قازاقستان حالقىنىڭ قۋانىشى مەن باقىتىنا وراي، وسىدان تۋرا ءبىر جىل بۇرىن مەملەكەت باسشىسى نۇرسۇلتان نازارباەۆ ايگىلى «بەس الەۋمەتتىك باستاماسىن» جاريالادى. اتالعان ۇندەۋ جاريالانا سالا بۇكىل ەل حالقىنىڭ قىزۋ قارسى الۋىنا بولەندى. باستاما ارقاسىندا ەل ومىرىندە كوپتەگەن وڭ وزگەرىستەر ورىن الدى. بۇنى ءبىز ايتپاساق تا ءار ءبىر قازاقستاندىق ازامات جاقسى بىلەدى.

سول بەس الەۋمەتتىك باستامانىڭ ءبىرىنشىسى «ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» بولاتىن. وسى باستاما جاريالانعان ءبىر جىلدان بەرى ءتىپتى دە كوپ ادامنىڭ باسپانالى بولعا مۇمكىندىگى ارتتى. ەلباسىنىڭ ۇندەۋىنە ءۇن قوسقان بىرقاتار باعدارلامالار قولعا الىندى. ءبىر عانا باسپانا ماسەلەسىنە وراي قولعا الىنىپ جاتقان «7-20-25» باعدارلاماسىنىڭ ءوزى نەگە تۇرادى. وسى باعدارلاما اياسىندا مىڭداعان وتباسى باسپانالى بولۋدىڭ باقىتىنا بولەندى.

قازاقستان رەسپۋبليكاسى پرەزيدەنتىنىڭ اتالعان بەس الەۋمەتتىك باستاماسى جاريالانعان كۇننەن باستاپ ەسەپتەگەندە تۋرا ءبىر جىلدان كەيىن قازاقستان رەسپۋبليكاسى پارلامەنتى ماجىلىسىندەگى «نۇر وتان» پارتياسى فراكتسياسى جانىنداعى الەۋمەتتىك كەڭەسى ەلباسى باستاماسىن ساپالى جۇزەگە اسۋ بارىسىن سارالاۋدى ماقسات ەتكەن وتىرىسى ءوتتى. جينالىستىڭ باستى ماقساتى ازاماتتاردىڭ ءتىپتى دە ءتيىمدى جولمەن باسپانالى بولۋى ءۇشىن ۇسىنىستار ازىرلەپ، ەلباسىنىڭ تاپسىرماسىن جۇيەلى تۇردە جۇزەگە اسىرۋدى قاداعالاۋ بولاتىن.

جينالىسقا قاتىسۋشىلاردىڭ جاساعان بايانداماسىنا سۇيەنسەك، وتكەن جىلى بەرىلگەن يپوتەكالىق تۇرعىن ءۇي قارىز سوماسىنىڭ جالپى كولەمى 525 ملرد.تەڭگەگە جەتىپ، ءبىر جىلدا 47%-عا وسكەن. ال «7-20-25» باعدارلاماسىنىڭ ىسكە اسۋى يپوتەكالىق نەسيەلەندىرۋدى بەلسەندىرە تۇسكەن كورىنەدى. اتالعان باعدارلاما اياسىندا التى مىڭعا جۋىق تولەم ماقۇلدانعان. وسى باعدارلاما اياسىندا قاجەتىنە قاراي كەيبىر الەۋمەتتىك توپتارعا انىقىراق ايتقاندا، پوليتسيا قىزمەتكەرلەرى نەمەسە مۇعالىم، دارىگەرلەرگە ءتيىستى تۇرمىستىق سەرتيفيكاتتار بەرۋ كوزدەلگەن ەكەن.

سونىمەن قاتار، 2019 جىلى اقپاننىڭ 27-ءشى جۇلدىزى استانا قالاسىندا وتكەن «نۇر وتان» پارتياسىنىڭ كەزەكتى XVIII سەزىندە ەلباسى بەرگەن تاپسىرمالارعا ساي ەلدەگى از قامتىلعان وتباسىل مەن كوپبالالى انالاردى قولداۋعا دا باستى نازا اۋدار كەرەكتىگى ايتىلدى. سونىمەن قاتار، وتىرىسقا قاتىسۋشىلار اتالعان تۇرعىن ءۇي قاتىناستارى تۋرالى زاڭ جوباسىنا كەيبىر وزگەرىستەردى ەنگىزۋ جايلى مسەلەلەردى دە تالقىلادى.

باس پارتيانىڭ سەزىندە ەلباسى، پارتيا توراعاسى نۇرسۇلتان نازارباەۆ ۇسىنعان بىرقاتار ناقتى تاپسىرمالار، اسىرەسە ەل حالقىنىڭ كوڭىلىنەن شىققان كوپبالالى انالارعا جاعداي جاساۋ ماقساتىندا قولعا الىنعان شارالاردىڭ ماڭىزدىلىعى ءسوز بولدى. سول قاتاردا پارلامەنت ءماجىلىسىنىڭ دەپۋتاتتارى «7-20-25» باعدارلاماسىنىڭ قالىپتى جۇزەگە اسۋىنا توسقاۋىل بولاتىن كەمشىلىكتەردى دە نازاردا ۇستاۋدى ۇسىندى. سونىڭ قاتارىندا تۇرعىن ءۇي نارىعىنداعى باستاپقى باسپانانىڭ جەتىسپەۋشىلىگى، باستاپقى تولەمنىڭ جوعارىلى جانە حالىقتا تۇتىنۋشىلىق نەسيەنىڭ كوپتەپ بولۋى سىندى ماسەلەلەردى ەسەپكە الدى.