اقپارات جانە قوعامدىق دامۋ مينيسترلىگى رەسەيلىك «مۋلت» تەلەارناسىمەن ءوزارا كەلىسىمگە قول جەتكىزدى. بۇل كەلىسىمگە سايكەس، تەلەارنانىڭ ونىمدەرى قازاقستان رەسپۋبليكاسىنىڭ اۋماعىندا، مەملەكەتتىك تىلدە كورسەتىلە باستايدى. بۇل تۋرالى مينيستر داۋرەن اباەۆ ءوزىنىڭ facebook پاراقشاسىندا حابارلادى.

بيىلعى جىلدىڭ ءساۋىر ايىنان باستاپ، «مۋلت» تەلەارناسىنىڭ ەفيرىنەن زامان تالابىنا ساي تۇسىرىلگەن تانىمال مۋلتسەريالدار جانە بالالار انيماتسياسىنىڭ وزىق ونىمدەرىن، ءبىزدىڭ كىشكەنتاي كورەرمەندەرىمىز قازاق تىلىندە تاماشالاي باستادى. العاشقى كەزەڭ بولعاندىقتان، تاۋلىگىنە 3 ساعات حابار تاراتىلۋدا. كەلەشەكتە قازاق تىلىندە حابار تاراتۋ ۋاقىتىن كوبەيتەمىز دەگەن جوسپار بار.

قازىر «قاعازدار» (بۋماجكي) جانە «سۇيكىمدى قونجىقتار» (مي-ميشكي) اتتى مۋلتسەريالداردىڭ دۋبلياجى تولىق اياقتالدى. وسى ەكى ءونىم «قازاقستان» رترك» اق «balapan» ارناسىنىڭ كورەرمەندەرىنە دە كورسەتىلىپ جاتىر.

«مۋلت» تەلەارناسى «سكازوچنىي پاترۋل»، «لەو مەن تيگ»، «چەتۆەرو ۆ كۋبە» جانە تاعى باسقا بەلگىلى انيماتسيالىق سەريالداردى ءبىزدىڭ اۋديتورياعا بەيىمدەۋدى جوسپارلاپ وتىر. وسىلايشا بۇلدىرشىندەرىمىز سۇيىكتى مۋلتفيلمدەرىن مەملەكەتتىك تىلدە تاماشالايدى.

Abai.kz