حابار ارناسىندا كورسەتىلگەن اتى شۋلى «اقيقات» دەرەكتى فيلمىنە قاتىستى ءبىر توپ جاماعات كەشە «اباي.كز» اقپاراتتىق پورتالىنىڭ رەداكتسياسىندا ءباسپاسوز ءماسليحاتىن وتكىزگەن بولاتىن. ءماسليحات وتكىزۋگە سۇرانعان ازاماتتار ەش جەرگە باس سۇعا الماعاندارىن، «اقيقاتقا» بايلانىستى اقيقي ءسوزدىڭ استارىن اشىپ بەرۋگە مۇمكىندىك الا الماي جۇرگەندەرىن ايتقان ەدى. قىسقاسى، «اباي.كز» اقپاراتتىق پورتالىنىڭ رەداكتسياسىندا باس قوسقان  ابايتانۋشى عالىم مەكەمتاس مىرزاحمەت ، جازۋشى ديداحمەت ءاشىمحان، اقىن سۆەتقالي نۇرجان باستاعان توپ بۇقارا كوپكە جەتكىزگىسى كەلەتىن سوزدەرىن اقتارىپ، ارىلىپ شىقتى. ءباسپاسوز ءماسليحاتى اياقتالعاندا ءبىز «اباي.كز» قانداي ماسەلەدە دە بەيتاراپ ۇستانىمنان اۋمايتىنىن، قازاقتى الالاپ-بولمەيتىنىن قاداپ ايتقان ەدىك. دەگەندەي-اق، دۋمان ءاليدىڭ «اقيقاتتان الىس «اقيقاتتىڭ» انىعى قانداي؟» اتتى ءباسپسوز ءماسليحاتىنان قورىتىپ جازعان ماقالاسى پورتالىمىزدا جاريالانىسىمەن ارىپتەسىمىز ريزا يساەۆادان قارسى پىكىر كەلىپ ءتۇستى.  قاراڭىزدار:

«اباي-اقپارات».

حابار ارناسىندا كورسەتىلگەن اتى شۋلى «اقيقات» دەرەكتى فيلمىنە قاتىستى ءبىر توپ جاماعات كەشە «اباي.كز» اقپاراتتىق پورتالىنىڭ رەداكتسياسىندا ءباسپاسوز ءماسليحاتىن وتكىزگەن بولاتىن. ءماسليحات وتكىزۋگە سۇرانعان ازاماتتار ەش جەرگە باس سۇعا الماعاندارىن، «اقيقاتقا» بايلانىستى اقيقي ءسوزدىڭ استارىن اشىپ بەرۋگە مۇمكىندىك الا الماي جۇرگەندەرىن ايتقان ەدى. قىسقاسى، «اباي.كز» اقپاراتتىق پورتالىنىڭ رەداكتسياسىندا باس قوسقان  ابايتانۋشى عالىم مەكەمتاس مىرزاحمەت ، جازۋشى ديداحمەت ءاشىمحان، اقىن سۆەتقالي نۇرجان باستاعان توپ بۇقارا كوپكە جەتكىزگىسى كەلەتىن سوزدەرىن اقتارىپ، ارىلىپ شىقتى. ءباسپاسوز ءماسليحاتى اياقتالعاندا ءبىز «اباي.كز» قانداي ماسەلەدە دە بەيتاراپ ۇستانىمنان اۋمايتىنىن، قازاقتى الالاپ-بولمەيتىنىن قاداپ ايتقان ەدىك. دەگەندەي-اق، دۋمان ءاليدىڭ «اقيقاتتان الىس «اقيقاتتىڭ» انىعى قانداي؟» اتتى ءباسپسوز ءماسليحاتىنان قورىتىپ جازعان ماقالاسى پورتالىمىزدا جاريالانىسىمەن ارىپتەسىمىز ريزا يساەۆادان قارسى پىكىر كەلىپ ءتۇستى.  قاراڭىزدار:

«اباي-اقپارات».

جالپى سوپىلىق ءىلىمنىڭ  بۇرمالانعانى،قازاقتىڭ ءدىنى دەپ، ءبۇتىن ەلدى الالاۋى سوناۋ 2005-2006 جىلدارى -اق باستالماپ پا ەدى؟ ءتىپتى سول جىلدارى وراز الىمبەك پەن باقىتجان قوسبارماق دايىنداعان سيۋجەتتەردە، يسماتۋللانىڭ «دىنىنەن» زارداپ شەككەن جانداردىڭ ايتقان اڭگىمەلەرى جۇرت ەسىندە. ودان قالدى قاراسۋ مەشىتىنىڭ شەتىن كورىپ، ۇيىنە كەلىپ، اتا-اناسىنا قارسى شىعىپ، «سەندەردىڭ ىستەرىڭنىڭ ءبارى كۇنا» دەپ، اكە-شەشەسىنەن تەرىس اينالعان بالانى دا، كوزىمىز كورگەن. نە دەسە دە، يسماتۋللا باستاعان ءدىن تاراتۋشى توپتىڭ (يسماتۋللانىڭ ارتىندا قانداي كۇشتەر تۇرعانى بەلگىسىز), ەلگە دۇربەلەڭ ورناتىپ، ەل اراسىنا بۇلىك سالۋ - باستى ارمانى ەكەنى بەلگىلى. يسماتۋللا راسىندا اسا ءبىلىمدار، سونداي بەدەلدى ادام بولسا، نەگە ول جۇمىسىن قاراسۋ سياقتى مەشىت اشىپ، جاميعاتقا ءبولىنىپ اتقارادى؟  وركەنيەتتى تۇردە، ءدىني باسقارماعا كەلىپ، اشىق تۇردە ۋاعىز ايتىپ، اقيقات ءدىنىن ناسيحاتتاسا، وعان كىم قوي دەدى. كەشەگى وتكەن حاليفا التايدىڭ ءوزى قۇران كارىمدى قازاق تىلىنە اۋدارىپ، ەلىنە ساۋاپ ءىس جاساپ كەتتى ەمەس پە؟ ول دا تۇركيا قازاعى بولاتىن. مۇرتازا بۇلۋتاي اعامىز تۇركيادان كەلگەن ءدىنتانۋشى، ينستيتۋتتا ساباق بەرەدى. يسماتۋللا دا سونداي وركەنيەتتى قادام جاساسا، كىم قاشىپ، كىم ونىڭ سوڭىنان شام الىپ تۇسەر ەدى؟ ەگەر سونداي بىلگىر ءدىندار بولسا، قازاق حالقىنا تەك جانى اشىسا، ەلىن حاق دىنىنە شاقىرعىسى كەلسە، اشىق تۇردە قوعاممەن بايلانىس جاسار ەدى عوي. ونىڭ سەكتاعا ۇقساس جاميعات ۇيىمدارى مەن ءتۇرلى كوتتەدجدەردەگى زىكىرى كۇمان تۋعىزباي قويمايتىن ءىس ەكەنى داۋسىز. ونى قالاي جاقتاعىلارىڭىز كەلسە دە، مۇندا ءبىر شيكىلىك بارىن، حالىق جاقسى سەزىپ وتىر. ونى  اقتاي المايسىزدار.

مەن سانجار كەرىمبايمەن دە، بەيبىتپەن دە، ماۋلەنمەن دە، اناۋ رەسپۋبليكالىق بىرلەستىكتى باسقارعان ەركىنمەن دە جاقسى تانىس بولعانمىن، بىرگە جۇمىس ىستەگەنمىن. بىراق سولاردىڭ ىشىندە سانجاردا عانا اقكوڭىلدىك بار ەدى. ال اناۋ بەيبىتتە، ءتىپتى ەسكى تانىسىم بولسا دا ايتايىن، ماۋلەندە دە، ءبىر مەنمەندىك بار بولاتىن. ءتىپتى، يسماتۋللانى جاقىن كورىپ، تانىسقان جانداردىڭ ءوزى، مۇرنىن ءشۇيىرىپ، ءوزىن كەرەمەت سانايتىنىن ادام ەكەنىن ايتقان بولاتىن. نە بولسا دا، يسماتۋللا ماقساتىنا جەتتى.  ەل اراسىنا جىك سالدى ما؟ سالدى! ەندى مىنە، مەكەمتاس اعامىزدان باستاپ، زىكىر سالۋشىلار مەن سوپىلار جانە وعان قاراما-قارسى جاق بولىپ، تالاسىپ وتىرمىز. ناعىز ءدىن ەلدى بىرلىككە ۇندەۋشى  بولۋعا ءتيىس، بۇلدىرۋگە ەمەس! ال، يسماتۋللا ارقىلى كەلگەن مىنا الەككە، سىزدەر قانشا جاندارىڭىزدى سالىپ ماقتاساڭىزدار دا، كوپشىلىك يمانداي ۇيىپ، ء"لاپپايلاپ" كەتە المايدى.   ابدەن حالىقتى شاتاستىرىپ بىتتىڭىزدەر، يسماتۋلاشى اعايىن!