قۇرىلتاي ءمۇشايراسىنىڭ قۇلدىراپ بارا جاتقانىن كورسەتەدى

«تويدىڭ بولعانىنان بولادىسى قىزىق» دەيتىن قازاقتىڭ ءبىر تويى جاقىندا عانا استانا قالاسىندا ءوتتى. ونسىزدا داۋعا تولى دۇنيەجۇزى قازاقتارى قاۋىمداستىعى توڭىرەگىندەگى الىپ قاشپا سوزدەرگە مويىن بۇرمايىق دەسەك تە، ءىV قۇرىلتايدىڭ اياسىنداعى دۇنيەجۇزى قازاقتارىنىڭ «جىرىم ساعان، اتا-جۇرت» اتتى جىر ءمۇشايراسى تاعى دا «اتتەگەن-اي» دەپ سان سوقتىردى.

قۇرىلتايدىڭ جانە اتالعان ءمۇشايرانىڭ وتەتىنى جايىندا قاۋىمداستىق ءبىر جىل بۇرىن-اق جارنامالاپ ەدى. امال نە، ەندى مىنا ولەڭدەر...؟

«ەگەمەن قازاقستان» (28.05.2011) گازەتىنەن وقىعانمىزداي ءمۇشايرانىڭ ادىلقازىلار القاسىنىق قۇرامى «مەملەكەتتىك سىيلىقتىڭ لاۋرەاتى ۇلىقبەك ەسداۋلەت باستاعان قازىلار القاسىنىڭ قۇرامىندا ءسۇلتانالى بالعاباەۆ، داۋلەتبەك بايتۇرسىنۇلى، اقسۇڭقار اقىنبابا، اكىم سادۋاقاسۇلى سىندى كوپشىلىككە تانىس اقىن-جازۋشىلار بولدى» - دەپ كورسەتىلگەن ەكەن. سالماعى جاعىنان جامان ەمەس.

الدىن الا سان قايتالانىپ باسپاسوزدە جاريالانعان ءمۇشايرا شارتتارىنىداعى: «اۆتوردىڭ شىعارماسى ەشبىر جەردە جاريالانباعان بولۋ كەرەك (www.kazaktar.kz)» دەگەن جولداردى كوزى بار وقىرماننىڭ ءبارى دە كورىپ بىلگەن-ءدى.

ال ەندى جۇلدەگەرلەر مەن جۇلدەلى ولەڭدەرگە كەلەيىك. قازىلار القاسىنىڭ شەشىمىمەن 3-ءشى جۇلدەلى ورىن تولەگەن مالىك پەن قايرات كامەيگە، 2-ءشى جۇلدەلى ورىن توقتارالى تاڭجارىق پەن جانات بوقاشقا، 1-ءشى ورىن قۋانىش دالەيگە، ال باس جۇلدە باۋىرجان قاراعىزۇلىنا بۇيىرعان ەكەن.

قۇرىلتاي ءمۇشايراسىنىڭ قۇلدىراپ بارا جاتقانىن كورسەتەدى

«تويدىڭ بولعانىنان بولادىسى قىزىق» دەيتىن قازاقتىڭ ءبىر تويى جاقىندا عانا استانا قالاسىندا ءوتتى. ونسىزدا داۋعا تولى دۇنيەجۇزى قازاقتارى قاۋىمداستىعى توڭىرەگىندەگى الىپ قاشپا سوزدەرگە مويىن بۇرمايىق دەسەك تە، ءىV قۇرىلتايدىڭ اياسىنداعى دۇنيەجۇزى قازاقتارىنىڭ «جىرىم ساعان، اتا-جۇرت» اتتى جىر ءمۇشايراسى تاعى دا «اتتەگەن-اي» دەپ سان سوقتىردى.

قۇرىلتايدىڭ جانە اتالعان ءمۇشايرانىڭ وتەتىنى جايىندا قاۋىمداستىق ءبىر جىل بۇرىن-اق جارنامالاپ ەدى. امال نە، ەندى مىنا ولەڭدەر...؟

«ەگەمەن قازاقستان» (28.05.2011) گازەتىنەن وقىعانمىزداي ءمۇشايرانىڭ ادىلقازىلار القاسىنىق قۇرامى «مەملەكەتتىك سىيلىقتىڭ لاۋرەاتى ۇلىقبەك ەسداۋلەت باستاعان قازىلار القاسىنىڭ قۇرامىندا ءسۇلتانالى بالعاباەۆ، داۋلەتبەك بايتۇرسىنۇلى، اقسۇڭقار اقىنبابا، اكىم سادۋاقاسۇلى سىندى كوپشىلىككە تانىس اقىن-جازۋشىلار بولدى» - دەپ كورسەتىلگەن ەكەن. سالماعى جاعىنان جامان ەمەس.

الدىن الا سان قايتالانىپ باسپاسوزدە جاريالانعان ءمۇشايرا شارتتارىنىداعى: «اۆتوردىڭ شىعارماسى ەشبىر جەردە جاريالانباعان بولۋ كەرەك (www.kazaktar.kz)» دەگەن جولداردى كوزى بار وقىرماننىڭ ءبارى دە كورىپ بىلگەن-ءدى.

ال ەندى جۇلدەگەرلەر مەن جۇلدەلى ولەڭدەرگە كەلەيىك. قازىلار القاسىنىڭ شەشىمىمەن 3-ءشى جۇلدەلى ورىن تولەگەن مالىك پەن قايرات كامەيگە، 2-ءشى جۇلدەلى ورىن توقتارالى تاڭجارىق پەن جانات بوقاشقا، 1-ءشى ورىن قۋانىش دالەيگە، ال باس جۇلدە باۋىرجان قاراعىزۇلىنا بۇيىرعان ەكەن.

قوش، ءبارى دە جامان اقىن ەمەس. بىراق كوبى بۇرىن جاريالانعان، ەسكى ولەڭدەر ەكەنىن ەستى وقىرماننىڭ ءبارى دە اڭعارعان بولار.

باس جۇلدە العان باۋىرجاننىڭ «قازاق» ولەڭىنىڭ جازىلعانىنا، جاريالانعانىنا مەن ەمەس، بۇكىل ينتەرنەت سايتتارى كۋا. ءتىپتى تالاي تويلاردا دا وقىلىپ جۇرت قۇلاعىنا ابدەن ءسىڭىستى بولعان.

ءتىپتى ماسقارانىڭ ماسقاراسى بولعانى 2-جۇلدە العان توقتارالى تاڭجارىقتىڭ «جىلقىلار» جىرى. اتالعان ولەڭ 2008 جىلى دۇنيەجۇزى قازاقتارى قاۋىمداستىعى جاعىنان ۇيىمداستىرىلعان «اتامەكەن - تۇعىرىم، انا ءتىلىم - تۇنىعىم» اتتى حالىقارالىق جىر ءمۇشايراسىندا وقىلىپ، جۇلدەگە يە بولعان ەدى. ءارى اتالعان ۇيىم جاعىنان سول جىلى جارىق كورگەن «ارمىسىڭ اتامەكەن» اتتى مۇشايراعا ارنالعان جىر جيناعىنىڭ 63-بەتىنەن ويىپ تۇرىپ ورىن العان. گازەت-جۋرنالداردا دا جاريالانعان. ەندى مىنە، سول اتىمەن ءتۇسى وزگەرمەي، تاعى دا بايگەگە قوسىلعان توقتارالىنىڭ «جىلقىلارى» «ەگەمەن قازاقستاندا» ەرسىلى-قارسىلى شاۋىپ ءجۇر. سۇيگەن قۇلدارىنىڭ ەسكى ولەڭدەرىنە قايتا-قايتا جۇلدە ۇسىنا بەرەتىن قازىلار القاسىنىڭ نە بىلگەنى بار، ول جاعى بىزگە بەيمالىم. مۇمكىن جىر جۇلدەسىنە بەرىلەتىن «تەڭگە ساۋداسى» بازارعا ءتۇسىپ، ءبىر پەندەشىلىك ارالاسقان شىعار.

دەسە دە، «ەسكى جىرىمەن ەلدى الداعان اقىندار ما، اڭعالدىقپەن اداسقان قازىلار ما؟» دەگەن ويمەن وقىرماندار دا اڭ-تاڭ بولىپ وتىر. ايتەۋىر داۋى كوپ تويعا تاعى ءبىر ءمىن جامالدى.

اقەركە جۇمابايقىزى

«جاس قازاق ءۇنى»