Senbi, 7 Jeltoqsan 2019
1171 0 pikir 15 Qaraşa, 2019 sağat 13:30

700 adam Abaydıñ änin qosıla şırqadı

Qazaqtıñ Wlı aqını Abay Qwnanbaywlınıñ 175 jıldıq mereytoyına oray bastau alğan aqın şığarmaların oqu estafetasın qoğam qoldap, alıs-jaqın şeteldikterge de joldap jattı. Al, Nwr-Swltan qalasınıñ äkimdigi Memlekettik akademiyalıq filarmoniyasınıñ 700 ärtisi «Közimniñ qarası» änin qosıla şırqap, aydı aspanğa bir aq şığardı.

Bwl aqın mereytoyı qarsañında wyımdastırılğan fleşmobtardıñ işinde qatısuşılar sanı jağınan rekordtıq körsetkiş.

Mwnday auqımdı is-şara ötkizip, Wlı aqın şığarmaşılığına köptiñ köñilin audaru ideyası wjım tarapınan birauızdan qoldau tapqan. Büginde Qazaqstan astanasınıñ filarmoniyası qaladağı jetekşi koncerttik jäne oqu orındarınıñ biri bolıp tabıladı. Onda 11 şığarmaşılıq top jwmıs isteydi: qazaq orkestri, simfoniyalıq orkestr, ürmeli aspaptar orkestri, işekti kvartet, kameralıq hor, «Sarıarqa» halıq muzıkalıq ansambli, «Şalqıma» halıq bi ansambli, «Qorqıt» dästürli muzıka tobı, klassikalıq jäne estradalıq vokal, dästürli halıq äni bölimi, «Älem» estradalıq bi ansambli

Elordalıq filarmoniyanıñ abıroyın asqaqtatıp, maqtanışına aynalğan önerpazdar az emes. Olardıñ qatarında, elimizdiñ muzıka qayratkerleri: QR halıq ärtisi Nwrjamal Üsenbaeva, Qazaqstan Respublikasınıñ eñbek siñirgen ärtisteri Mayra Il'yasova; Qazaqstan Respublikasınıñ eñbek siñirgen qayratkerleri: Aytqali Jayımov («Parasat» ordeniniñ iegeri), Aygül Qosanova, Ernar Mıñtaev, Bibigül Janwzaq, Azamat Jıltırközov, Altınay Jorabaeva, Gülzira Bökeyhan, «Qwrmet» ordeniniñ iegeri Abdurasul Esekeev, Nwray Tanabaev, Nwrlan Bekenov, Şolpan Qorğanbek, Araylım Rahımqızı jäne basqaların aytuğa boladı.

Filarmoniyanıñ solisteri men muzıkalıq toptarı Abaydıñ äygili «Jelsiz tünde jarıq ay» änin akpellada orındadı. Bas direktor Däkenov Erlan Erğazıwlı, qazaqtıñ wlı aqını, kompozitor häm jazba qazaq ädebietiniñ negizin qalauşı Abaydıñ mereytoyın atap ötu mañızdılığına toqtalıp, estafetanı wjım atınan Qazaqstan jäne Resey Federaciyasınıñ filarmoniyalarına joldadı.

;feature=youtu.be

Abai.kz

0 pikir