Almatynyng Halyqaralyq әuejayy shet eldikterge satyluy mýmkin. Qazir TAV Airports әuejayynyng operatory men Almaty әuejayynyng basshylyghy arasynda satyp alu turaly kelisim talqylanyp jatyr. Oghan VPE Capital basqarushy kompaniyasy da qatysady.

TAV әuejaylarynyng 46,16% iyelik etetin Groupe ADP mәlimetine sәikes, eki tarap kelesi aptada nemese jeltoqsan aiynda naqty kelisimge kelui mýmkin.

-Halyqaralyq Almaty Áuejayy - Ortalyq Aziyadaghy eng ýlken әuejay. Jәne ol Qazaqstannyng qarjy ortalyghy.Ol 2018 jyly 6 milliongha juyq jolaushygha qyzmet kórsetti. Jolaushylardyng jartysy halyqaralyq baghyttardan keledi.

Qazaqstan - tenizge shygha almaytyn memleket. Alayda Qazaqstan Ortalyq Aziya aimaghyndaghy ekonomikalyq ósuding drayveri. Býginde OA-daghy JIÓ-ning 60% -yn Qazaqstan qamtamasyz etedi. Al, Almatynyng әuejayyn satyp alu - Groupe ADP jәne TAV әuejaylarynyng aimaqtaghy damu strategiyasyna sәikes keledi, -dep mәlimdedi Groupe ADP.

Ayta keteyik, Groupe ADP - Paris-Charles de Gaulle, Paris-Orly jәne Paris-Le Bourget siyaqty halyqaralyq әuejaylardy basqarady. Ol 2018 jyly fransuz әuejaylary arqyly 105 millionnan astam jolaushyny jәne sheteldik әuejaylar arqyly 176 millionnan astam jolaushylardy tasymaldaghan.

Abai.kz