سەنبى, 28 ناۋرىز 2020
دەپ جاتىر 2615 12 پىكىر 28 قاڭتار, 2020 ساعات 12:47

زەلەنسكي سوعىستىڭ باستالۋىنا كسرو كىنالى ەكەنىن ايتتى

ۋكراينا پرەزيدەنتى ۆلاديمير زەلەنسكي ەكىنشى دۇنيەجۇزىلىك سوعىستى باستاۋشىلاردىڭ ءبىرى - كەڭەس وداعى ەكەنىن ايتتى. وسىنى ايتىپ، ويبايعا باسقان ورىستىڭ «Ren.tv» ارناسى.

بريفينگتە سويلەگەن زەلەنسكي توتاليتارلىق رەجيمنىڭ ءوزارا كەلىسىمىمەن جاسالعان قاستىقتى العاش بولىپ پولشا كورگەنىن، سول توتاليتارلىق رەجيم - ەكىنشى دۇنيەجۇزىلىك سوعىستىڭ باستالۋىنا سەبەپشى بولعانىن، ناتسيستەرگە «حولوكوستتى باستاۋعا مۇمكىندىك بەرگەنىن ايتتى. بۇگىنگى الەم باسشىلارى، ەۋروپا ليدەرلەرىنىڭ 1939 جىلعىداي «ءۇنسىز قالۋعا قۇقى جوق»، دەپ سويلەدى زەلەنسكي.

سونداي-اق، ول اۋشۆيتس ءولىم لاگەرىن ازات ەتۋ تۋرالى ايتتى. زەلەنسكي لاگەردى بوساتقان كسرو دەگەن جوق. بىراق ول ازاتتىق وپەراتسياسىنا قاتىسقان ۋكراين ازاماتتارىن ەسكە الدى.

سوڭعى ۋاقىتتا پولشاداعى ساياساتكەرلەر مەن تاريحشىلار ەكىنشى دۇنيەجۇزىلىك سوعىستىڭ باستالۋىنا رەسەي كىنالى دەگەندى ءجيى ايتىپ ءجۇر. قاڭتار ايىنىڭ باسىندا ەل پارلامەنتى ەكىنشى دۇنيەجۇزىلىك سوعىستى كسرو مەن گەرمانيا قاتار باستادى، دەپ ايىپتاعان قارار قابىلداپ، كوپتەگەن پولياك ساياساتكەرلەرى رەسەيگە قارسى مالىمدەمەلەر جاساعان. سونىمەن قاتار، پولياك دەپۋتاتتارى بۇكىل الەمگە «ناتسيستىك-كەڭەستىك ءتوتاليتاريزمنىڭ قۇرباندارى» دەگەن ءسوز تىركەسىن ەنگىزۋدى ۇسىنعان.

جىل سايىن، 27 قاڭتار كۇنى حالىقارالىق دەڭگەيدە حولوكوستتى ەسكە الۋ كۇنى اتاپ وتىلەدى. 1945 جىلى ءدال وسى كۇنى ەڭ ۇلكەن ءولىم لاگەرى - اۋشۆيتس ازات ەتىلدى. وندا شامامەن 1,4 ميلليون ادام ولگەن. ولاردىڭ 1,1 ميلليونى ەۆرەيلەر. 1947 جىلى وسى جەردە مۇراجاي اشىلىپ، 1979 جىلى ول يۋنەسكو-نىڭ دۇنيەجۇزىلىك مۇرالار تىزىمىنە ەنگىزىلگەن.

ايتا كەتەيىك، وسىعان دەيىن رەسەي پرەزيدەنتى ۆ.پۋتين ماسكەۋدە وتەتىن «جەڭىس پارادىنا» بىرنەشە ەلدىڭ باسشىلارىن شاقىرعان. ء(پۋتيننىڭ پارادىنا قاتىسۋ مىندەت پە؟)  جانە، ول پارادقا كەلمەۋ - ۇلكەن قاتەلىك ءارى سوعىستا شەيىت كەتكەن جاۋىنگەرلەرگە قۇرمەتسىزدىك ەكەنىن ايتقان.

ال، 22-قاڭتار كۇنى پرەزيدەنتتىڭ ءباسپاسوز حاتشىسى بەرىك ءۋالي مەملەكەت باسشىسىنىڭ ءپۋتيننىڭ شاقىرۋىن قابىل العانىن جانە پارادقا قاتىسۋدى جوسپارلاپ وتىرعانىن ايتقان.

Abai.kz

12 پىكىر