Qazaqstan men Resey arasyndaghy XVI óniraralyq yntymaqtastyq forumyna qatysu ýshin Ombygha kelgen Qasym-Jomart Toqaev Vladimir Putinmen kezdesti.

Memleketter basshylary ekijaqty qatynastardy damytudyng perspektivalary men ónirlik dengeydegi yqpaldastyqtyng ózekti mәselelerin talqylady.

Qasym-Jomart Toqaev qonaqjaylyq tanytqany ýshin Vladimir Putinge rizashylyq bildirip, forumnyng tiyimdiligi men tabystylyghyn atap ótti.

– 2003 jyly Qazaqstannyng Túnghysh Preziydenti Núrsúltan Nazarbaev pen Sizding kýsh-jigerinizding arqasynda Ombyda óniraralyq dengeydegi alghashqy kezdesu ótti. Búl mehanizm tolyqtay iske qosylyp, ónirler yqpaldastyghynyng tiyimdi qúraly retinde ózin dәleldedi. Eki elding aimaqtary arasyndaghy sauda kólemining artyp kele jatqany óte manyzdy. Biz ónerkәsip koopersiyasynda, auyl sharuashylyghy salasyndaghy yntymaqtastyqta zor tabystargha qol jetkizdik. Sondyqtan auqymdy júmys atqaryldy dep oilaymyn, – dedi Qazaqstan Preziydenti.

Vladimir Putin Resey men Qazaqstannyng arasyn baylanystyratyn dәstýrli forumnyng manyzdy ekenin aitty.

– Elderimizding arasyndaghy qarym-qatynastar tabysty damyp keledi. Byltyr tauar ainalymy 14 payyzdan asty. Investisiya kólemi úlghaya týsti. Biz túraqty týrde kezdesip otyramyz. Degenmen erekshe nazar audaratyn mәseleler әrqashan tabylady, – dedi Resey Preziydenti.

Abai.kz