مامىردىڭ 19-21 ارالىعىندا استانادا «تۇركى وركەنيەتى جانە تاۋەلسىز قازاقستان» اتتى حالىقارالىق كونفەرەنتسيا ءوتتى. بۇل جيىندى 2010 جىلعى قازاندا قازاق پرەزيدەنتى ن.نازارباەۆتىڭ جارلىعىمەن استانادا قۇرىلعان حالىقارالىق تۇركى اكادەمياسىنىڭ العاشقى ءىرى فورۋمى دەپ اتاعان ابزال. اكادەميانىڭ باستى ماقساتى - كونە داۋىردەن بۇگىنگە دەيىنگى تۇركى الەمى تاريحىنا، ءتىلى مەن ادەبيەتىنە، مادەنيەتىنە ءتان زاڭدىلىقتار مەن ديناميكانى، تاريحي وقيعالار مەن وزگەرىستەردى جانە ونداعى تۇلعا مەن ادام فاكتورىن، اسىرەسە،تۇركى مەلەكەتتەرىنىڭ الەمدىك وركەنيەتتەگى ورنى مەن ەرەكشە ۇلەسىن ءتولتۋما دەرەكتەر نەگىزىندە اشۋ.

اكادەميا ازىرگە قازاقستان مەن تۇركيا تاراپىنان بولىنگەن قارجىمەن كۇن كورۋدە. جۋىردا بۇل ورتاق عىلىمي ۇيىمعا ءوز قارجىسىن ءازىربايجان مەن قىرعىزستان دا قوسۋى ىقتيمال. كونفەرەنتسيادا اكادەميا ءتورت تىلدە (قازاق، تۇرىك، اعىلشىن، ورىس) ماقالا جاريالايتىن «التايستيكا جانە تۇركولوگيا» جۋرنالىنىڭ تۇڭعىش ءنومىرىن تاراتتى جانە اكادەميانىڭ رەسمي www.turkacadem.kz سايتىنىڭ تانىستىرىلىمى ءوتتى. كونفەرەنتسيا بارىسىندا 20 جوبانىڭ بەتى اشىلىپ، ماماندار سول جوبالارعا كىرىسۋدى باستاپ كەتتى. ودان باسقا دا ۇسىنىلعان جوبالاردى جۇزەگە اسىرۋ جاعى قاراستىرىلۋدا. قازىردىڭ وزىندە قىرىق شاقتى ءتۇرلى سالا بويىنشا زەرتتەۋ ەڭبەكتەرىن كىتاپقا اينالدىرۋ ماسەلەلەرى قولعا الىنىپ جاتقان كورىنەدى.

مامىردىڭ 19-21 ارالىعىندا استانادا «تۇركى وركەنيەتى جانە تاۋەلسىز قازاقستان» اتتى حالىقارالىق كونفەرەنتسيا ءوتتى. بۇل جيىندى 2010 جىلعى قازاندا قازاق پرەزيدەنتى ن.نازارباەۆتىڭ جارلىعىمەن استانادا قۇرىلعان حالىقارالىق تۇركى اكادەمياسىنىڭ العاشقى ءىرى فورۋمى دەپ اتاعان ابزال. اكادەميانىڭ باستى ماقساتى - كونە داۋىردەن بۇگىنگە دەيىنگى تۇركى الەمى تاريحىنا، ءتىلى مەن ادەبيەتىنە، مادەنيەتىنە ءتان زاڭدىلىقتار مەن ديناميكانى، تاريحي وقيعالار مەن وزگەرىستەردى جانە ونداعى تۇلعا مەن ادام فاكتورىن، اسىرەسە،تۇركى مەلەكەتتەرىنىڭ الەمدىك وركەنيەتتەگى ورنى مەن ەرەكشە ۇلەسىن ءتولتۋما دەرەكتەر نەگىزىندە اشۋ.

اكادەميا ازىرگە قازاقستان مەن تۇركيا تاراپىنان بولىنگەن قارجىمەن كۇن كورۋدە. جۋىردا بۇل ورتاق عىلىمي ۇيىمعا ءوز قارجىسىن ءازىربايجان مەن قىرعىزستان دا قوسۋى ىقتيمال. كونفەرەنتسيادا اكادەميا ءتورت تىلدە (قازاق، تۇرىك، اعىلشىن، ورىس) ماقالا جاريالايتىن «التايستيكا جانە تۇركولوگيا» جۋرنالىنىڭ تۇڭعىش ءنومىرىن تاراتتى جانە اكادەميانىڭ رەسمي www.turkacadem.kz سايتىنىڭ تانىستىرىلىمى ءوتتى. كونفەرەنتسيا بارىسىندا 20 جوبانىڭ بەتى اشىلىپ، ماماندار سول جوبالارعا كىرىسۋدى باستاپ كەتتى. ودان باسقا دا ۇسىنىلعان جوبالاردى جۇزەگە اسىرۋ جاعى قاراستىرىلۋدا. قازىردىڭ وزىندە قىرىق شاقتى ءتۇرلى سالا بويىنشا زەرتتەۋ ەڭبەكتەرىن كىتاپقا اينالدىرۋ ماسەلەلەرى قولعا الىنىپ جاتقان كورىنەدى.

اتالمىش كونفەرەنتسياعا وكىنىشكە قاراي،تۇرىكپەن عالىمدارى ات-ءىزىن سالمادى، وزبەك باۋىرلاردان كەلگەن عالىمدار اكادەميانىڭ تىكەلەي شاقىرۋىمەن كەلدى، باسقا تۇركى مەملەكەتتەرى مەن ەلدەرىنىڭ بارلىعىنان دەرلىك وقىمىستىلار كەلىپ، ءوز زەرتتەمەلەرى مەن ەڭبەكتەرىن ورتاعا سالۋعا تىرىستى. جالپى، 20 ەلدەن كەلگەن عالىمدار بىرنەشە سەكتسياعا ءبولىنىپ، بارلىعى 180 بايانداما جاسادى، جيىن ماتەريالى ەكى تومدىق جيناق تۇرىندە باسىلىپ شىقتى. كونفەرەنتسيا قارار قابىلداپ، وندا تۇركى حالىقتارىنىڭ ورتاق ماسەلەلەرىن شەشۋ مەن تۇتاستاندىرۋعا قاجەت ارەكەتتەرگە ءتاي-ءتاي قادام جاساۋ ۇسىنىلدى.

قاتىسۋشىلار تۇركى حالقىنىڭ تۇتاسۋىنا قازاقستاننىڭ ورنى مەن ءرولىنىڭ زور ەكەنىن ايتىپ ءوتتى.كەيبىر وسماندىق تۇركىلەر بۇل اكادەميانىڭ كەمىندە ون جىل بۇرىن قۇرىلعانى الدەقايدا ءتيىمدى بولاتىنىن ايتىپ جاتتى. دەگەنمەن، وسىعان دا شۇكىر ەتىپ، تۇركىلىك قارا شاڭىراقتىڭ بولاشاقتا استانا قالاسى بولاتىنىنا كوپشىلىك ءۇمىت ارتىپ، نيەت ءبىلدىردى.

«اباي-اقپارات»