Бүгін өткен «Nur Otan» партиясының Саяси кеңес Бюросының отырысында Нұрлан Әлімжанов, Гүлшара Әбдіхалықова қатарлы азаматтарға Парламент Мәжілісі депутаттарының мандаттары берілді.

Бұл туралы «Nur Otan» партиясының Twitter-дегі парақшасында хабарланды.

"Партия Лидері Н.Ә. Назарбаевтың төрағалығымен өткен Саяси кеңес Бюросының отырысында «Nur Otan»-ның партиялық тізімі бойынша Г.Н.Әбдіқалықоваға, Н.Б.Әлімжановқа, Н.К.Әшімбетовке және Ж.Қ.Омарбековаға Парламент Мәжілісі депутаттарының мандаттарын беру туралы шешім қабылданды", - деп жазды «Nur Otan»-ның баспасөз қызметі.

Сонымен қатар, осы отырыста Нұрсұлтан Назарбаев 21 тамызда Үкіметтің, Парламент Мәжілісіндегі партия фракциясының және аймақ басшыларының қатысуымен Саяси кеңестің кеңейтілген отырысын шақыру туралы қаулыға қол қойды.

Abai.kz