسىبي زاڭگەرلەر ەمەس، قاراپايىم ادامدار، ءارتۇرلى ماماندىق يەلەرى، ال سوت ۇكىمى سولاردىڭ كوپشىلىك داۋىس بەرۋىنە بايلانىستى شىعارىلادى.
2. قازاقستان رەسپۋبليكاسى ازاماتتىق كودەكسىنىڭ 145 بابى، 1 تارماعىنا سايكەس، قانداي دا بiر ادامنىڭ سۋرەتتiك بەينەسiن ونىڭ كەلiسiمiنسiز، ال ول قايتىس بولعان جاعدايدا - مۇراگەرلەرiنiڭ كەلiسiمiنسiز پايدالانۋعا ەشكiمنiڭ دە قۇقىعى جوق.
اتالعان باپتىڭ 2 تارماعى بويىنشا، باسقا ادام بەينەلەگەن بەينەلەۋ
تۋىندىلارىن (سۋرەت، فوتوسۋرەت، كينوفيلم جانە باسقالار) - بەينەلەنگەن ادامنىڭ كەلiسiمiمەن، ال ول قايتىس بولعاننان كەيiن ونىڭ بالالارى مەن ارتىندا قالعان جۇبايىنىڭ كەلiسiمiمەن عانا جاريالاۋعا، قايتا شىعارۋعا جانە تاراتۋعا جول بەرiلەدi - دەپ ناقتى كورسەتىلگەن. الايدا، دەرەكتى فيلم تۇسىرۋشىلەر تاراپىنان ماعان سەنىم بىلدىرۋشىلەردىڭ كەلىسىمىنسىز، ولاردىڭ بىرنەشە قايتارا بەينەلەرى كورسەتىلگەن. سول ارقىلى اتالعان ازاماتتاردىڭ زاڭدى قۇقىقتارى مەن مۇددەلەرىنىڭ بۇزىلۋىنا تەلەكانال باسشىلىعى تاراپىنان تىكەلەي جول بەرىلگەن.
3. ماعان سەنىم بىلدىرۋشىلەردىڭ قالعان بولىگى بولسا وزدەرىنىڭ بەرگەن سۇحباتتارى بويىنشا ايتىلعان ويلارى بۇرمالانعانىن كورسەتەدى. ياعني، ولاردىڭ ايتقان سوزدەرىن قيىپ تاستاۋ ارقىلى جۋرناليست بەلگىلى ءبىر ماقساتتى كوزدەگەن.
4. ءفيلمدى ءتۇسىرۋشى شىعارماشىلىق توپتىڭ ماقساتى، بەلگىلى-ءبىر توپتىڭ تاپسىرىسىن ورىنداۋعا باعىتتالعانىنا دالەل بولاتىن جانە ءبىر جايت - ايىپتالۋشىلار قورعاۋشىسىنىڭ بىرەۋىنەن ينتەرۆيۋ الا تۇرا، ونى فيلمدە مۇلدەم كورسەتپەۋى.
وسى اتالعان جاعدايلاردىڭ ءوزى - شىعارماشىلىق توپتىڭ ءفيلمدى تۇسىرۋدە بىرجاقتىلىققا جول بەرىلگەنىن دالەلدەيدى.
جوعارىدا كورسەتىلگەندەردىڭ نەگىزىندە، «حابار» اگەنتتىگى» اق-نىڭ باسشىلىعىنان:
1. اتالعان دەرەكتى فيلم بويىنشا جان-جاقتى جانە وبەكتيۆتى تۇردە
قىزمەتتىك تەكسەرىس جۇرگىزۋدى.
2. ناتيجەسى بويىنشا قر «بۇقارالىق اقپارات قۇرالدارى تۋرالى» زاڭىنىڭ
19 بابى، 1 تارماعىنا سايكەس، رەسمي تۇردە كەشىرىم سۇراۋدى تالاپ ەتەمىن.
3. ەگەر سوتقا دەيىنگى تالاپتا كورسەتىلگەن ءمان-جايلارمەن كەلىسكەن جاعدايدا،
2011 جىل 6 مامىرعا دەيىن جازباشا تۇردە جاۋاپتى جولداۋدى.
4. ەگەر اتالعان مەرزىم ىشىندە جاۋاپ بەرىلمەگەن نەمەسە تالابىمىز
قاناعاتتاندىرىلماعان جاعدايدا، سوت، قۇقىق قورعاۋ جانە باسقا دا ورگاندار مەن ۇيىمدارعا شاعىمدانۋ قۇقىعىمىزدى پايدالانۋعا ءماجبۇر بولاتىنىمىزدى مالىمدەيمىن.
قۇرمەتپەن،
ادۆوكات ا.قۇسپانوۆ
2011 جىلعى 29 ءساۋىر
