جەڭىس كۇنى ءتىرى جانعا جىلدا كەلەدى. جىلدا ماڭگىلىك الاۋلارعا گۇل شوقتارى قويىلادى. ونى جەرگىلىكتى اكىمدىكتەر ۇيىمداستىرادى. مەكەمەلەردىڭ ءتىزىمى جاسالادى. قاي توپتان كەيىن قاي توپ گۇل قوياتىنى انىقتالىپ، كەزەككە تۇرادى. الدىڭعى توپ - اكىمدەر، سوسىن ارداگەرلەر، كاسىپوداق، كۇشتىك قۇرىلىمدار، اسسامبلەيا ءتۇرلى باسقارمالار... سوڭىنان بارىپ - جالپى xالىق. پروتسەسسيا. ەلدەن قالسا، ۇيات. ءبىر گۇل قويۋ - مىندەتكە اينالىپ كەتكەن تاعزىم.

ەڭ قىزىعى كەشكە باستالادى. قالا تازالىعىنا جاۋاپتى قىزمەت ۇيىلگەن گۇلدى جاپىراعى كەپپەي جاتىپ قوقىس كولىكتەرىنە باسادى. سونىمەن تاعزىم ءبىتتى.

وسى جاعداي جىلدا قايتالانادى. كەڭەستەن قالعان ءداستۇر. يا ارۋاقتاردى رازى ەتپەيتىن، يا ادامدارعا پايداسى جوق ءداستۇر.

ودان دا دەيمىن دا، كوزى ءتىرى ارداگەرلەرگە (ساناۋلى قالدى) شوت اشىپ، اقشا جيناپ، مارقۇم بولعانداردىڭ باسىن تازالاپ، قۇران باعىشتاسا دۇرىس بولار ما ەدى دەپ ويلايسىڭ.

بىلمەيمىن، ەسكە الۋدىڭ، تاعزىم ەتۋدىڭ جارىسا گۇل قويىپ، توپتىق ينستينكتكە اينالعان پارىزدى وتەۋدەن باسقا دا مىڭ ءتۇرلى ءتيىمدى جولى بار سياقتى كورىنەدى دە تۇرادى.

سۋرەت ينتەرنەتتەن الىندى. قازاقستان قالالارىنىڭ بىرىندە بولعان جاعداي. بارلىق قالالاردا دا شامامەن وسىلاي تازالايدى.

شىڭعىس مۇقاننىڭ facebook پاراقشاسىنان

Abai.kz