ەلوردادا دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ كەزەكتى وتىرىسى وتۋدە. Nur Otan پارتياسى توراعاسىنىڭ ءبىرىنشى ورىنباسارى ماۋلەن اشىمباەۆتىڭ توراعالىق ەتكەن القالى جيىن ەلوردامىزدىڭ نۇر-سۇلتان قالاسىنا وزگەرۋىن قولداۋعا وراي ۇيىمداستىرىلعان.

وتىرىس تىزگىنىن قولعا العان ماۋلەن اشىمباەۆ قازىرگى ۋاقىتتا ەلىمىز تاريحي كەزەڭدى باستان كەشىرىپ جاتقانىن اتاپ ءوتىپ، ەلباسى ءوزىنىڭ پرەزيدەنتتىك وكىلەتتىگىن توقتاتۋ شەشىمىن بارلىق ماسەلەنى سارالاي كەلە سارابدالدىقپەن قابىلداعاندىعىن ايتتى.

«ەلباسى ەل مەن حالىقتىڭ مۇددەسىن ءبىرىنشى كەزەككە قويىپ، ءاردايىم دۇرىس شەشىمدەر قابىلدايدى. سوندىقتان نۇرسۇلتان ءابىشۇلى نازارباەۆ قاشاندا ءبىزدىڭ ەلباسىمىز، تاۋەلسىز قازاقستاننىڭ نەگىزىن قالاۋشى تۇلعا، ەل ىشىندە جانە حالىقارالىق ارەنادا وراسان زور بەدەلگە يە الەمدىك دەڭگەيدەگى ساياساتكەر، اسا كورنەكتى رەفورماتور بولىپ قالا بەرەدى. ونىڭ ەرىك-جىگەرى مەن تاباندىلىعىنىڭ ارقاسىندا قازاقستان تاۋەلسىز مەملەكەت بولىپ قالىپتاستى»، - دەگەن Nur Otan پارتياسى توراعاسىنىڭ ءبىرىنشى ورىنباسارى تۇڭعىش پرەزيدەنتىمىزدىڭ ەسىمىن ەلوردامىزعا بەرۋدىڭ ماڭىزى زور ەكەنىن اتاپ ءوتتى.

وسى ورايدا ول ەلباسىڭ قاۋىپسىزدىك كەڭەسىنىڭ توراعاسى، قازاقستان حالقى اسسامبلەياسىنىڭ جانە Nur Otan پارتياسىنىڭ توراعاسى  بولىپ قالا بەرەتىندىگىنە، مەملەكەتتىڭ ستراتەگيالىق دامۋىنا ايرىقشا ىقپال ەتەتىن تۇلعا بولىپ قالاتىندىعىنا توقتالدى.

ايتا كەتەرلىگى، جيىنعا ەلدەگى جەتەكشى پارتيالاردىڭ باسشىلارى، پارلامەنت دەپۋتاتتارى، قازاقستان حالقى اسسامبلەياسىنىڭ، كاسىبي جانە قوعامدىق بىرلەستىكتەردىڭ وكىلدەرى قاتىسىپ جاتىر.