Senbi, 6 Mausım 2020
COVID-19 QAZAQSTANDA. Jwqtırğandar — 12312. Jazılğandar — 6903. Qaytıs bolğandar — 52
Qwyılsın köşiñ 3269 32 pikir 31 Qañtar, 2020 sağat 11:51

Bir videonıñ «sırı»...

«Qazaqstan RTRK» AQ basqarma törağası

Ləzzat Tanısbaydıñ nazarına!

Men "Köşi-qon – Wlt Köşbasşısı Nwrswltan Nazarbaevtıñ El Täuelsizdigin jariyalaudan bwrın jolğa qoyğan Twñğış häm Wlı sayasatı! Nwrswltan Äbişwlınıñ kemeñger twlğa, köregen basşı ekenin törtkül düniege birden tanıtqan da – osı alısta jürgen ağayındı Atajwrtqa şaqıru turalı şığarğan batıl äri tarihi şeşimi!"-degen sözdi ünemi aytıp ta, jazıp ta jürmin.

Şınında solay!

Biraq, sol Nwrswltan Əbişwlı jolğa qoyğan osınau Wlı sayasattıñ jolı ünemi ıñğay tüzu bola qoyğan joq. Otız jıl işinde şarıqtağan "Altın dəuirdi" de bastan keşirdi, işki jəne sırtqı qarsı küşterdiñ kesirinen twralap toqtap qala jazdağan kezderi de boldı.

Sonday esten ketpes dağdarıstıñ biri – 2013 jılğı 15 jeltoqsandağı tört jılsız azamattıq berilmeytin qatañ zañnıñ qabıldanuı.

Közdi aşıp-jwmğanşa, dwnie qwbılıp şığa keldi. Jiırma jıldan astam tolasız jalğasqan Qazaq köşi üzilip kete jazdap barıp, aman qaldı. Biliktiñ ülken basılımınıñ özi bas maqala jazıp, şetten oralğagan qandastaoımızdı jwrtqa swranşaq, bəleqor, jekswrın etip körsetuge tırısıp baqtı.

Beker obalı qane, Wlt Köşbasşısı kemeñgerlik tanıtıp, ketken qateni tez ornına keltirdi.

Ədilettiligin aytuımız kerek, Nwrswltan Əbişwlınıñ şettegi qazaqqa degen köñili men meyirimi appaq qarday tap-taza-twğın. Men oğan imanday senem!

Sebebi, Qazaq radiosınıñ efirinen öz auzımen joldağan ataqtı «Alısta jürgen ağayınğa aq tilegi» men Düniejüzi qazaqtarınıñ birinşi jəne ekinşi qwrıltayında söylegen sözderi – alıstağı ağayınnıñ jürek tükpirinen öşpes orın alğan bolatın. Əsirese, 2002 jılı Türkistan qalasında ötken ekinşi Qwrıltayda jasağan bayandaması Elbasınıñ alıstağı ağayınğa degen aqjarma tilegi men ottay ıstıq meyirimin körsetti. Men ol kezde Almatıda bolatınmın. Atalğan Qwrıltayğa alıs jäne jaqın 32 şet memleketten 400-den astam ökil qatıstı. Qıtaydan kelgen delegaciyanı, jañılmasam, sol kezdegi Şınjañ ölkelik partiya komitetiniñ ekinşi hatşısı Ashat Kerimbay bastap keldi.

Şıñjañ qazaqtarımen qosa, Qazaqstanğa köşip kelip alğan ağalarımızdıñ da birazı qatısıptı.

Əli esimde, Elbasınıñ atalğan bayandamasın aqın dosım Qayrat Qwl-Mwhamedtiñ Mwqağali Maqataev köşesiniñ boyındağı eski üyinde otırıp, «Qazaqstan» wlttıq arnasınıñ tilkeley efirinen tıñdadıq.

Eki sağatqa jalğasqan bayandamasında Nwrswltan Əbişwlınıñ bar küşin salıp dayındalğanı, şekara sırtında jürgen qandastarına degen ıstıq sağınışı men köl-kösir meyiri ər sözinen sezilip twrdı. Keyde tipti aldındağı qağazın sırıp qoyıp, öz oyların aşıq, bükpesiz ayttı. Dauısı da sonday jağımdı äuenmen tas bwlaqtıñ suınday sıñğırlap, keyde kölden wşqan aqquday mamırlap şıqtı. Jan tebirenterlik sol sözderge soğılğan şatırlağan şapalaq pen közden aqqan ıstıq jasta esep joq!

Ər sözi – altın bolıp, tögilip jattı...

Demek, 2013 jılı qatañ zañ qabıldanğanda meniñ qwlağımnıñ tübinde Nwrswltan Äbişwlınıñ sol sözderi əlsin-əli jañğırıp, kelbetti beynesi köz aldımnan ketpey twrdı. Əttegen-ay dep, tek barmaq tisteumen ğana boldım.

Aqırı şıdamay, «Nağaşıma hattı» jazdım. Hat Elbasına jetti. Sol kezdegi Prezident Keñsesiniñ basşısı Mahmwt ağa Qasımbekov meni Aqordağa şaqırıp, quanıştı habardı jetkizdi...

Bir qızığı, Elbası «rayınan» qaytıp, Zañ jobasın qayta qarau qolğa alınğanımen de biliktiñ keybir bwtaqtarı men jekelegen twlğalardıñ betin beri qaytaru oñayğa soqqan joq. Elbası bwyrığı şığıp, Zañ qayta qaralatın bolğanımen, qarsı küşter sol oqiğanı sıltau etip, Memleket basşısınıñ atına auır-auır sındar aytuın qoymay twrğan edi. «Oralman» dese, ürke qaraytın jağday qalıptasa bastağan...

Dəl sol sətte soğan qarsı qaru retinde Elbasınıñ ötken qwrıltaylar men jinalıstarda söylegen sözderin, əsirese ekinşi Qwrıltaydağı tarihi bayandamasın paydalanuıma tura keldi. Internettiñ men aqtarmağan bwlıñ-bwşpağı qalmadı. Ökinişke oray, ol sözder eşbir saytqa jüktelmepti. Söytip, dağdarıp, eñsem tüsip jürgende, Moldabek Sağımbekwlı ağam kezdese ketpesi bar ma!

Moldekeñmen sonau Almatıda jürgen kezden beri tanıspın. QazWU-dıñ jataqhanasında talay şayqağamız. Öte talanttı redaktor, ardager tele-radio jurnalist jäne öner, tağdırlı önerpaz dese işken asın jerge qoyatın azamat. Körgen jerden bas salıp, qwşaqtasıp amandastıq. Amandıq-saulıq swrsıp, arğı-bergi künderdi azdap eske alğan soñ, izdep jürgen joğımdı aytayın.

– Auıtjan-au, men Wlttıq Arnanıñ «Altın qorınıñ» bastığımın ğoy, sen izdegen kaseta bizdiñ qorda sarı mayday saqtaulı twr. Erteñ Qwrıltaydıñ qay jılı, qay aydıñ qay küni ötkeni turalı datasın tauıp, mağan kel, kerekti nərseñniñ bərin berem! – degeni.

Quanğannan Moldakeñdi qayta qapsıra qwşaqtap, betinen süyip-süyip alıppın. Qolın älsin-äli qısıp, qimay-qimay qoşstastım.

Bwl – 2015 jıldıñ aqpan ayınıñ on segizi küni bolatın.

Ertesi, datanı qağazğa jazıp alıp, «Qazmediya» ortalığında otıratın Moldabek ağama bardım. Moldakeñ qağazğa bir qaradı da, sörelerdiñ bir jerinen qolaqpanday dəu kəsetanı suırıp aldı. Sosın, bir aspapqa saldı da, qwlağıma nauşnikti tağıp, «Al asqpay tıñda, kerekti jerin belgile, kesip, dayındap berem» - dedi de özi jwmısın jalğastırıp ketti.

Eki sağattıq bayandamanı, erinbey otırıp, bastan-aqır mwqiyat tıñdap şıqtım. Arasında közime jas alıp, Moldakeñe bildirmey, öksip-öksip alam.

«Qwday-au, bir kezde Elbasınıñ bizge degen ıqılası men peyili osılay edi-au, qanday ittiñ küşigi arağa ot jağıp jiberdi eken, älde köz tidi me, til boddı ma?!» dep, öz-özime kübirlep söylep qoyam.

Ne kerek, degenmen jolı bolğış jigitpin ğoy, izdegen altın düniem tabıldı. Endi meni bwl Köşi-qon mäselesi boyınşa dauda eşkim de jeñe almaydı. Qarsı kelgendi Elbasınıñ altınğa bergisiz asıl sözderimen qasqa mañdaydan tars etkizip wram da otıram... Qiyal şirkin lezde Sarıarqanıñ dalasın endey ötip, bes qwrlıqqa tarıday şaşırap ketken qazaqtardı kezip ketti. Boyğa buırqanğan alıp küş bitti, jürekke nıq senim ornadı...

Moldakeñ aytqanday, Elbası söziniñ özime eñ kerek degen 19 minut, 43 sekund jerin kesip, diskke qatırıp twrıp jazıp berdi.

Sol küni Qazaqstan halıqtarı assambleyasınıñ kezekten tıs Prezident saylauın ötkizu turalı jinalısı ötip jatır eken. Şını kerek, özge wlt ökilderiniñ qoşametine bölenip otırğan Elbasımdı iştey qattı qızğanıp kettim. Meniñ jerlesterim de, Qwday qalasa, osı biikke jetedi, jetkizemiz dep, jwdırığımdı tüyip-tüyip qoydım.

Üyge keldim de, «Qandastar Nwrekeñdi Assambleyadan alpıs ese artıq qoldaydı!» degen maqalanı sart etkizip jazdım da, oğan manağı Moldabek ağa jasap bergen Elbasınıñ vidiosın qosıp, «Abai.kz»- bwrq etkizdim!

;feature=emb_title

Sözde qwdıret bar. Al, ol jay bireu emes, prezidenttiñ sözi bolsa şe?!

Sodan beri bwl sözderdiñ, retine qaray, eñ kerek jerin qağazğa tüsirip alıp, qanşa maqalama arqau ettim deşi! Tipti, bir üzigin «Zañ tüzeldi, qandasım, sen de tüzel!» degen kitabımnıñ birinşi betine anatatciya etip berdim. Söytip, talay jaudıñ betin qaytardıq, äli qaytarıp kelemiz...

Senesiz be, qasietiñnen aynalayın Nwrekeñniñ osı sözin keşe ğana tağı paydalandım. Salğan jerden kesip tüsti, deputat Nwrlan ağa Dulatbekovke hatpen qosa jiberip edim, Nwrlan Orınbasarwlı tartpasında bir-eki aydan beri sar tap bop sarğayıp jatqan bir wsınısımdı Məjilistegi Jwmıs tobınıñ talqısına birden saldı!

Qorıtıp aytqanda, Nwrswltan Əbişwlınıñ bwl sözi – keyingi buınğa, əsirese bilik twtqasın wstap, köş bastağan azamattarğa qaldırğan amanatı.

Al, biz jəne bizdiñ jolımızdı quıp, köşi-qon sayasatımen aynalısam degender, jüyeden Qazaq köşi üşin – Pasport!

Qazaq köşi dese, auzı qisaya qalatındardı tüzeytin – emen tez!

Qarsı kelgenderge, qasqayta silteytin almas qılış!

Qwdayğa təube, qazir köşi-qonnıñ beti beri qaradı.

Zañdar men normativtik qwjattardağı kedergiler alınıp, köşke dañğıl jol aşıldı.

Qandastarınıñ Elbasına degen qwrmeti men alğısı da şeksiz!..

Bwl sözdi endi eşkim, eşqaşan attap öte almaydı. Attatpaymız da!

Prezident Qasım-Jomart Toqaev bastağan komanda men Aqordadan aq bata alıp şıqqan talanttı üş jüz jas kadr kökeyine tüyip, köştiñ körigin odan arı qızdıra tüsetinine meniñ senimim bek kəmil!

Elbasımız aman bolsın!

Jambıl atamnıñ jasına kelsin!

Endi Ləzzat qarındasıma bir ötiniş:

Qwrmetti Ləzzat Mwratqızı!

Qazirge deyin Düniejüzi qazaqtarınıñ bes Qwrıltayı ötti.
Sol bes Qwrıltaydıñ beseuine de Wlt Köşbasşısı Nwrswltan Nazarbaevtıñ özi kelip, öte mañızdı sözder söyledi. Keremet şeşimder habıldadı. Sonıñ bəri Qazaq köşi üşin tərihi qwjat!

Sizden sol vidiolardı arhivten şığarıp, jaña formatqa köşirip, Wlttıq Arnanıñ saytına jəne basqa da əleumettik jelilerge jüktetip qoyuıñızdı ötinem.

Jwrt tıñdap, Elbasımızdıñ tuğan halqına degen qaltqısız jüregin, tarday şaşırap ketken qandastarın Otanına oraltqan Wlı eñbegin körsin, kökeylerine tüysin! Wrpağına wlağattap otırsın!

Qwrmetpen,

Auıt Mwqibek.

Abai.kz

32 pikir