Düysenbi, 25 Mamır 2020
COVID-19 QAZAQSTANDA. Jwqtırğandar — 8531. Jazılğandar — 4506. Qaytıs bolğandar — 35
761 2 pikir 21 Aqpan, 2020 sağat 11:14

«Latınnegizdi qazaq älipbii: wsınıstar, talqı jäne nätije» tört jwmıs tobınıñ birlesken keñesi ötti

QR Prezidenti Qasım-Jomart Toqaevtıñ älipbidi jetildiruge baylanıstı tapsırmasına oray bügin 20 aqpanda Qazaqstan Respublikası Mädeniet jäne sport ministrliginiñ wyımdastıruımen Almatı qalasında «Latınnegizdi qazaq älipbii: wsınıstar, talqı jäne nätije» attı keñes ötti. Bwl ğılımi jiınğa Mädeniet jäne sport vice- ministri N.Däueşov, Bilim jäne ğılım, Aqparat jäne qoğamdıq damu, Cifrlıq damu, innovaciyalar jäne aeroğarış önerkäsibi  ministrilikteri jäne Til sayasatı komiteti ökilderi men Wlttıq komissiya janındağı Orfografiyalıq, Ädistemelik, Terminologiyalıq, Saraptama jäne tehnikalıq jwmıs toptarınıñ müşeleri bolıp tabılatın ğalımdar qatıstı.

Jwmıs toptarınıñ birlesken keñesinde üş älipbi jobasın talqılandı. Atap aytqanda, bwğan deyin bekitilgen alayda  jetildirilu qajettigi tuındağan akut nwsqası, balamalı negizdegi umlauttı älipbi jobası jäne A.Baytwrsınwlı atındağı Til bilimi institutı ğalımdar tobınıñ älipbi jobası. Alğaşqı eki älipbi jobası 14 aqpanda Til komitetiniñ wyımdastırumen aymaqtağı til basqarmalarınıñ üylestiruimen respublikalıq kölemde filolog ğalımdar men ädiskerler, joğarğı jäne orta bilim beretin oqu orındarınıñ til mamandarı arasında aşıq talqılaudan ötti. Üşinşi joba äleumettik jelilerdi talqılandı. Atalğan älipbi jobalarınıñ qayısı qoldanuğa tiimdi ekenin anıqtau maqstında  QR Bilim jäne ğılım ministrliginde oquşılar men studenter arasında  älipbi jobaları boyınşa sınama-saualnama jwmıstarı jürgizildi. Sonday-aq, QR Cifrlıq damu, innovaciya jäne aeroğarış önerkäsibi ministriligi UNICODE-qa säykestigin, Bankter bank jüyesinde qoldanısqa ıñğaylılığı, «Nwr Otan» jastar qanatında älipbi jobaları boyınşa sınama-seminarlar, saraptau jwmıstarı jasalıp, BAQ-ta älipbidi jetildiruge baylanıstı 90-ğa juıq maqala jarıq kördi.

Keñeytilgen keñeste osı taldaular men talqılaulardıñ qorıtındıları, wsınıstar jäne sınama jwmıstarınıñ, nätejeleri saraptamaları jinaqtalıp bayandaldı. Ğalımdar älipbige  qoyılatın mınaday talaptar negizinde  qazaq tiliniñ barlıq dıbıstarınıñ qamtıluı; «bir dıbıs - bir tañba» qağidatınıñ saqtaluı;   qosımşa diakritikalıq belgilerdiñ sabaqtastığı men jüyeliligi; latın tañbalarınıñ jäne diakritikalardıñ qazaq tiliniñ dıbıstarı sipatına say boluı; älipbide ğılımi negizdiliktiñ saqtaluı; älipbi tañbalarınıñ Halıqaralıq fonetikalıq älipbi jüyesine säykestigi; älipbi tañbalarınıñ UNICODE jüyesine say boluı; qazaq tiliniñ töl tabiğatına say älipbilik rettiliktiñ saqtaluı.

Birlesken keñeste älipbidiñ üş jobası boyınşa arnayı bayandamalar jasalıp, ğılımi talqılau ötkizildi. Keñes älipbi jwmısın qortındılay kele talqılanğan   jobalar arasınan layıqtı dep tanılğan älipbi jobasın Wlttıq komissiyağa wsınılatın boladı.

Abai.kz

2 pikir