سەيسەنبى, 12 قاراشا 2019
386 16 پىكىر 8 قاراشا, 2019 ساعات 10:39

قاسىم-جومارت توقاەۆ ۆلاديمير پۋتينمەن كەزدەستى

قازاقستان مەن رەسەي اراسىنداعى XVI وڭىرارالىق ىنتىماقتاستىق فورۋمىنا قاتىسۋ ءۇشىن ومبىعا كەلگەن قاسىم-جومارت توقاەۆ ۆلاديمير پۋتينمەن كەزدەستى.

مەملەكەتتەر باسشىلارى ەكىجاقتى قاتىناستاردى دامىتۋدىڭ پەرسپەكتيۆالارى مەن وڭىرلىك دەڭگەيدەگى ىقپالداستىقتىڭ وزەكتى ماسەلەلەرىن تالقىلادى.

قاسىم-جومارت توقاەۆ قوناقجايلىق تانىتقانى ءۇشىن ۆلاديمير پۋتينگە ريزاشىلىق ءبىلدىرىپ، فورۋمنىڭ تيىمدىلىگى مەن تابىستىلىعىن اتاپ ءوتتى.

– 2003 جىلى قازاقستاننىڭ تۇڭعىش پرەزيدەنتى نۇرسۇلتان نازارباەۆ پەن ءسىزدىڭ كۇش-جىگەرىڭىزدىڭ ارقاسىندا ومبىدا وڭىرارالىق دەڭگەيدەگى العاشقى كەزدەسۋ ءوتتى. بۇل مەحانيزم تولىقتاي ىسكە قوسىلىپ، وڭىرلەر ىقپالداستىعىنىڭ ءتيىمدى قۇرالى رەتىندە ءوزىن دالەلدەدى. ەكى ەلدىڭ ايماقتارى اراسىنداعى ساۋدا كولەمىنىڭ ارتىپ كەلە جاتقانى وتە ماڭىزدى. ءبىز ونەركاسىپ كووپەرتسياسىندا، اۋىل شارۋاشىلىعى سالاسىنداعى ىنتىماقتاستىقتا زور تابىستارعا قول جەتكىزدىك. سوندىقتان اۋقىمدى جۇمىس اتقارىلدى دەپ ويلايمىن، – دەدى قازاقستان پرەزيدەنتى.

ۆلاديمير پۋتين رەسەي مەن قازاقستاننىڭ اراسىن بايلانىستىراتىن ءداستۇرلى فورۋمنىڭ ماڭىزدى ەكەنىن ايتتى.

– ەلدەرىمىزدىڭ اراسىنداعى قارىم-قاتىناستار تابىستى دامىپ كەلەدى. بىلتىر تاۋار اينالىمى 14 پايىزدان استى. ينۆەستيتسيا كولەمى ۇلعايا ءتۇستى. ءبىز تۇراقتى تۇردە كەزدەسىپ وتىرامىز. دەگەنمەن ەرەكشە نازار اۋداراتىن ماسەلەلەر ارقاشان تابىلادى، – دەدى رەسەي پرەزيدەنتى.

Abai.kz

16 پىكىر