بۇگىن وتكەن «Nur Otan» پارتياسىنىڭ ساياسي كەڭەس بيۋروسىنىڭ وتىرىسىندا نۇرلان ءالىمجانوۆ، گۇلشارا ابدىحالىقوۆا قاتارلى ازاماتتارعا پارلامەنت ءماجىلىسى دەپۋتاتتارىنىڭ مانداتتارى بەرىلدى.

بۇل تۋرالى «Nur Otan» پارتياسىنىڭ Twitter-دەگى پاراقشاسىندا حابارلاندى.

"پارتيا ليدەرى ن.ءا. نازارباەۆتىڭ توراعالىعىمەن وتكەن ساياسي كەڭەس بيۋروسىنىڭ وتىرىسىندا «Nur Otan»-نىڭ پارتيالىق ءتىزىمى بويىنشا گ.ن.ابدىقالىقوۆاعا، ن.ب.الىمجانوۆقا، ن.ك.اشىمبەتوۆكە جانە ج.ق.وماربەكوۆاعا پارلامەنت ءماجىلىسى دەپۋتاتتارىنىڭ مانداتتارىن بەرۋ تۋرالى شەشىم قابىلداندى", - دەپ جازدى «Nur Otan»-نىڭ ءباسپاسوز قىزمەتى.

سونىمەن قاتار، وسى وتىرىستا نۇرسۇلتان نازارباەۆ 21 تامىزدا ۇكىمەتتىڭ، پارلامەنت ماجىلىسىندەگى پارتيا فراكتسياسىنىڭ جانە ايماق باسشىلارىنىڭ قاتىسۋىمەن ساياسي كەڭەستىڭ كەڭەيتىلگەن وتىرىسىن شاقىرۋ تۋرالى قاۋلىعا قول قويدى.

Abai.kz