الماتىنىڭ حالىقارالىق اۋەجايى شەت ەلدىكتەرگە ساتىلۋى مۇمكىن. قازىر TAV Airports اۋەجايىنىڭ وپەراتورى مەن الماتى اۋەجايىنىڭ باسشىلىعى اراسىندا ساتىپ الۋ تۋرالى كەلىسىم تالقىلانىپ جاتىر. وعان VPE Capital باسقارۋشى كومپانياسى دا قاتىسادى.

TAV اۋەجايلارىنىڭ 46,16% يەلىك ەتەتىن Groupe ADP مالىمەتىنە سايكەس، ەكى تاراپ كەلەسى اپتادا نەمەسە جەلتوقسان ايىندا ناقتى كەلىسىمگە كەلۋى مۇمكىن.

-حالىقارالىق الماتى اۋەجايى - ورتالىق ازياداعى ەڭ ۇلكەن اۋەجاي. جانە ول قازاقستاننىڭ قارجى ورتالىعى.ول 2018 جىلى 6 ميلليونعا جۋىق جولاۋشىعا قىزمەت كورسەتتى. جولاۋشىلاردىڭ جارتىسى حالىقارالىق باعىتتاردان كەلەدى.

قازاقستان - تەڭىزگە شىعا المايتىن مەملەكەت. الايدا قازاقستان ورتالىق ازيا ايماعىنداعى ەكونوميكالىق ءوسۋدىڭ درايۆەرى. بۇگىندە وا-داعى ءجىو-ءنىڭ 60% -ىن قازاقستان قامتاماسىز ەتەدى. ال، الماتىنىڭ اۋەجايىن ساتىپ الۋ - Groupe ADP جانە TAV اۋەجايلارىنىڭ ايماقتاعى دامۋ ستراتەگياسىنا سايكەس كەلەدى، -دەپ مالىمدەدى Groupe ADP.

ايتا كەتەيىك، Groupe ADP - Paris-Charles de Gaulle, Paris-Orly جانە Paris-Le Bourget سياقتى حالىقارالىق اۋەجايلاردى باسقارادى. ول 2018 جىلى فرانتسۋز اۋەجايلارى ارقىلى 105 ميلليوننان استام جولاۋشىنى جانە شەتەلدىك اۋەجايلار ارقىلى 176 ميلليوننان استام جولاۋشىلاردى تاسىمالداعان.

Abai.kz