قىزىلوردا. 7 ماۋسىم. قازاقپارات /جاڭاگۇل سەردالى/ - قىزىلوردا وبلىستىق پروكۋراتۋراسىندا قۇقىق قورعاۋ ورگاندارىنىڭ ۇيلەستىرۋ كەڭەسى ءوتىپ،ول مەملەكەتتىك ۋاكىلەتتى جانە جەرگىلىكتى اتقارۋشى ورگاندار 2010 جىلى جانە 2011 جىلدىڭ ءى توقسانىندا جول قوزعالىسى قاۋىپسىزدىگى تۋرالى زاڭنامالاردىڭ قولدانىلۋىنا وراي جۇرگىزىلگەن پروكۋرورلىق تەكسەرۋ ناتيجەسىن قارادى.

تەكسەرۋ بارىسىندا جول قوزعالىسىنىڭ قاۋىپسىزدىگى ساپاسىنا اسەر ەتەتىن وبەكتيۆتى سەبەپتەرمەن قوسا، ۋاكىلەتتى مەملەكەتتىك ورگانداردىڭ لاۋازىم يەلەرىنىڭ ءوز قىزمەتتەرىندەگى  ارەكەتسىزدىك دەرەكتەرى  انىقتالدى. ءوىىد-ءنىڭ جول پوليتسيا باسقارماسى ستاتيستيكالىق مالىمەتتەرىنە قاراعاندا، وبلىستاعى  جولداردا جول اپاتتارى 2009 جىلى 226 قۇراسا، ولاردىڭ سەبەبىنەن قازا تاپقاندار سانى  78-گە، جاراقات العاندار سانى 217-گە جەتكەن. ال 2011 جىلدىڭ 3 ايىندا 30 (2010 جىلى - 221) جول-كولىك وقيعاسى ورىن الىپ، سونىڭ سالدارىنان 9 (2010 جىلى - 71 ادام) ادام قازا تاۋىپ، 25 (2010 جىلى - 210 ادام) ادام ءارتۇرلى دارەجەدەگى دەنە جاراقاتتارىن العان. رەسپۋبليكالىق ماڭىزداعى «سامارا - شىمكەنت» اۆتوموبيل جولدارىندا 2011 جىلدىڭ 3 ايىندا 4 (2010 جىلى - 57) جكو ورىن السا، ولاردىڭ سالدارىنان 3 (34) ادام كوز جۇمىپ، 2 (53) ازامات جاراقاتتانعان.

قىزىلوردا. 7 ماۋسىم. قازاقپارات /جاڭاگۇل سەردالى/ - قىزىلوردا وبلىستىق پروكۋراتۋراسىندا قۇقىق قورعاۋ ورگاندارىنىڭ ۇيلەستىرۋ كەڭەسى ءوتىپ،ول مەملەكەتتىك ۋاكىلەتتى جانە جەرگىلىكتى اتقارۋشى ورگاندار 2010 جىلى جانە 2011 جىلدىڭ ءى توقسانىندا جول قوزعالىسى قاۋىپسىزدىگى تۋرالى زاڭنامالاردىڭ قولدانىلۋىنا وراي جۇرگىزىلگەن پروكۋرورلىق تەكسەرۋ ناتيجەسىن قارادى.

تەكسەرۋ بارىسىندا جول قوزعالىسىنىڭ قاۋىپسىزدىگى ساپاسىنا اسەر ەتەتىن وبەكتيۆتى سەبەپتەرمەن قوسا، ۋاكىلەتتى مەملەكەتتىك ورگانداردىڭ لاۋازىم يەلەرىنىڭ ءوز قىزمەتتەرىندەگى  ارەكەتسىزدىك دەرەكتەرى  انىقتالدى. ءوىىد-ءنىڭ جول پوليتسيا باسقارماسى ستاتيستيكالىق مالىمەتتەرىنە قاراعاندا، وبلىستاعى  جولداردا جول اپاتتارى 2009 جىلى 226 قۇراسا، ولاردىڭ سەبەبىنەن قازا تاپقاندار سانى  78-گە، جاراقات العاندار سانى 217-گە جەتكەن. ال 2011 جىلدىڭ 3 ايىندا 30 (2010 جىلى - 221) جول-كولىك وقيعاسى ورىن الىپ، سونىڭ سالدارىنان 9 (2010 جىلى - 71 ادام) ادام قازا تاۋىپ، 25 (2010 جىلى - 210 ادام) ادام ءارتۇرلى دارەجەدەگى دەنە جاراقاتتارىن العان. رەسپۋبليكالىق ماڭىزداعى «سامارا - شىمكەنت» اۆتوموبيل جولدارىندا 2011 جىلدىڭ 3 ايىندا 4 (2010 جىلى - 57) جكو ورىن السا، ولاردىڭ سالدارىنان 3 (34) ادام كوز جۇمىپ، 2 (53) ازامات جاراقاتتانعان.

پروكۋرورلىق تەكسەرۋ رەسپۋبليكالىق ماڭىزداعى سامارا - شىمكەنت اۆتوموبيل جولىنىڭ جالاعاش اۋدانىنداعى 40 شاقىرىم قۇرايتىن ۋچاسكەسىندە جول بەلگىلەرى مەن جولاقتى كەسۋ سىزىقتارىنىڭ ستاندارتتارعا سايكەس كەلمەيتىندىگى نەمەسە مۇلدەم جوقتىعى تۇرىندەگى 105 دەرەكتى انىقتادى. ال جاڭاقورعان اۋدانىنىڭ 3 ەلدى مەكەنىن كەسىپ وتەتىن «شىمكەنت-سامارا» اۆتوموبيل جولىن تەكسەرۋدە جاياۋ جۇرگىنشىلەرگە ارنالعان اق جولاقتى كەسۋ سىزىقتارىنىڭ مۇلدەم جوق ەكەندىگى انىقتالدى. سول سياقتى وسى تاس جولدىڭ شيەلى اۋدانىنان وتەتىن 65 شاقىرىمىندا جول بويىنداعى بۇرىلىستاردا جولدى ەكىگە بولەتىن باسىپ، وزۋعا تىيىم سالاتىن سىزىقتارى مۇلدەم سىزىلماعان. سونىمەن قاتار، قىزىلوردا-جالاعاش تاس جولىنىڭ سىرداريا اۋدانى اۋماعىنداعى 7 جول بەلگىلەرى مەملەكەتتىك ستاندارتقا ساي كەلمەيدى. بۇل زاڭ بۇزۋشىلىقتاردىڭ ءبارى وسى جولدىڭ بويىندا جكو-نا اكەپ سوقتىرۋ قاۋپىن تۋدىرۋدا. سونداي-اق، 2010 جىلى وسى جولدىڭ قىزىلوردا قالاسىنىڭ ۋچاسكەسىندە ورنالاسقان سىرداريا وزەنىن جانە «سامارا-شىمكەنت» اۆتوموبيل جولىنىڭ 1771 شاقىرىمىنداعى كانالدى كەسىپ وتەتىن كوپىرلەردىڭ جارتىلاي بولىگىنىڭ بۇزىلۋ دەرەگى ورىن الىپ، دەر كەزىندە قابىلدانعان ءىس-شارالاردىڭ ناتيجەسىندە جول كولىك اپاتى مەن ادام شىعىنىنا جول بەرىلمەدى.

اتالعان زاڭ بۇزۋشىلىقتار وبلىس كولەمىنەن وتەتىن رەسپۋبليكالىق ماڭىزداعى جولداردىڭ كۇتىپ ۇستالۋىنا جاۋاپتى - قازاقستان رەسپۋبليكاسى كولىك جانە كوممۋنيكاتسيا مينيسترلىگى اۆتوموبيل جولدارى كوميتەتىنىڭ قىزىلوردا وبلىسى بويىنشا دەپارتامەنتىنىڭ زاڭمەن بەلگىلەنگەن فۋنكتسيونالدىق مىندەتتەرىن ءتيىستى دارەجەدە ورىنداماي وتىرعاندىعىن كورسەتەدى.

ال «قازاقاۆتوجول» رمك-ءنىڭ قىزىلوردا فيليالى وسى دەپارتامەنتپەن جولداردى كۇتىپ ۇستاۋ جانە جوندەۋ جۇمىستارىن اتقارۋ ءۇشىن جاسالعان كەلىسىمشارت مىندەتتەرىن ورىنداماسا، وسى كەلىسىمشارتتىڭ ورىندالۋىن قامتاماسىز ەتۋ دەپارتامەنتتىڭ نازارىنان تىس قالعان.

كۇندەلىكتى قاداعالاۋ جاسايتىن جول پوليتسياسى ينسپەكتورلارىنىڭ حابارلاماسىمەن شارا كورمەۋ - جولدىڭ جاعدايىن جانە جول قوزعالىسىن رەتتەيتىن قۇرىلعىلاردىڭ جارامسىزدىعىن انىقتاۋ باعىتىنداعى جۇمىستاردى جوققا شىعارادى. سونىمەن قاتار، باسقارمانىڭ جول-تەحنيكالىق ينسپەكتسياسى بولىمشەسىمەن اۆتوموبيل جولدارىنىڭ ساپاسىنا 2010 جىلى بىردە-ءبىر جوسپارلى تەكسەرۋ جۇرگىزىلمەسە، 2011-جىلدىڭ 4 ايىندا 15 تەكسەرۋ جۇرگىزىلگەنىمەن، تەك 2 زاڭ بۇزۋشىلىق بويىنشا حاتتامما تولتىرۋمەن شەكتەلىنگەن.

جوعارىداعىلاردىڭ نەگىزىندە، وبلىستىق پروكۋراتۋرا قۇقىق قورعاۋ جانە مەملەكەتتىك ورگانداردىڭ جول قوزعالىسىنىڭ قاۋىپسىزدىگىن قامتاماسىز ەتۋ قىزمەتتەرىنىڭ تيىمدىلىگىن ارتتىرۋ باعىتىندا ءىس-شارالار بەلگىلەدى.