Seysenbi, 12 Qaraşa 2019
46 - söz 1523 9 pikir 6 Qaraşa, 2019 sağat 11:51

Qazirgi qazaq ötken şaqpen ömir süredi

1492 jılı "Amerika aşıldı" degen habar kelgende, talay evropalıqtar köşuge bel bayladı. Köşkenderdiñ deni kedeyler, baspanası joqtar, qaşıp jürgen qılmıskerler jäne basqa da sebeptermen täuekelge bet bwrğandar.

Avstraliya aşılğanda da Angliyanıñ kileñ kedey-kepşikteri, erkekşora-qıztekeleri, naşaqorlar men qılmıskerleri ketkeni turalı bizdiñ Angliyadağı mwğalimimiz aytıp bergen edi.

Osı otırıqşı evropalıqtardıñ "Wlı köşterine" qarap otırsam, jankeştilik pen qaysarlığın bayqauğa boladı. Mıñdağan kilometr qaşıqtıqta jatqan, belgisiz aymaqqa, "mwhitta batıp ketemin-au" degen qorqınışın basıp, jolğa şıqtı. Tağı qaytalap aytayın, bwl otırıqşı evropalıqtardıñ osıdan 500 jıl ğana bwrınğı keypi.

Al özimizge kelsek, biz 500 emes, 5000 jıl köşip jürdik. Qanımızğa köşu, meken-jay auıstıru, köktemde jaylauğa, qısta qıstaqqa baru degen funkciya siñu kerek edi. Alayda, bügingi qazaq "men köşpendiniñ wrpağımın!" dep keudesin wra ala ma?

Bügingi qazaq köşpendi emes. Tipti köşpendi ata-babasınıñ jwrnağı men iisi de qalmağan. Körşi qaladan qalağa köşe almay qalğan. Böten eldi bılay qoyayıq, öz memleketiniñ işinde köşe almaydı. Stereotipterge batqan, atasınıñ ziratına jabısqan, ötken şaqpen ömir süretin qazaq. Jılağıñ keledi.

Samat Nwrtazanıñ facebook paraqşasınan

Abai.kz

9 pikir