2018 جىلدىڭ ەسەبىن ناتو باس حاتشىسى يەنس ستولتەنبەرگ تانىستىردى. ول اسكەري اليانستاعى وداقتاستاردىڭ قورعانىس سالاسىنا بولگەن قاراجاتى سوڭعى بەس جىلدا شامامەن ءتورت پايىزعا وسكەن. "قاۋىپسىزدىك ءۇشىن وداقتاستار بىرگە ارەكەت ەتۋگە ەرەكشە دەن قويدى", – دەپ مالىمدەدى ستولتەنبەرگ.

اقش پرەزيدەنتى دونالد ترامپ 2017 جىلى ناتو قۇرامىنداعى ەۋروپالىق وداقتاستارىنان ۇيىم بيۋدجەتىنە قارجىلاي ۇلەسىن ۇلعايتۋدى سۇراعان. دەگەنمەن، ۇيىمنىڭ بار بولعانى التى مەملەكەتى - ەستونيا، گرەكيا، پولشا، لاتۆيا، ليتۆا جانە ۇلىبريتانيا قورعانىسقا بولىنەتىن قاراجاتتى ءىجو-ءنىڭ ەكى پايىزىنا جەتكىزگەن.

ەسەپتە كەلتىرىلگەن مالىمەتتەر بويىنشا، ناتو ەلدەرى 2018 جىلى قورعانىس سالاسىنا شامامەن ءبىر تريلليون دوللار جۇمساعان. ​ونىڭ شامامەن 70 پايىزى اقش ۇلەسىنە تيەسىلى، قۇراما شتاتتار ءوزىنىڭ ءىجو-ءنىڭ 3.39 پايىزىن قورعانىسقا بولەدى.

Abai.kz