الماتى. 13 مامىر. قازاقپارات /ەرلىك ەرجانۇلى/ - قازاقستاندا 2014 جىلى يننوۆاتسياعا جۇمسالاتىن قارجى ىشكى جالپى ءونىمنىڭ 1 پايىزىن قۇرايدى.

بۇل جايلى قازاقپارات تىلشىسىنە "ۇلتتىق يننوۆاتسيالىق قور" اق ديرەكتورلار كەڭەسىنىڭ ءتورايىمى زارينا ارسىلانوۆا بۇگىن الاتاۋ اقپاراتتىق تەحنولوگيالار پاركىندە ءوز جۇمىسىن باستايتىن «يننوۆاتسيالىق قازاقستان - 2020» فورۋمنىڭ الدىندا ءمالىم ەتتى.

«بۇعان دەيىن ءار سالا ءوز بەتىنشە يننوۆاتسيالىق دامۋمەن اينالىسىپ كەلگەن ەدى. ەندى ۇدەمەلى يندۋستريالىق-يننوۆاتسيالىق دامۋ باعدارلاماسى بويىنشا يندۋستريا جانە جاڭا تەحنولوگيالار مينيسترلىگى ۇيلەستىرۋشى ساياسات جۇرگىزۋگە كوشتى. بۇل بۇگىن «يننوۆاتسيالىق قازاقستان - 2020» فورۋمى اياسىندا وتەتىن يننوۆاتسيالىق جوبالار كورمەسىندە ايقىن اڭعارىلاتىن بولادى»،-دەدى ز. قۋاتقىزى.

الماتى. 13 مامىر. قازاقپارات /ەرلىك ەرجانۇلى/ - قازاقستاندا 2014 جىلى يننوۆاتسياعا جۇمسالاتىن قارجى ىشكى جالپى ءونىمنىڭ 1 پايىزىن قۇرايدى.

بۇل جايلى قازاقپارات تىلشىسىنە "ۇلتتىق يننوۆاتسيالىق قور" اق ديرەكتورلار كەڭەسىنىڭ ءتورايىمى زارينا ارسىلانوۆا بۇگىن الاتاۋ اقپاراتتىق تەحنولوگيالار پاركىندە ءوز جۇمىسىن باستايتىن «يننوۆاتسيالىق قازاقستان - 2020» فورۋمنىڭ الدىندا ءمالىم ەتتى.

«بۇعان دەيىن ءار سالا ءوز بەتىنشە يننوۆاتسيالىق دامۋمەن اينالىسىپ كەلگەن ەدى. ەندى ۇدەمەلى يندۋستريالىق-يننوۆاتسيالىق دامۋ باعدارلاماسى بويىنشا يندۋستريا جانە جاڭا تەحنولوگيالار مينيسترلىگى ۇيلەستىرۋشى ساياسات جۇرگىزۋگە كوشتى. بۇل بۇگىن «يننوۆاتسيالىق قازاقستان - 2020» فورۋمى اياسىندا وتەتىن يننوۆاتسيالىق جوبالار كورمەسىندە ايقىن اڭعارىلاتىن بولادى»،-دەدى ز. قۋاتقىزى.

ونىڭ ايتۋىنشا، قازىر ۇلتتىق يننوۆاتسيالىق قور ءىرى جوبالاردى قارجىلاندىرۋدان گرانت بەرۋگە كوشىپ جاتىر. بۇل كومپانيالاردىڭ يننوۆاتسيالىق بەلسەندىلىگىن كوتەرۋگە باعىتتالىپ وتىر. قازىرگى تاڭدا يننوۆاتسيالىق جوبالار نەگىزىنەن قورعانىس، عارىش، مۇناي-گاز ءوندىرۋ جانە وڭدەۋ سالالارىن عانا قامتىپ وتىر. بولاشاقتا ينفوكوممۋنيكاتسيالىق، تەحنولوگيالار جوبالارىن كورگىمىز كەلەدى. جالپى قازىرگى تاڭدا يننوۆاتسيالىق دامۋعا جۇمسالاتىن قارجى جالپى ىشكى ءونىمنىڭ 0,2 پايىزىن عانا قۇراپ وتىر. 2010-2014 جىلدارعا ارنالعان مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسىن جۇزەگە اسىرۋدا بۇل كورسەتكىش 2014 جىلى 1 پايىزعا دەيىن ۇلعايتىلماق».