بۇگىن حالىقارالىق بالالاردى قورعاۋ كۇنى. 1925 جىلى جەنەۆادا بالا قۇقىن قورعاۋعا ارنالعان كونفەرەنتسيادا  1 ماۋسىمدى بالالار كۇنى دەپ بەلگىلەگەن بولاتىن. جىل سايىن جەر ءجۇزى اتاپ وتەتىن مەرەكە بالالاردى سوعىستان، تابيعي اپاتتاردان، ءتۇرلى ساياسي جاعدايلاردا تۋىندايتىن تولقۋلاردان، كىشكەنتايىنان اۋىر ەڭبەككە ارالاسۋىنان قورعاۋعا باعىتتالعان. سول كەزدەن بەرى ءۇزىلىسسىز ءوتىپ كەلە جاتقان حالىقارالىق بالالار كۇنى مەيرامى بۇلدىرشىندەر شاتتاناتىن ەرەكشە كۇن رەتىندە ەستە قالادى. بۇگىندە ەلىمىزدەگى  18 جاسقا دەيىنگى بالالاردىڭ سانى  5  ميلليون. ونىڭ ىشىندە 147 مىڭ بالا مۇگەدەك، 38 مىڭعا جۋىق بالالار تۇلدىر جەتىم جانە اتا-انانىڭ قاراۋىنسىز قالعان. «Masa.kz»  سايتىندا جاريالانعان  «جار باسىنداعى جالعىز ءۇي» ماقالاسىندا دا بالالاردىڭ قاراۋسىز قالىپ، قۇقى تاپتالىپ جاتقاندىعى جازىلعان ەدى. جەزوكشە، ماسكۇنەم انانىڭ نازارىنان تىس قالعان توميريس، تاڭسۇلۋ، تەمىرلان، فاريزا ەسىمدى بۇلدىرشىندەر اتالعان ماقالادان سوڭ بالالار قۇقىن قورعاۋ ۇيىمىنىڭ، قالالىق ىشكى ساياسات ءبولىمىنىڭ قامقورلىعىنا الىنىپ، بالالاردى بەيىمدەۋ ورتالىعىنا ورنالاستىرىلعان بولاتىن. انا جىلۋىنا ءزارۋ بالعىنداردى بۇگىنگى قۋانىشتى كۇنىمەن قۇتتىقتاماق نيەتپەن ورتالىققا حابارلاسقانىمىزدا، ولار اۋرۋحانا مەن بەيمىدەۋ ورتالىعىندا جوق بولىپ شىقتى. دەرەۋ بالالار قۇقىن قورعاۋ ۇيىمىنا تەلەفون شالعان سوڭ، مىناداي جاۋاپ الدىق.

گۇلنار ايتقۇلوۆا، الماتى قالالىق بالا قۇقىن قورعاۋ ۇيىمىنىڭ قىزمەتكەرى:

بۇگىن حالىقارالىق بالالاردى قورعاۋ كۇنى. 1925 جىلى جەنەۆادا بالا قۇقىن قورعاۋعا ارنالعان كونفەرەنتسيادا  1 ماۋسىمدى بالالار كۇنى دەپ بەلگىلەگەن بولاتىن. جىل سايىن جەر ءجۇزى اتاپ وتەتىن مەرەكە بالالاردى سوعىستان، تابيعي اپاتتاردان، ءتۇرلى ساياسي جاعدايلاردا تۋىندايتىن تولقۋلاردان، كىشكەنتايىنان اۋىر ەڭبەككە ارالاسۋىنان قورعاۋعا باعىتتالعان. سول كەزدەن بەرى ءۇزىلىسسىز ءوتىپ كەلە جاتقان حالىقارالىق بالالار كۇنى مەيرامى بۇلدىرشىندەر شاتتاناتىن ەرەكشە كۇن رەتىندە ەستە قالادى. بۇگىندە ەلىمىزدەگى  18 جاسقا دەيىنگى بالالاردىڭ سانى  5  ميلليون. ونىڭ ىشىندە 147 مىڭ بالا مۇگەدەك، 38 مىڭعا جۋىق بالالار تۇلدىر جەتىم جانە اتا-انانىڭ قاراۋىنسىز قالعان. «Masa.kz»  سايتىندا جاريالانعان  «جار باسىنداعى جالعىز ءۇي» ماقالاسىندا دا بالالاردىڭ قاراۋسىز قالىپ، قۇقى تاپتالىپ جاتقاندىعى جازىلعان ەدى. جەزوكشە، ماسكۇنەم انانىڭ نازارىنان تىس قالعان توميريس، تاڭسۇلۋ، تەمىرلان، فاريزا ەسىمدى بۇلدىرشىندەر اتالعان ماقالادان سوڭ بالالار قۇقىن قورعاۋ ۇيىمىنىڭ، قالالىق ىشكى ساياسات ءبولىمىنىڭ قامقورلىعىنا الىنىپ، بالالاردى بەيىمدەۋ ورتالىعىنا ورنالاستىرىلعان بولاتىن. انا جىلۋىنا ءزارۋ بالعىنداردى بۇگىنگى قۋانىشتى كۇنىمەن قۇتتىقتاماق نيەتپەن ورتالىققا حابارلاسقانىمىزدا، ولار اۋرۋحانا مەن بەيمىدەۋ ورتالىعىندا جوق بولىپ شىقتى. دەرەۋ بالالار قۇقىن قورعاۋ ۇيىمىنا تەلەفون شالعان سوڭ، مىناداي جاۋاپ الدىق.

گۇلنار ايتقۇلوۆا، الماتى قالالىق بالا قۇقىن قورعاۋ ۇيىمىنىڭ قىزمەتكەرى:

- «Masa.kz» سايتىندا جاريالانعان «جار باسىنداعى جالعىز ءۇي» ماقالاسىنان سوڭ، قالالىق اكىمشىلىك باستاعان مەملەكەتتىك مەكەمەلەر جاعدايدى تەز ارادا باقىلاۋعا الدى. ناتيجەسىندە، ماسكۇنەم، جەزوكشە انالارمەن وتە اۋىر تىرلىك كەشىپ جاتقان ءتورت ءبۇلدىرشىن بالالار بەيىمدەۋ ورتالىعى مەن بالالار اۋرۋحاناسىنا تاپسىرىلعان بولاتىن. كەيىن اكىمشىلىك جانىنداعى الاتاۋ اۋدانىندا وسى ىسكە بايلانىستى سوت وتىرىسى ءوتىپ، سابيلەردى ءوز اتا -اناسىنا قايتاردى. اتا-انالىق قۇقىقتان ايىرۋ ءالى مۇمكىن ەمەس، سەبەبى، ولار ەش جەردە تىركەۋدە جوق. تىركەۋدە جوق ادامدارعا قارسى  ءىس باستاۋعا بولمايدى. بىراق، بۇل بالالار  مەملەكەت  قامقورى مەننازارىنان  تىس قالادى دەگەن ءسوز ەمەس. قازىر ولار اتا- اناسىمەن بىرگە قاراساي اۋدانىنا كوشىپ كەتتى. سول جاقتا تىركەۋدەن وتكەن سوڭ، وتباسىنا قويىلار تالاپ پەن باقىلاۋ كۇشەيەدى. قانداي دا ءبىر سوراقىلىق كەزدەسكەن بويدا، بالالار مەملەكەت قاراماعىنا وتەدى.

ايدىڭ-كۇننىڭ امانىندا ء"تىرى جەتىم" اتانىپ، تىرشىلىك يەسى تۇراقتامايتىن ۇيدە بال شاقتارىن وتكىزۋگە ءماجبۇر بولعان بالعىنداردىڭ ءارى قارايعى تاعدىرى "Masa.kz"  سايتىنىڭ ۇنەمى نازارىندا بولاتىنىن ەسكەرتەمىز. ويتكەنى، بار بالا باقىتتى بولۋعا ءتيىستى.

«ماسا-اقپارات»