الماتى. 18 مامىر. قازاقپارات /ادىلەت مۇساحاەۆ/ - الماتىداعى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىندە جاستاردىڭ «عىلىم بيزنەسكە» اتتى ءى حالىقارالىق عىلىمي فورۋمى ءوتىپ جاتىر.

فورۋم جۇمىسى ۋنيۆەرسيتەت الدىنداعى ت.رىسقۇلوۆتىڭ ەسكەرتكىشىنە گۇل شوقتارىن قويۋمەن باستالدى.

اتالعان ۋنيۆەرسيتەت رەكتورى ءالي ءابىشوۆتىڭ ايتۋىنشا، فورۋمنىڭ ماقساتى - ستۋدەنتتەر، ماگيسترانتتار مەن جاس عالىمداردىڭ شىعارماشىلىق بەلسەندىلىگىن ارتتىرۋ، ولاردى قازىرگى عىلىمنىڭ وزەكتى ماسەلەلەرىن شەشۋگە تارتۋ. سونىمەن قاتار ينوۆاتسيالىق ەكونوميكانىڭ دامۋىنىڭ تەوريالىق جانە تاجىريبەلى اسپەكتىلەرىن تالقىلاۋ، جاس عالىمداردىڭ بيزنەس قوعامداستىقپەن ءبىلىم جانە عىلىم بايلانىستارىن دامىتۋعا كومەكتەسۋ.

شارا اياسىندا عالىمداردىڭ، ساراپشىلاردىڭ، بيزنەس-قۇرىلىمدار وكىلدەرىنىڭ قاتىسۋىمەن دوڭگەلەك ۇستەلدەر، سەمينارلار، اشىق دارىستەر مەن شەبەر سىنىپتارى وتۋدە. سونىمەن قاتار ۆەنگريانىڭ ەلىمىزدەگى باس ەلشىسى سيلارد تەلاكيدىڭ قاتىسۋىمەن "ەۋروپالىق ەكونوميكا: ۆەنگريا رەسپۋبليكاسىنىڭ ەۋروپالىق وداققا توراعالىق ەتۋى" ارانايى سەسسياسى وتۋدە.

ەكى كۇنگە جالعاساتىن بۇل باسقوسۋ اياسىندا سونداي-اق "بيزنەسكە ارنالعان يننوۆاتسيالىق تەحنولوگيالار" عىلىمي جۇمىستار بايقاۋىنىڭ قورىتىندىسى جاريالانىپ، "قورعاس" شىعو اق، قر يندۋستريا جانە جاڭا تەحنولوگيالار مينيسترلىگىنىڭ جانە ت.رىسقۇلوۆ اتىنداعى قازەۋ-ءدىڭ ستۋدەنتتىك بيزنەس جوبالار بايقاۋىنىڭ تۇساۋكەسەرى وتەدى.

الماتى. 18 مامىر. قازاقپارات /ادىلەت مۇساحاەۆ/ - الماتىداعى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىندە جاستاردىڭ «عىلىم بيزنەسكە» اتتى ءى حالىقارالىق عىلىمي فورۋمى ءوتىپ جاتىر.

فورۋم جۇمىسى ۋنيۆەرسيتەت الدىنداعى ت.رىسقۇلوۆتىڭ ەسكەرتكىشىنە گۇل شوقتارىن قويۋمەن باستالدى.

اتالعان ۋنيۆەرسيتەت رەكتورى ءالي ءابىشوۆتىڭ ايتۋىنشا، فورۋمنىڭ ماقساتى - ستۋدەنتتەر، ماگيسترانتتار مەن جاس عالىمداردىڭ شىعارماشىلىق بەلسەندىلىگىن ارتتىرۋ، ولاردى قازىرگى عىلىمنىڭ وزەكتى ماسەلەلەرىن شەشۋگە تارتۋ. سونىمەن قاتار ينوۆاتسيالىق ەكونوميكانىڭ دامۋىنىڭ تەوريالىق جانە تاجىريبەلى اسپەكتىلەرىن تالقىلاۋ، جاس عالىمداردىڭ بيزنەس قوعامداستىقپەن ءبىلىم جانە عىلىم بايلانىستارىن دامىتۋعا كومەكتەسۋ.

شارا اياسىندا عالىمداردىڭ، ساراپشىلاردىڭ، بيزنەس-قۇرىلىمدار وكىلدەرىنىڭ قاتىسۋىمەن دوڭگەلەك ۇستەلدەر، سەمينارلار، اشىق دارىستەر مەن شەبەر سىنىپتارى وتۋدە. سونىمەن قاتار ۆەنگريانىڭ ەلىمىزدەگى باس ەلشىسى سيلارد تەلاكيدىڭ قاتىسۋىمەن "ەۋروپالىق ەكونوميكا: ۆەنگريا رەسپۋبليكاسىنىڭ ەۋروپالىق وداققا توراعالىق ەتۋى" ارانايى سەسسياسى وتۋدە.

ەكى كۇنگە جالعاساتىن بۇل باسقوسۋ اياسىندا سونداي-اق "بيزنەسكە ارنالعان يننوۆاتسيالىق تەحنولوگيالار" عىلىمي جۇمىستار بايقاۋىنىڭ قورىتىندىسى جاريالانىپ، "قورعاس" شىعو اق، قر يندۋستريا جانە جاڭا تەحنولوگيالار مينيسترلىگىنىڭ جانە ت.رىسقۇلوۆ اتىنداعى قازەۋ-ءدىڭ ستۋدەنتتىك بيزنەس جوبالار بايقاۋىنىڭ تۇساۋكەسەرى وتەدى.

شاراعا يۋنەسكو، ۆەنگريانىڭ باس ەلشىلىگى، بريتاندىق كەڭەس، حالىقارالىق بيزنەس مەكتەبى، "مقبي" ۇلتتىق زەرتتەۋ تەحنولوگيالىق ۋنيۆەرسيتەتى، تۇڭعىش پرەزيدەنت قورى، قر ۇلتتىق بانكى جانە تاعى باسقا مەكەمەلەر ۇيىمداستىرۋشىلىق كومەك كورسەتكەن. وعان تمد مەن الىس شەت ەلدەردىڭ جەتەكشى عالىمدارى مەن ماماندارى، ەلىمىز بەن شەت ەلدىڭ جوعارى وقۋ ورىندارىنىڭ جاس عالىمدارى مەن ستۋدەنتتەرى، ماگيسترانتتارى، PhD دوكتورلارى قاتىسۋدا.