قازىرگى قازاق وتكەن شاقپەن ءومىر سۇرەدى
1492 جىلى "امەريكا اشىلدى" دەگەن حابار كەلگەندە، تالاي ەۆروپالىقتار كوشۋگە بەل بايلادى. كوشكەندەردىڭ دەنى كەدەيلەر، باسپاناسى جوقتار، قاشىپ جۇرگەن قىلمىسكەرلەر جانە باسقا دا سەبەپتەرمەن تاۋەكەلگە بەت بۇرعاندار.
اۆستراليا اشىلعاندا دا انگليانىڭ كىلەڭ كەدەي-كەپشىكتەرى، ەركەكشورا-قىزتەكەلەرى، ناشاقورلار مەن قىلمىسكەرلەرى كەتكەنى تۋرالى ءبىزدىڭ انگلياداعى مۇعالىمىمىز ايتىپ بەرگەن ەدى.
وسى وتىرىقشى ەۆروپالىقتاردىڭ "ۇلى كوشتەرىنە" قاراپ وتىرسام، جانكەشتىلىك پەن قايسارلىعىن بايقاۋعا بولادى. مىڭداعان كيلومەتر قاشىقتىقتا جاتقان، بەلگىسىز ايماققا، "مۇحيتتا باتىپ كەتەمىن-اۋ" دەگەن قورقىنىشىن باسىپ، جولعا شىقتى. تاعى قايتالاپ ايتايىن، بۇل وتىرىقشى ەۆروپالىقتاردىڭ وسىدان 500 جىل عانا بۇرىنعى كەيپى.
ال وزىمىزگە كەلسەك، ءبىز 500 ەمەس، 5000 جىل كوشىپ جۇردىك. قانىمىزعا كوشۋ، مەكەن-جاي اۋىستىرۋ، كوكتەمدە جايلاۋعا، قىستا قىستاققا بارۋ دەگەن فۋنكتسيا ءسىڭۋ كەرەك ەدى. الايدا، بۇگىنگى قازاق "مەن كوشپەندىنىڭ ۇرپاعىمىن!" دەپ كەۋدەسىن ۇرا الا ما؟
بۇگىنگى قازاق كوشپەندى ەمەس. ءتىپتى كوشپەندى اتا-باباسىنىڭ جۇرناعى مەن ءيىسى دە قالماعان. كورشى قالادان قالاعا كوشە الماي قالعان. بوتەن ەلدى بىلاي قويايىق، ءوز مەملەكەتىنىڭ ىشىندە كوشە المايدى. ستەرەوتيپتەرگە باتقان، اتاسىنىڭ زيراتىنا جابىسقان، وتكەن شاقپەن ءومىر سۇرەتىن قازاق. جىلاعىڭ كەلەدى.
سامات نۇرتازانىڭ facebook پاراقشاسىنان
Abai.kz
