Düysenbi, 10 Tamız 2020
COVID-19 QAZAQSTANDA. Jwqtırğandar — 99442. Jazılğandar — 72523. Qaytıs bolğandar — 1058
847 0 pikir 7 Qaraşa, 2019 sağat 10:49

Ombıda Resey men Qazaqstan jastar köşbasşılarınıñ forumı bastaldı

6 qaraşa küni Resey Federaciyasınıñ Ombı qalasında Resey men Qazaqstan jastar köşbasşılarınıñ birinşi forumı öz jwmısın bastadı. 

Bwl şara eki eldiñ XVI aymaqaralıq ıntımaqtastıq forumı ayasında ötip jatır. Jastar jiını eki künge sozıladı. 

Forumnıñ aşılu saltanatında qazaqstandıq taraptı Aqparat jäne qoğamdıq damu ministrliginiñ Jastar isi jäne otbası komitetiniñ törağası Madiyar Qojahmet tanıstırdı. "Bizdiñ jastarımız mentaldıq, mädeni jäne tildik qarım-qatınasta bir-birine etene jaqın. Bolaşaq wrpaq Resey men Qazaqstan halqın qwrmetteytin dostıq pen odaqtastıqtıñ igi dästürlerin saqtap, nığaytuı mañızdı", - dep atap ötti komitet törağası. Sonday-aq Madiyar Qojahmet jastar sayasatı salasındağı negizgi mindet jastarğa är salada jol aşıp, bolaşaqta mıqtı maman bolıp qalıptasu üşin jağday jasau qajet degen pikirin bildirdi. 

Bwl rette memlekettiñ maqsatı - jastardıñ qoğamğa qajetti toptarın qamtıp, olarğa öz mümkindikterin tolıq körsete alatın "äleumettik lift"qwru bastı mindet. Bwl üşin Qazaqstanda "memlekettik jastar sayasatı turalı" Zañ jäne 2020 jılğa deyingi memlekettik jastar sayasatınıñ Twjırımdaması äzirlenip, jwmıs isteude. Jüyelik negizde bağdarlamalıq qwjattar men jobalar iske asırılıp jatır.

Forum jwmısına jüzden asa jas qatısıp jatır. Olar memlekettik organdar men ükimettik emes wyımdardıñ ökilderi, volonterler, eki eldiñ JOO oqıtuşıları men studentteri, sonday-aq jurnalister men blogerler. 

Forum bağdarlamasında eki eldiñ jas diplomattarınıñ kezdesui jäne jastar sayasatın jüzege asıruğa jauaptı Resey men Qazaqstannıñ atqaruşı bilik organdarı basşılarınıñ jwmıs keñesi ötedi dep josparlanğan.

Forum qorıtındısı boyınşa Resey men Qazaqstannıñ jastar qoğamdıq wyımdarı arasındağı ıntımaqtastıq turalı eki jaqtı kelisimge qol qoyu josparlanğan.

Bwl şaranıñ maqsatı - Resey men Qazaqstan jastarı arasındağı  dialog formattarın keñeytu, ıntımaqtastıq bağıttarınıñ keñ qanat jayuuına mümkindik jasau.

Abai.kz

0 pikir