پارلامەنت ءماجىلىسىنىڭ زاڭ شىعارۋ قىزمەتىن ۇزدىك ناسيحاتتاعان جۋرناليستەرگە ارنالعان «پارلامەنت ءسوزى» سىيلىعىنا ۇمىتكەرلەردەن ءوتىنىم قابىلداۋ باستالادى.

ارنايى پارلامەنتتىك سىيلىق 2016 جىلى پالاتا سپيكەرى نۇرلان نىعماتۋليننىڭ توراعالىق ەتۋىمەن ءماجىلىس بيۋروسىنىڭ شەشىمى بويىنشا تاعايىندالعان بولاتىن. بيىلعى جىلى ءۇشىنشى رەت تاپسىرىلادى.

اتاۋلى سىيلىققا پالاتا­نىڭ زاڭ شىعارۋشىلىق قىز­مەتى جايىندا 2018 جىلدىڭ 3 قىر­كۇيەگى مەن 2019 جىل­دىڭ 15 ماۋ­سىمى ارالىعىندا جازىلعان جانە جارىق كور­گەن ماتەريالدار قابىل­دانادى.

جەڭىمپازدار التى اتالىم − ءماجى­لىستىڭ قىزمەتى تۋرالى ۇزدىك تەلەۆيزيالىق، مەرزىمدىك ءباسپاسوز، عالامتور مەن راديوماتەريالدار، سونىمەن بىرگە، فوتو جانە بەي­نە-ماتەريالدار بويىنشا انىق­تالادى. سونداي-اق، قازاقستان پارلامەنتتىك جۋرنا­ليستي­كاسىنىڭ دامۋى مەن وركەندەۋىنە ۇلەس قوسقاندار دا ەسكەرىلەتىن بولادى.

وتىنىمدەر 2019 جىلدىڭ 17 ماۋ­سىمىنا دەيىن قابىلدانادى. جەڭىمپازدار بايلانىس جانە اق­پا­رات قىزمەتكەرلەرىنىڭ كۇنى قارساڭىندا جاريالانادى. وتىنىمدەردى پارلامەنت ءماجى­لىسىنىڭ سىيلىعىن بەرۋ ءجونىن­دەگى كوميسسيانىڭ جۇمىس ورگانىنا – ءما­جى­لىستىڭ ءباسپاسوز قىزمەتىنە – 000001, نۇر-سۇلتان قالاسى، ماڭگىلىك ەل داڭعىلى، 4, قازاقستان رەسپۋبليكاسى پارلامەنتى ماجىلىسىنە نەمەسە smimazh@parlam.kz ەلەكتروندى مەكەنجايىنا جولداۋ قاجەت.

قوسىمشا اقپاراتتى ءماجىلىستىڭ parlam.kz رەسمي سايتىنان نەمەسە (8) (7172) 24-38-22, 74-68-44, 74-63-04, 74-63-05, 74-63-02, 74-63-01 بايلانىس تەلەفوندارى ارقىلى الۋعا بولادى.

Abai.kz