بۇرىس جاقتارى :

1.پاۆلودار، پەتروپاۆل قالالارى كسرو-دان قالعان قوقىس اتتار، ال ۋست-كامەنوگورسك، ۋرالسك، سەميپالاتينسك قازاقيلاندىرىپ العان ءتۇرىمىز (سەمەي،وسكەمەن، ورال). ال، 98% قازاقتار تۇراتىن قىزىلوردا، اتى ايتىپ تۇرعانداي كسرو-نىڭ قىزىلدارىنىڭ ورداسى دەگەن اتقا يە. جوق، دەگەندە اقمەشىت دەگەن اتى قايتارىلۋى ءتيىس ەدى...مىنەكەي اتى اتالعان قالالارعا "نۇرسۇلتان" اتىن بەرگەندە حالىقتىڭ كوبى قولدار ەدى.

2. قالا اتىن وزگەرتۋ ۇلكەن شىعىن الىپ كەلەدى. ول قارجىنى الەۋمەتتىك جاعدايدى جاقسارتۋعا، باسپانامەن قامتۋعا، جۇمىس ورىندارىن اشۋعا، jastarjyly - 2019 اياسىندا، جاستاردىڭ يدەيالارى مەن ستارتاپتارىن ءسوز ەمەس، ءىس جۇزىندە ىسكە اسىرۋعا جاعداي جاساۋعا ءتيىس ەدى.

3. ەڭبەگىنە سايكەس نۇرسۇلتان نازارباەۆتىڭ اتىندا پارتيا، كوشە، وقۋ ورىندارى(ۋنيۆەرسيتەت، ليتسەي، مەكتەپ), ەسكەرتكىش، مەشىت، ورتالىقتارى، بانك، قورلار، مۇراجاي جەتەرلىك.

4. 1991 جىلدان بەرى بىردە-ءبىر الىپ تۇلعا بۇلاي دارىپتەلگەن جوق. ايتپەسە، ءال-فارابي، اباي، ءاليحان، دىنمۇحامەد قوناەۆ سىندى ءبىرتۋارلار ءبىر-ءبىر قالا اتىنا لايىقتى. دەمەك، الىپ تۇلعانى ءوز دەڭگەيىندە كورسەتپەۋ، دارىپتەمەۋ ساياساتىن بايقايمىز.

5. حالىق 21 جىل بويى بىلمەگەن ساياسات. نەگە 1998 جىلى بەلگىلى ءبىر تۇلعاعا استانامىزدىڭ اتى بەرىلمەدى دەگەن سۇراق كوپتى مازالاماعان. دەمەك، بۇل - تاۋەلسىزدىك العالى بەرى جوسپارلانعان ستراتەگيا.

6. ءبىز دەموكراتيالىق مەملەكەت بولعاندىقتان، حالىقپەن ساناسۋ مىندەتتى ەدى. حالىق قاسىم جومارت توقاەۆتىڭ ۇسىنعانىن، قابىلدانعانىن، جاريالانعانىن كوردى. قابىلدانعاننان سوڭ 10 سەكۋندتان سوڭ، گەو كارتاعا "NUR SULTAN" شىقتى.

ەرجىگىت كۇنتۋباەۆتىڭ facebook پاراقشاسىنان

Abai.kz