قازاقستاننىڭ بەلارۋستەگى ەلشىسى ەرمۇحامەت ەرتىسباەۆ قىزمەتىنەن بوساتىلدى. بۇل تۋرالى اقوردا حابارلادى.

"مەملەكەت باسشىسىنىڭ جارلىعىمەن ەرمۇحامەت قابيدەنۇلى ەرتىسباەۆ قازاقستان رەسپۋبليكاسىنىڭ بەلارۋس رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن، تمد جارعىلىق ورگاندارىنىڭ جانىنداعى تۇراقتى وكىل قىزمەتىن قوسا اتقارۋدان بوساتىلدى", - دەلىنگەن جارلىقتا.

ەرمۇحامەت ەرتىسباەۆتىڭ ورنىنا  قازاقستاننىڭ بەلارۋستەگى توتەنشە جانە وكىلەتتى ەلشىسى، تمد جارعىلىق ورگاندارىنىڭ جانىنداعى تۇراقتى وكىل قىزمەتىن قوسا اتقارۋشى بولىپ سەناتور اسقار بەيسەنباەۆ تاعايىندالدى.

ەرمۇحامەت قابيدەنۇلى ەرتىسباەۆ ءار جىلدارى مەملەكەت باسشىسى اكىمشىلىگىنىڭ ءبولىم مەڭگەرۋشىسى، قر پرەزيدەنتىنىڭ كەڭەسشىسى، قر مادەنيەت، اقپارات جانە سپورت ءمينيسترى، قر مادەنيەت جانە اقپارات ءمينيسترى قىزمەتتەرىن اتقارعان. 2008 جىلدان بەرى قر پرەزيدەنتىنىڭ كەڭەسشىسى بولعان.

Abai.kz