ەلباسى تاپسىرماسىنا سايكەس، ۇكىمەتتىڭ، ونىڭ ىشىندە جەرگىلىكتى اتقارۋشى ورگانداردىڭ جۇمىسى، ءبىرىنشى كەزەكتە، حالىقتىڭ تابىسى مەن ءومىر ءسۇرۋ ساپاسىن ارتتىرۋعا باعىتتالۋى ءتيىس. مەملەكەتتىك جانە سالالىق باعدارلامالاردى ىسكە اسىرۋ وسىعان باعىتتالعان. پرەزيدەنت العا قويعان مىندەتتەردى ورىنداۋ بويىنشا قانداي جۇمىستار جۇرگىزىلىپ جاتقانى جانە ەل ەكونوميكاسىن جاڭعىرتۋعا اقتوبە وبلىسىنىڭ قوسىپ وتىرعان ۇلەسى تۋرالى نە بىلەمىز؟

وبلىس اكىمدىگىنىڭ مالىمەتتەرىنە سايكەس، 2018 جىلدىڭ قورىتىندىسىندا ءوڭىردىڭ الەۋمەتتىك-ەكونوميكالىق دامۋىنىڭ بارلىق نەگىزگى كورسەتكىشتەرى بويىنشا ءوسىم بايقالادى. ونەركاسىپتىك ءونىم كولەمى 1 855,3 ملرد تگ نەمەسە 2017 جىلدىڭ سايكەس كەزەڭىمەن سالىستىرعاندا 105,6% قۇرادى، سونىڭ ىشىندە تاۋ-كەن ونەركاسىبىنىڭ كولەمى 4%-عا ءوسىپ، 1 112,8 ملرد تەڭگەنى قۇراعان، وڭدەۋ سالاسى — 8,8%-عا وسكەن (597,2 ملرد تگ ). وبلىسقا 516,2 ملرد تگ ينۆەستيتسيالار تارتىلعان، ءوسىم 10,8% قۇرادى. اۋىل شارۋاشىلىعى ونىمدەرىنىڭ كولەمى 6,2%-عا ءوسىپ، 228,2 ملرد تگ قۇرادى (قر بويىنشا 1 ورىن). قۇرىلىس جۇمىستارىنىڭ كولەمى 9,5%-عا ءوستى (179,5 ملرد تگ), بولشەك تاۋار اينالىمىنىڭ كولەمى 2,7% قۇرادى.

2 جىل ىشىندە وڭدەۋ ونەركاسىبىنىڭ ۇلەسى 9%-عا ارتتى

2018 جىلى العاش رەت ونەركاسىپ كولەمى 1,9 ترلن تەڭگەگە جەتتى، بۇل 2017 جىلدىڭ كورسەتكىشتەرىمەن سالىستىرعاندا 350 ملرد تەڭگەگە ارتىق. سوڭعى 2 جىلدا ونەركاسىپتىڭ ءوسۋ قارقىنى كەمىندە 5% قۇراپ وتىرعانىن ايتا كەتكەن ءجون. تەك سوڭعى 2 جىلدىڭ ىشىندە وڭىردەگى ونەركاسىپتىڭ جالپى قۇرىلىمىندا وڭدەۋ ونەركاسىبىنىڭ ۇلەسى 9%-عا ارتتى ( 24%-دان 33%-عا دەيىن). بۇل كورسەتكىشكە «اقتوبە رەلس-ارقالىق زاۋىتى» جشس جانە «قازحروم» تۇك» اق اقتوبە فەرروقورىتپا زاۋىتىنىڭ №4 تسەحى ءىرى ينۆەستيتسيالىق جوبالارىنىڭ ءوندىرىس كولەمىنىڭ جىل سايىنعى 15% ءوسىمى ارقىلى قول جەتكىزىلدى. سونىمەن قاتار كورسەتكىشتەردىڭ وسۋىنە ونەركاسىپتىك كاسىپورىنداردىڭ تەحنولوگيالىق جاڭعىرتىلۋى جانە تسيفرلاندىرىلۋى اسەرىن تيگىزدى. 2 جىل ىشىندە جالپى سوماسى 105 ملرد تەڭگەگە 75 كاسىپورىن جاڭعىرتىلدى.

مەملەكەتتىك يندۋستريالدىق-يننوۆاتسيالىق دامۋ باعدارلاماسىنىڭ ەكىنشى بەسجىلدىعى اياسىندا (2015–2019 جج.) وڭىردە ينۆەستيتسيا كولەمى 256,7 ملرد تەڭگە بولاتىن، 2,9 مىڭ جۇمىس ورنىن قۇرۋمەن 24 ينۆەستيتسيالىق جوبا ىسكە اسىرىلىپ جاتىر، ولاردىڭ ىشىندە بۇگىنگى تاڭدا 60,5 ملرد سوماسىنا 15 جوبا پايدالانۋعا بەرىلگەن، 1,3 مىڭنان استام جۇمىس ورنى قۇرىلدى.

ءوڭىر ءۇشىن ماڭىزدى جوبا «Gas processing Company» جشس گاز وڭدەۋ كەشەنى بولىپ تابىلادى. كاسىپورىن وڭىردەگى ەكولوگيالىق جاعدايدى جاقسارتادى، ويتكەنى ىلەسپە گاز فاكەل ارقىلى جاندىرىلمايتىن بولادى. زاۋىت ءوڭىردىڭ ەكونوميكالىق دامۋىنا قوماقتى ۇلەس قوسادى. ينۆەستيتسيالار كولەمى — 45 ملرد تەڭگە، 250 جاڭا جۇمىس ورنى قۇرىلدى. جوبادا بۇكىل الەمدە قولدانىلاتىن گازدى دايىنداۋدىڭ ستاندارتتى تەحنولوگيالارى قابىلداندى. سونىمەن قوسا، جالپى سوماسى 196,2 ملرد بولاتىن، 1,6 مىڭ جاڭا جۇمىس ورنىن قۇراتىن 9 جوبا ىسكە اسىرىلۋ ۇستىندە، جوبالاردى 2019–2021 جىلدارى پايدالانۋعا ەنگىزۋ جوسپارلانىپ وتىر.

اوك: ازىق-تۇلىك ونىمدەرى وندىرىسىنە سالىنعان ينۆەستيتسيالار 2,4 ملرد تەڭگەنى قۇرادى

قر اگروونەركاسىپتىك كەشەنىن دامىتۋدىڭ 2017–2021 جىلدارعا ارنالعان مەملەكەتتىك باعدارلاماسى اياسىندا 2018 ج. 3,8 ملن تەڭگەدەن استام سوماعا نەسيە بەرىلدى. بولىنگەن بارلىق قارجى تولىق كولەمدە ىسكە اسىرىلدى.

اۋىل، ورمان جانە بالىق شارۋاشىلىعىنىڭ نەگىزگى كاپيتالىنا ينۆەستيتسيالار 17,2 ملرد تەڭگەنى نەمەسە الدىڭعى كەزەڭمەن سالىستىرعاندا 156%-عا ءوسىمدى قۇرادى. ونىڭ ىشىندە ازىق-تۇلىك ونىمدەرى ءوندىرىسىنىڭ نەگىزگى كاپيتالىنا ينۆەستيتسيالار 2,4 ملرد تەڭگەنى قۇرادى، وتكەن جىلدىڭ وسى كەزەڭىمەن سالىستىرعاندا ءوسىم — 103%.

2018 جىلى وبلىستا 23 ملن تەڭگەدەن استام سوماعا 42 ينۆەستيتسيالىق جوبا جۇزەگە اسىرىلدى، بۇل 362 جاڭا جۇمىس ورنىن قۇرۋعا مۇمكىندىك بەردى.

سونىمەن قاتار، وبلىستا 190 اۋىل شارۋاشىلىعى كووپەراتيۆى تىركەلگەن. ولاردىڭ ىشىندە ەت باعىتىندا – 105, ءسۇت باعىتىندا – 64, اۋىل شارۋاشىلىعىنىڭ ءداستۇرلى ەمەس تۇرلەرىندە – 6 جانە 15-ءى كوكونىس وسىرۋمەن اينالىسادى.

ەسەپتى كەزەڭنىڭ 9 ايىنىڭ قورىتىندىسى بويىنشا وبلىستىڭ اۋىل شارۋاشىلىعى كووپەراتيۆتەرى 2 890 توننا ەت جانە 1 668 توننا ءسۇت ءوندىرىپ، وتكىزدى.

133 مىڭنان اسا ادام شاعىن جانە ورتا كاسىپكەرلىك سالاسىنا تارتىلعان

2019 جىلدىڭ 1 اقپانىنداعى جاعداي بويىنشا اقتوبە وبلىسىندا جالپى تىركەلگەن شوب سانى 66,8 مىڭ ادامدى قۇرادى جانە وتكەن جىلدىڭ وسى كەزەڭىمەن سالىستىرعاندا ءوسىم— 5% (قر 3,7%). ونىڭ ىشىندە وبلىستا جۇمىس ىستەپ تۇرعان شوب سۋبەكتىلەرىنىڭ سانى — 55,9 مىڭ ادام جانە 9,3%-عا ارتتى (قر 10,1%).

تىركەلگەن شوب سۋبەكتىلەرىنىڭ سانىنان جۇمىس ىستەپ تۇرعاندارىنىڭ ۇلەسى — 83,7%، (قر بويىنشا 79,4%). شوب سالاسىنا تارتىلعان ازاماتتاردىڭ سانى 133,8 مىڭ ادامعا جەتىپ، 104,8% قۇرادى (قر بويىنشا 106,3%). سونىمەن قوسا، شوب سۋبەكتىلەرىنىڭ وندىرگەن ونىمدەرىنىڭ، اتقارعان جۇمىستارى مەن كورسەتكەن قىزمەتتەرىنىڭ كولەمى 626,9 ملرد تەڭگەنى قۇرادى.

2019 جىلدىڭ 1 قاڭتارىنداعى جاعداي بويىنشا وڭىردە شوب ينديكاتورلارىنىڭ وڭ ديناميكاسى بايقالادى. قول جەتكىزىلگەن ناتيجەلەر شاعىن جانە ورتا بيزنەستى قولداۋعا جانە دامىتۋعا باعىتتالعان مەملەكەتتىك باعدارلامالاردى ىسكە اسىرۋدىڭ ارقاسىندا مۇمكىن بولدى (بجك–2020, ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى).

2018 جىلى «بجك–2020» جانە «ەڭبەك» مەملەكەتتىك باعدارلامالارىن ىسكە اسىرۋعا جالپى 7,3 ملرد تەڭگە ءبولىندى. 2018 جىلى «بيزنەستىڭ جول كارتاسى–2020» باعدارلاماسىن ىسكە اسىرۋعا 2,4 ملرد تەڭگە ءبولىندى. وسى قاراجات اياسىندا بيىل 257 شوب سۋبەكتىسى قولداۋ الدى.

حالىق تابىسىن ارتتىرۋ: 100 مىڭنان اسا بيۋدجەت سالاسىنىڭ قىزمەتكەرلەرى مەن جەكەمەنشىك كاسىپورىنداردىڭ جۇمىسشىلارىنىڭ جالاقىسى ۇلعايتىلدى

مەملەكەت باسشىسىنىڭ جولداۋىندا كورسەتىلگەن حالىقتىڭ تابىسىن ارتتىرۋ مىندەتىن ورىنداۋ ماقساتىندا وڭىرلىك شتاب قۇرىلىپ، جۇمىس بەكىتىلگەن ءىس-شارالار جوسپارىنا سايكەس جۇرگىزىلدى. جوعارىدا ايتىلعان تاپسىرماعا سايكەس، 2019 جىلدان باستاپ ەڭ تومەنگى جالاقى 1,5 ەسەگە ۇلعايتىلدى (بيۋدجەتتىك ۇيىمدار – 44 134 ادام، كوممۋنالدىق مەملەكەتتىك كاسىپورىندار – 485 ادام، جەكە كومپانيالار – 25 808 ادام).

وسىلايشا، كاسىپورىندار باسشىلىقتارىمەن تىكەلەي ءتۇسىندىرۋ جۇمىستارىن جۇرگىزۋدىڭ ناتيجەسىندە 2019 جىلدان باستاپ 176 كاسىپورىن جالاقىنى 31,9 مىڭ قىزمەتكەرگە (جۇمىسشىلاردىڭ بارلىق ساناتتارى) ورتاشا العاندا 10%-عا ارتتىردى.

سونىمەن بىرگە، وبلىستا ءوزىن-ءوزى جۇمىسپەن قامتىعان حالىقتى فورماليزاتسيالاۋ جۇمىستارى جۇرگىزىلىپ جاتىر. قازىرگى تاڭدا 107 526 ازاماتتىڭ 76% نەمەسە 81 326-نىڭ ستاتۋسى وزەكتەندىرىلگەن.

بۇدان وزگە، وڭىردەگى جۇمىسپەن قامتۋ ماسەلەلەرىن شەشۋ جولىندا اۋداندار مەن اقتوبە قالاسى توڭىرەگىندە حالىقتى جۇمىسپەن قامتۋدىڭ 2018 جىلعا ارنالعان كەشەندى جوسپارى ازىرلەنگەن. كەشەندى جوسپارعا سايكەس، 44 مىڭ ادامدى جۇمىسپەن قامتاماسىز ەتۋ شارالارىمەن قامتۋ كوزدەلگەن. 2019 جىلعى 1 قاڭتارداعى جاعداي بويىنشا جوسپاردىڭ ورىندالۋى 113,1% نەمەسە 49 761 ادامدى قۇرادى.

سونىمەن قاتار، 2018 جىلدىڭ قاڭتار–جەلتوقسان ايلارىندا وبلىستا 20,4 مىڭ جاڭا جۇمىس ورنى اشىلدى، بۇل 2017 جىلدىڭ سايكەس كەزەڭىنەن 20% ارتىق.

قولايلى ءومىر ءسۇرۋ: 8 مىڭنان استام پاتەردى پايدالانۋعا بەرۋ جانە 400 شاقىرىم اۆتوجولدى جوندەۋ

2018 جىلى «نۇرلى جەر» باعدارلاماسى اياسىندا جىلدىق جوسپار 870 مىڭ شارشى مەتردى قۇرادى. 2018 جىلدىڭ قورىتىندىسى بويىنشا 908,6 مىڭ شارشى مەتر تۇرعىن ءۇي نەمەسە 7 875 پاتەر پايدالانۋعا بەرىلدى، ونىڭ ىشىندە 2617 جەكە ءۇي جانە كوپپاتەرلى ۇيدەن 5258 پاتەر. ءوسىم 14,7% قۇرادى.

نەسيەگە بەرىلەتىن تۇرعىن ءۇي باعىتى بويىنشا «نۇر اقتوبە» تۇرعىن ءۇي الابىندا ءتۇرلى قۇرىلىس ماتەريالدارىن پايدالانۋمەن جالپى اۋماعى 186,5 مىڭ م2 بولاتىن نەمەسە 2865 پاتەرلىك نەسيەگە بەرىلەتىن تۇرعىن ۇيلەردىڭ قۇرىلىسى باستالدى. 2018 جىلدىڭ قورىتىندىسى بويىنشا جالپى اۋماعى 89,3 مىڭ م2 بولاتىن نەمەسە 1317 پاتەر پايدالانۋعا بەرىلدى. سونىمەن قاتار پيلوتتىق جوبا اياسىندا 7,9 مىڭ م2 تۇرعىن ءۇي نەمەسە 70 پاتەر پايدالانۋعا ەنگىزىلدى.

ساتىپ الۋ قۇقىعىنسىز جالعا بەرىلەتىن تۇرعىن ءۇي باعىتى بويىنشا 2018 جىلدىڭ قورىتىندىسى بويىنشا 9,3 مىڭ م2 نەمەسە 120 پاتەر پايدالانۋعا ەنگىزىلدى.

2018 جىلدىڭ قورىتىندىسى بويىنشا «بايتەرەك دەۆەلوپمەنت» اق مەن «سامۇرىق- قازىنا ۇاق» اق ىنتىماقتاستىعى اياسىندا «باتىس-2» جانە «نۇر اقتوبە» تۇرعىن ءۇي الاپتارىندا جالپى اۋماعى 73,6 مىڭ م2 بولاتىن نەمەسە 922 پاتەرلىك نەسيەگە جانە جالعا بەرىلەتىن تۇرعىن ءۇي پايدالانۋعا بەرىلدى. سونىمەن قوسا، 2018 جىلدىڭ قورىتىندىسى بويىنشا تۇرعىن ءۇي قۇرىلىسىنا 69,3 ملرد. تەڭگە ينۆەستيتسيا سالىندى، ونىڭ ىشىندە 11,6 ملرد. تەڭگەسى — مەملەكەتتىك ينۆەستيتسيا.

بيىل تۇرعىن ۇيلەر جاپپاي سالىناتىن اۋداندارعا ينجەنەرلىك-كوممۋنيكاتسيالىق ينفراقۇرىلىم سالۋعا رب پەن جب قاراجاتى قاراستىرىلعان.

2014 جىلى اقتوبە وبلىسىندا حالىقتىڭ تۇرعىن ۇيمەن قامتىلۋى 20,8 شارشى مەتردى قۇراسا، 2018 جىلدىڭ باسىندا بۇل كورسەتكىش ءبىر ادامعا شاققاندا 22 شارشى مەتردى قۇراعانىن اتاپ وتكەن ءجون. سونىمەن قاتار وبلىستا تۇرعىن ءۇي قۇرىلىسىندا وڭ ديناميكا بايقالادى، ماسەلەن، 2015 جىلى – 536,2 مىڭ م2, 2016 جىلى – 616,6 مىڭ م2, 2017 جىلى – 792,3 مىڭ م2.

سونىمەن قاتار، 2018 جىلى ىسكە قوسىلعان «7–20–25» جاڭا اۋقىمدى باعدارلاما تۇرعىن ءۇي يپوتەكاسىنىڭ قولجەتىمدىلىگىن ارتتىرادى. ۇلتتىق بانك دەرەكتەرىنە سايكەس، 2019 جىلعى 15 اقپانداعى جاعداي بويىنشا اقتوبە وبلىسىندا ەكىنشى دەڭگەيلى بانكتەر 3,7 ملرد تگ سوماسىنا يپوتەكالىق تۇرعىن ءۇي زايمىن الۋعا 451 ءوتىنىم قابىلداعان، ونىڭ 2,1 ملرد تەڭگەگە 243-ءى ماقۇلدانعان.

2018 جىلعى قىركۇيەكتە اقتوبە وبلىسىنىڭ اكىمدىگى «باسپانا يپوتەكالىق ۇيىمى» اق-مەن نيەتتەستىك تۋرالى مەموراندۋمعا قول قويدى، ونىڭ اياسىندا اقتوبە وبلىسىندا تاياۋ جىلدارى 800 مىڭ م2 استام نەسيەلىك باسپانا سالىنادى. سونىمەن قاتار، وبلىس اكىمدىگى باعدارلامانى ىسكە اسىرۋ كەزەڭىندە بيۋدجەتتىك قىزمەتكەرلەرگە، اسكەريلەرگە، قۇقىق قورعاۋ ورگاندارىنىڭ ء(ىىد قىزمەتكەرلەرى) قىزمەتكەرلەرىنە باستاپقى جارنانى 10% ازايتىپ قولداۋ كورسەتۋ ءۇشىن 2 ملرد تەڭگە كولەمىندە قاراجات ءبولۋدى جوسپارلاپ وتىر.

باستاپقى جارنانى سۋبسيديالاۋعا قاتىستى. «تۇرعىن ءۇي قاتىناستارى تۋرالى» قر زاڭىنا وزگەرىستەر ەنگىزىلگەننەن كەيىن جانە تۇرعىن ءۇي سەرتيفيكاتتارىن بەرۋدىڭ ۇلگىلىك ەرەجەلەرى بەكىتىلگەننەن كەيىن وڭىردە تۇرعىن ءۇي سەرتيفيكاتتارىن بەرۋ جۇمىستارى باستالادى.

بيىل ءوڭىردىڭ كوممەرتسيالىق قۇرىلىس سالۋشىلارى 350 مىڭ م2 نەمەسە 3000 پاتەرگە جۋىق كولەمدە كوممەرتسيالىق تۇرعىن ءۇي سالىپ جاتىر.

2018 جىلدىڭ قورىتىندىسى بويىنشا «نۇرلى جەر» باعدارلاماسى اياسىندا اقتوبە قالاسىندا 1317 نەسيەلىك پاتەر سالىندى، ونىڭ 50%-ى قتقجب جەلىسى بويىنشا جانە 50%-ى «7–20–25» باعدارلاماسى بويىنشا بەرىلەدى. 2019 جىلى جوعارىدا اتالعان تەتىك بويىنشا ساتىلاتىن 2528 پاتەر سالۋ كوزدەلگەن.

مەملەكەت باسشىسىنىڭ 2022 جىلعا قاراي جاقسى جانە قاناعاتتانارلىق جاعدايداعى اۆتوكولىك جولدارىنىڭ ۇلەسىن 90%-عا جەتكىزۋ جونىندەگى تاپسىرماسىن ورىنداۋ ماقساتىندا جول جوندەۋ جۇمىستارىنىڭ كولەمى جىل سايىن ۇلعايتىلىپ كەلەدى. ماسەلەن، 2018 جىلى «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسى اياسىندا جالپى سوماسى 35,7 ملرد تەڭگەگە 400 شاقىرىمنان استام جول جوندەلدى. جاقسى جانە قاناعاتتانارلىق جاعدايداعى وبلىستىق جانە اۋداندىق اۆتوجولداردىڭ ۇلەسى 53% قۇرايدى. وبلىستا ۇزىندىعى 319 شاقىرىمدىق «اقتوبە — اتىراۋ — رەسەي فەدەراتسياسىنىڭ شەكاراسى (استراحانعا قاراي)» رەسپۋبليكالىق ماڭىزى بار اۆتوكولىك جولىنىڭ ۋچاسكەلەرىن رەكونسترۋكتسيالاۋ جۇمىستارى باستالدى.

ءبىلىم بەرۋ جۇيەسىن دامىتۋ: جاڭارتىلعان مازمۇن بويىنشا ءبىلىم بەرەتىن 13 مىڭ مۇعالىمنىڭ ەڭبەكاقىسى 30%-عا ۇلعايتىلدى

2018 جىلى 4 مىڭنان استام ورىنعا 36 بالاباقشا اشىلدى. سونىڭ نəتيجەسىندە مەكتەپكە دەيىنگى بىلىممەن قامتىلعان بالالاردىڭ ۇلەسى 2,7%-عا ءوستى، بۇل 3–6 جاستاعى بالالاردى مەكتەپكە دەيىنگى ۇيىمدارمەن 98,4%-عا قامتۋعا مۇمكىندىك بەردى. 116 جەكەمەنشىك بالاباقشادا مەملەكەتتىك ءبىلىم بەرۋ تاپسىرىسى ورنالاستىرىلعان. ورتا ءبىلىم بەرۋدە جاڭارتىلعان مازمۇنداعى باعدارلامالارعا كوشۋ جۇمىستارى جالعاسىپ جاتىر. مەملەكەت باسشىسىنىڭ تاپسىرماسىنا سايكەس، جاڭارتىلعان مازمۇن بويىنشا ساباق بەرەتىن 13 مىڭنان استام مۇعالىمنىڭ ەڭبەكاقىسى 30% ءوستى. جالپى، 2018 جىلعى 1 قىركۇيەكتەن باستاپ وبلىستاعى 399 مەكتەپتىڭ 103 مىڭنان استام وقۋشىسى ءبىلىم بەرۋدىڭ جاڭارتىلعان مازمۇنى بويىنشا وقىتىلۋعا كوشتى.

2018 جىلى اۋقىمدى مەكتەپ قۇرىلىسى جۇمىستارى جۇرگىزىلدى. ماسەلەن، سالىنىپ جاتقان 27 مەكتەپتىڭ 15-ءى پايدالانۋعا بەرىلدى. پايدالانۋعا بەرىلگەن نىساندار 2 اپاتتىق، 2 ەسكىرگەن جانە 14 ءۇش اۋىسىمدىق مەكتەپ ماسەلەسىن شەشتى. ورتا ءبىلىم بەرۋ جۇيەسىندە جاڭارتىلعان ءبىلىم بەرۋ مازمۇنىنا كوشۋ جۇمىستارى جالعاسۋدا. وبلىستاعى 399 مەكتەپتىڭ 1–8 سىنىپ وقۋشىلارىنىڭ 72%-دان استامى ءبىلىم بەرۋدىڭ جاڭارتىلعان مازمۇنى بويىنشا وقىتىلىپ جاتىر.

وعان قوسا، وبلىستىڭ 233 مەكتەبىندە پيلوتتىق رەجيمدە جاراتىلىستانۋ-عىلىمي تسيكل پاندەرى اعىلشىن تىلىندە وتكىزىلەدى.

وبلىستاعى مەكتەپتەردىڭ 60,3% پاندىك كابينەتتەرمەن جابدىقتالعان، 228 مەكتەپ جانە 76 بالاباقشا بەينەباقىلاۋ جۇيەسىمەن جاراقتاندىرىلعان. وبلىستاعى جالپى ءبىلىم بەرەتىن مەكتەپتەردىڭ 100% كەڭ جولاقتى ينتەرنەتكە قوسىلعان.

بۇعان قوسا، ەرەكشە بالالاردى ءبىلىم بەرۋ ورتاسىنا قوسۋ بويىنشا ءونىمدى جۇمىس جۇرگىزىلىپ جاتىر. 71 بالاباقشا مەن 241 جالپى ءبىلىم بەرەتىن مەكتەپتەردە (60,4%) ينكليۋزيۆتى ءبىلىم بەرۋگە جاعدايلار جاسالعان.

قوسىمشا ءبىلىم بەرۋ ۇيىمدارىمەن 129 مىڭنان استام وقۋشى، سپورت سەكتسيالارىمەن 59 مىڭنان استام وقۋشى قامتىلعان. بۇدان وزگە، «باقىتتى بالا» بىرەگەي جوباسى اياسىندا ەلىمىزدە العاش رەت مۇمكىندىكتەرى شەكتەۋلى بالالارعا ارنالعان «كۇنشۋاق» ساۋىقتىرۋ لاگەرى، ەرەكشە ءبىلىم الۋ قاجەتتىلىكتەرى بار بالالارعا — «نەكتار» ارنايى (تۇزەتۋ) بالاباقشاسى اشىلدى.

سونداي-اق، ءبىلىم بەرۋ جۇيەسىنە اقپاراتتىق تەحنولوگيالار ەنگىزىلگەن، 46 كوپفۋنكتسيونالدى سپورت الاڭى، 52 ۆوركاۋت، 52 ويىن الاڭى، 27 حوككەي الاڭى، بارلىعى 177 سپورتتىق ويىن الاڭى ىسكە قوسىلدى.

«دەنساۋلىق» مەملەكەتتىك باعدارلاماسىن ىسكە اسىرۋ اياسىندا 2018 جىلى وبلىستا كۇتىلەتىن ءومىر ءسۇرۋ ۇزاقتىعى 72,3-تەن 73,47 جاسقا دەيىن ءوستى. قان اينالىمى جۇيەسىنىڭ اۋرۋلارىنان بولاتىن ءولىم-ءجىتىم شامامەن 20%-عا تومەندەدى. بۇعان قوسا، وتكەن جىلمەن سالىستىرعاندا حالىقتىڭ امبۋلاتوريالىق-ەمحانالىق ۇيىمدارمەن قامتاماسىز ەتىلۋى جاڭا دەنساۋلىق ساقتاۋ مەكەمەلەرىنىڭ سالىنۋى ەسەبىنەن 25% ۇلعايدى. ءمجا اياسىندا 15 دارىگەرلىك امبۋلاتوريا، فەلدشەرلىك-اكۋشەرلىك پۋنكت جانە مەديتسينالىق پۋنكت قۇرىلىسى جۇرگىزىلدى.

Abai.kz