دەمەك، ەندى "قازاق فاكتورى" بارلىق سالادا ءرول وينايتىن بولادى. الداعى ون جىلدا، بيزنەستە، مادەنيەت پەن ونەر، ءبىلىم مەن اسكەري سالا، عىلىم مەن مەديتسينا جانە ت.ب 90% قازاقتاردان تۇرادى. قازاقستانداعى ساياسي-قوعامدىق قوزعالىس باعىتىن قازاقتار انىقتايدى. قازىردىڭ وزىندە سولاي بولىپ جاتىر.

ەندەشە بيلىكتىڭ ەسى دۇرىس بولسا، وندا ول وسى شىنايىلىقتى مويىنداۋ كەرەك جانە سوعان ساي ارەكەت جاساۋى ءتيىس. مەملەكەتتىك كەز كەلگەن باعدارلامانى قابىلدار الدىندا قازاق فاكتورىن ەسكەرۋى مىندەتتى. وتىرىك كوپۇلتتىلىق دەگەندى قويىپ، ون-ون بەس جىلدان كەيىن ورىن الاتىن مونوۇلتتىلىققا دايىندالۋ كەرەك. ول تابيعي پروتسەسس.

ون جىلدا قوعام قازاق ءتىلدى بولادى. ويتكەنى ۋربانيزاتسيا قالاداعى قازاقتىڭ سانىن ودان سايىن ارتتىرادى. ولاي بولسا ءبىزدىڭ بيلىك قازاقتىلدى بولۋى كەرەك. ويتپەسە قوعام مەن بيلىك اراسىنداعى كوپىر ۇزىلەدى.
قازىردەن باستاپ بيلىك تيتۋلدى ۇلتتىڭ باسىنداعى الەۋمەتتىك ماسەلەلەردى(ۇي، ءبىلىم، اۋىز سۋ، جول) شەشىپ، رۋحاني ازىقتى (اشارشىلىق، قۋعىن-سۇرگىن كۇنى، تاۋەلسىزدىك مەرەكەسى، رامىزدەر كۇنى) بارىنشا كۇشەيتۋ كەرەك.

اسحات قاسەنعاليدىڭ facebook پاراقشاسىنان

Abai.kz