Jwma, 28 Aqpan 2020
Dep jatır 2508 12 pikir 28 Qañtar, 2020 sağat 12:47

Zelenskiy soğıstıñ bastaluına KSRO kinäli ekenin ayttı

Ukraina prezidenti Vladimir Zelenskiy Ekinşi düniejüzilik soğıstı bastauşılardıñ biri - Keñes odağı ekenin ayttı. Osını aytıp, oybayğa basqan orıstıñ «Ren.tv» arnası.

Brifingte söylegen Zelenskiy totalitarlıq rejimniñ özara kelisimimen jasalğan qastıqtı alğaş bolıp Pol'şa körgenin, sol totalitarlıq rejim - ekinşi düniejüzilik soğıstıñ bastaluına sebepşi bolğanın, nacisterge «Holokosttı bastauğa mümkindik bergenin ayttı. Bügingi älem basşıları, Europa liderleriniñ 1939 jılğıday «ünsiz qaluğa qwqı joq», dep söyledi Zelenskiy.

Sonday-aq, ol Auşvic ölim lagerin azat etu turalı ayttı. Zelenskiy lagerdi bosatqan KSRO degen joq. Biraq ol azattıq operaciyasına qatısqan ukrain azamattarın eske aldı.

Soñğı uaqıtta Pol'şadağı sayasatkerler men tarihşılar Ekinşi düniejüzilik soğıstıñ bastaluına Resey kinäli degendi jii aytıp jür. Qañtar ayınıñ basında el parlamenti ekinşi düniejüzilik soğıstı KSRO men Germaniya qatar bastadı, dep ayıptağan qarar qabıldap, köptegen polyak sayasatkerleri Reseyge qarsı mälimdemeler jasağan. Sonımen qatar, Polyak deputattarı bükil älemge «nacistik-keñestik totalitarizmniñ qwrbandarı» degen söz tirkesin engizudi wsınğan.

Jıl sayın, 27 qañtar küni halıqaralıq deñgeyde Holokosttı eske alu küni atap ötiledi. 1945 jılı däl osı küni eñ ülken ölim lageri - Auşvic azat etildi. Onda şamamen 1,4 million adam ölgen. Olardıñ 1,1 millionı evreyler. 1947 jılı osı jerde mwrajay aşılıp, 1979 jılı ol YUNESKO-nıñ Düniejüzilik mwralar tizimine engizilgen.

Ayta keteyik, osığan deyin Resey Prezidenti V.Putin Mäskeude ötetin «Jeñis paradına» birneşe eldiñ basşıların şaqırğan. (Putinniñ paradına qatısu mindet pe?)  Jäne, ol paradqa kelmeu - ülken qatelik äri soğısta şeyit ketken jauıngerlerge qwrmetsizdik ekenin aytqan.

Al, 22-qañtar küni Prezidenttiñ baspasöz hatşısı Berik Uäli Memleket basşısınıñ Putinniñ şaqıruın qabıl alğanın jäne paradqa qatısudı josparlap otırğanın aytqan.

Abai.kz

12 pikir