نۇرا ماتاي. قايىمنىڭ قابىرىن قيراتقاندار – قازاققا قارسى
اسا كورنەكتى عالىم، ابايتانۋشى قايىم مۇحامەدحانوۆتىڭ قابىرىن قۇدايدان قورىقپايتىن، يمانسىز بۇزاقىلار قيراتىپ كەتكەنى ءمالىم بولدى. بۇدان بۇرىن دا سەمەيدەگى عالىمنىڭ قۇرمەتىنە قويىلعان ەسكەرتكىش تاقتانى بەلگىسىز بىرەۋلەر اۋىر زاتپەن ۇرىپ، سىزات ءتۇسىرىپ كەتكەن ەدى. ەندى، مىنە، قابىرىنە جەتتى.
زيراتتارعا شابۋىلدىڭ كۇش العانى ءبىر بۇل عانا ەمەس. اتىراۋداعى، قاراعاندى وبلىسىنا قاراستى اقتاۋ كەنتىندەگى، سەمەيدەگى قابىرستانعا جاۋىققانداردىڭ جولى كەسىلمەي، جازالانباي، جاۋاپسىز قالۋدا. ەلدىڭ زارەسىن العان ۋاقيعالارعا يسلامنىڭ تەرىس اعىمدارىنىڭ قاتىسى بار دەگەندى جۇرت ايتۋداي-اق ايتىپ كەلەدى. الايدا، جەرگىلىكتى قۇقىق قورعاۋشىلاردىڭ قيمىلى سىلبىر. جانە قازاقتىڭ اتا-باباسى، جاقىن-تۋىستارى جەرلەنگەن زيراتتاردى قيراتىپ، حالىققا قارسى شىققانداردى قۇرىقتاپ، قاتاڭ جازاعا تارتۋ ماسەلەسىندە قۇزىرلى ورىندار تاراپىنان جەدەل قيمىل بايقاي الماي وتىرمىز. مۇنداي ادامشىلىققا، يماندىلىققا جات قىلمىستىق ءىستىڭ اياعى جاقسىلىققا اپارمايتىنى انىق.
ال، ۇلى ابايدى زەرتتەۋدىڭ، ناسيحاتتاۋدىڭ بىردەن ءبىر بىلگىرى، اتاقتى عالىم، كەشەگى الاش زيالىلارىنىڭ كوزى مەن سوزىندەي بولعان الاشتىڭ اياۋلىسى - قايىمعا قارسى جاسالعان شابۋىل - ول ءبۇتىن قازاققا، ونىڭ تاريحى مەن مادەنيەتىنە، عىلىمىنا، ۇلى تۇلعالارىن جوققا شىعارۋ، بار قازاققا قول كوتەرىپ، ءولىسى مەن ءتىرىسىن قوسىپ، ۇلتتى قورلاۋ! بۇل - ۇلتتىڭ قاۋىپسىزدىگىنە تونگەن قاتەر.
ازاماتىڭدى، ار-نامىسىڭدى قورلاتپا، الاش!
«اباي-اقپارات»
اسا كورنەكتى عالىم، ابايتانۋشى قايىم مۇحامەدحانوۆتىڭ قابىرىن قۇدايدان قورىقپايتىن، يمانسىز بۇزاقىلار قيراتىپ كەتكەنى ءمالىم بولدى. بۇدان بۇرىن دا سەمەيدەگى عالىمنىڭ قۇرمەتىنە قويىلعان ەسكەرتكىش تاقتانى بەلگىسىز بىرەۋلەر اۋىر زاتپەن ۇرىپ، سىزات ءتۇسىرىپ كەتكەن ەدى. ەندى، مىنە، قابىرىنە جەتتى.
زيراتتارعا شابۋىلدىڭ كۇش العانى ءبىر بۇل عانا ەمەس. اتىراۋداعى، قاراعاندى وبلىسىنا قاراستى اقتاۋ كەنتىندەگى، سەمەيدەگى قابىرستانعا جاۋىققانداردىڭ جولى كەسىلمەي، جازالانباي، جاۋاپسىز قالۋدا. ەلدىڭ زارەسىن العان ۋاقيعالارعا يسلامنىڭ تەرىس اعىمدارىنىڭ قاتىسى بار دەگەندى جۇرت ايتۋداي-اق ايتىپ كەلەدى. الايدا، جەرگىلىكتى قۇقىق قورعاۋشىلاردىڭ قيمىلى سىلبىر. جانە قازاقتىڭ اتا-باباسى، جاقىن-تۋىستارى جەرلەنگەن زيراتتاردى قيراتىپ، حالىققا قارسى شىققانداردى قۇرىقتاپ، قاتاڭ جازاعا تارتۋ ماسەلەسىندە قۇزىرلى ورىندار تاراپىنان جەدەل قيمىل بايقاي الماي وتىرمىز. مۇنداي ادامشىلىققا، يماندىلىققا جات قىلمىستىق ءىستىڭ اياعى جاقسىلىققا اپارمايتىنى انىق.
ال، ۇلى ابايدى زەرتتەۋدىڭ، ناسيحاتتاۋدىڭ بىردەن ءبىر بىلگىرى، اتاقتى عالىم، كەشەگى الاش زيالىلارىنىڭ كوزى مەن سوزىندەي بولعان الاشتىڭ اياۋلىسى - قايىمعا قارسى جاسالعان شابۋىل - ول ءبۇتىن قازاققا، ونىڭ تاريحى مەن مادەنيەتىنە، عىلىمىنا، ۇلى تۇلعالارىن جوققا شىعارۋ، بار قازاققا قول كوتەرىپ، ءولىسى مەن ءتىرىسىن قوسىپ، ۇلتتى قورلاۋ! بۇل - ۇلتتىڭ قاۋىپسىزدىگىنە تونگەن قاتەر.
ازاماتىڭدى، ار-نامىسىڭدى قورلاتپا، الاش!
«اباي-اقپارات»
