Senbi, 30 Mamır 2020
COVID-19 QAZAQSTANDA. Jwqtırğandar — 10382. Jazılğandar — 5057. Qaytıs bolğandar — 37
Aymaq 1135 1 pikir 20 Aqpan, 2020 sağat 13:10

Qızılorda oblısınıñ äkimi halıq aldında esep berdi

Bügin Qızılorda oblısınıñ äkimi Quanışbek Isqaqovtıñ halıq aldında esep beru kezdesui ötti. Öñir basşısı ötken jıldı qorıtındılap, 2020 jılğa arnalğan josparlar turalı ayttı.

Oblıs äkiminiñ aytuınşa, 2019 jılı Qazaqstan Respublikasınıñ Twñğış Prezidenti - Elbasınıñ 2018 jılğı 5 qazandağı «Qazaqstandıqtardıñ äl-auqatınıñ ösui: tabıs pen twrmıs sapasın arttıru» jäne Qazaqstan Respublikası Prezidentiniñ 2019 jılğı 2 qırküyektegi «Sındarlı qoğamdıq dialog – Qazaqstannıñ twraqtılığı men örkendeuiniñ negizi» Joldauında ayqındalğan damudıñ negizgi strategiyalıq maqsattarın aymaqta iske asıru jwmıstarı jalğastırıldı.

Jalpı, 2019 jılı ekonomikanıñ barlıq salaları boyınşa ekonomikalıq ösudiñ qarqını saqtaldı.

Qızılorda oblısınıñ byudjeti jıl işinde 239,2 mlrd.teñgeden 304,6 mlrd. teñgege deyin wlğaydı. Oblıstıñ menşikti kiristeri 41,8 mlrd. teñgeden 56,5 mlrd. teñgege deyin östi.

Byudjet äleumettik bağıttılıqtı saqtap qaldı, äleumettik mindetterdi şeşuge byudjettik qarajattıñ 60% juığı bağıttaldı. Bwl rette oblıs jan basına şaqqandağı äleumettik şığıstar boyınşa öñir arasında köş bastap twr.

Negizgi kapitalğa investiciyalar 17,4%, qwrılıs jwmıstarınıñ kölemi 54,3% , twrğın üydi iske qosu 8,8% östi.

Sonday-aq, auıl şaruaşılığınıñ jalpı öniminiñ kölemi 4,3%, öñdeu önerkäsibiniñ kölemi 1,3%, bölşek tauar aynalımınıñ kölemi 1,5% östi.

17291 jwmıs ornı qwrıldı, onıñ 12678 twraqtı. Jwmıssızdıq deñgeyin 4,8% (QR – 4,8%) şeginde wstap twrdı. Ortaşa aylıq jalaqı 13,8% östi (2019 jılğı qañtar-qırküyek).

Twtınu bağalarınıñ indeksi 2018 jılğı jeltoqsanğa qarağanda 2019 jılı 105,4% qwradı. Onıñ işinde azıq tülik tauarları boyınşa – 109,9%, azıq-tülik emes tauarlar boyınşa 104,9%, aqılı qızmetter boyınşa 100,2%.

Ötken jıldıñ qorıtındısımen Qızılorda oblısı ekonomikalıq damudıñ 7 körsetkişi boyınşa 8 üzdik oblıstıñ qatarına kirdi.

Industriyalıq-innovaciyalıq damu salasında 2018 jıldıñ jeltoqsanında merziminen bwrın engizilgen tamponajdı cement zauıtı jalpı kölemi 380 mıñ tonna qwraytın 6 cement türin şığardı. Cement körşi öñirlerge – Türkistan, Aqtöbe, Almatı, Jambıl oblıstarına jäne Şımkent qalasına satıladı. Sonımen qatar,  40 mıñ tonna Özbekstanğa eksportqa jiberildi.

2014-2016 jıldarı industriyalandıru bağdarlaması ayasında "Araltwz" AQ eki ispandıq cehtı iske qosıp, nätijesinde öz öniminiñ 75% şetelge eksporttap otır. 2019 jılı Reseydiñ as twzı narığındağı käsiporın öniminiñ ülesi 16% qwradı. Sonımen qatar, Ukrainağa twz eksportınıñ kölemi 2,1 esege arttı.

Ötken jılı öñirge investiciya tartu maqsatında Qızılordada "Qızılorda: twraqtı ösu, investiciyalıq ıntımaqtastıq üşin jaña kökjiekter" taqırıbında Hİ Halıqaralıq "BaikonyrInvest" investiciyalıq forumı ötti.

Forum jwmısına alıs jäne jaqın şetelderden 11 memlekettiñ (Iran, Franciya, Germaniya, Makedoniya, Niderlandı Korol'digi, Koreya, Kanada, AQŞ, QHR, Resey Federaciyası, BAÄ) ökilderi qatıstı. Forum ayasında jalpı soması 100 mlrd.teñge qwraytın 24 Memorandumğa jäne 1 kelisimge (Qızılorda qalasında 400 orındıq studenttik jataqhananıñ qwrılısı jäne paydalanuğa berilui) qol qoyıldı.

Halıqtı twraqtı jwmıspen qamtamasız etu, jwmıssızdıq deñgeyin tömendetu maqsatında 2018-2020 jj. öñirde jappay käsipkerlikti damıtu jılı bolıp jariyalandı. Jüyeli şaralardıñ nätijesinde jwmıs istep twrğan käsipkerlik sub'ektileriniñ sanı soñğı jılı 9,3% ösip, 46297 birlikti qwradı. Käsipkerlik sub'ektilerinen tüsken salıq tüsimderiniñ kölemi 11 % östi.

2019 jılı oblıs boyınşa Memlekettik bağdarlamalar ayasında 6 000 astam azamat käsipkerlik negizderine oqıtıldı, sonday-aq, 3 172 jwmıssız jäne özin-özi jwmıspen qamtığan azamattar öz biznesin aşu üşin 1 mlrd. 383 mln.teñge köleminde aqısız grant aldı.

Sonımen qatar, 1436 jwmıssız, özin-özi jwmıspen qamtığan azamattar men käsipkerlerge 5,5 mlrd.teñgeden astam somağa şağın nesie berildi.

Tağı ayta keteyik, 2019 jıldıñ basınan bastap Ekinşi deñgeydegi bankter şağın jäne orta biznes sub'ektilerine jalpı soması 21,9 mlrd.teñgege kreditter berdi, onıñ işinde memlekettik bağdarlamalar şeñberinde jalpı soması 5,6 mlrd. teñgege 166 joba qarjılandırıldı.

2019 jıldıñ mañızdı oqiğası Qızılorda oblısınıñ keşendi damuına qatıstı birqatar mäseleler Qazaqstan Respublikası Ükimetiniñ qaulısımen bekitilgen oblıstıñ äleumettik-ekonomikalıq damuınıñ 2019-2022 jıldarğa arnalğan keşendi josparına engizildi.

Keşendi jospar şeñberinde 2020 jılı Şu-Sarısu şögindi basseyninde mwnay-gaz perspektivalı qwrılımdarın anıqtau maqsatında jer qoynauın zertteu jwmıstarı bastaladı. Bwl mwnay-gaz salasın damıtu mäselelerindegi eleuli özgerister.

Ayta ketu kerek, qazirgi tañda oblıs halqınıñ 63% tabiği gazdı twtınu mümkindigine ie. 2019 jılı Bayqoñır qalasın gazğa qosu jwmıstarı ayaqtalıp, Josalı, Tereñözek jäne Jalağaş siyaqtı audan ortalıqtarında kentişilik gaz jelileriniñ qwrılısı bastaldı.

Respublikalıq turistik kartağa Qızılorda oblısınıñ 3 turistik nısanı engizildi: «Qamıstıbas» demalıs aymağı, «Jañaqorğan» şipajayı, «Bayqoñır» oyın-sauıq-turistik aymağı. Bwl rette, «Bayqoñır» oyın-sauıq-turistik aymağın qwru turistik kartanıñ TOP-10-ına engizilgen. Qazaqstannıñ turistik kartası bwl aymaqtıq jäne respublikalıq mañızı bar nısandardı qamtitın karta. Kartanıñ mindeti -  2-3 jıl işinde halıqaralıq därejedegi ob'ektiler deñgeyine şığu. Bwl kartağa respublika boyınşa barlığı 60 nısan engizildi.

"Bayqoñır" ğarış aylağında turistik äleuetti odan äri damıtu maqsatında AQŞ-ta Florida ştatınıñ Kanaveral oyındağı ğarıştıq turizmdi damıtu mısalında "Bayqoñır"oyın-sauıq-turistik aymağın qwru twjırımdaması äzirlendi. Sonımen qatar, 2019 jılı "Bayqoñır"ğarış aylağın qwru jobasınıñ tehnikalıq-ekonomikalıq negizdemesi äzirlendi. "Bayqoñır" RTZ jobasınıñ TEN-ine säykes qwramına oyın-sauıq ortalığı, älemdik standarttağı qonaq üyler, meyramhana, kinoteatr, ğarıştıq attrakciondar, zımırandardıñ iske qosıluın baqılauğa arnalğan baqılau alañdarı, akvapark, wlttıq kädesıy önimderiniñ dükenderi, etnoauıl, ğarış mwrajayı kiredi.

Ekonomikanıñ türli salalarına joğarı tehnologiyalardı jedel engizu üşin cifrlandıru boyınşa 2018 jıldan bastap 47 joba iske asırıldı, qazirgi uaqıtta 11 joba boyınşa jwmıstar jürgizilude.

Qızılorda oblısı birinşi bolıp «Birıñğay kezekşilik dispetçer qızmeti» jobasın iske qostı. Endi barlıq jedel qızmetter (101, 102, 103, 112) birıñğay «112» nömirimen jwmıs isteytin boladı. Sonımen birge, şwğıl emes sipattağı qalanıñ tirşilik etu twstarı boyınşa twrğındardıñ ötinimderin öñdeytin «109-birıñğay kontakt-ortalığı» iske qosıldı. Bwl qızmet twrğın üy-kommunaldıq şaruaşılıq jäne abattandıru mäselelerin qamtidı.

Oblıs äkiminiñ esep beru bayandamasınan soñ kezdesuge qatısuşılar özderin tolğandırıp jürgen özekti mäselelerdi aytıp, swraqtarın qoydı, aqsaqaldar atqarılğan jwmıstarğa oñ bağasın berdi.

Abai.kz

1 pikir