Júma, 29 Nauryz 2024
Qaynaydy qanyn... 7523 28 pikir 3 Sәuir, 2020 saghat 20:57

42 500 tengelik «karantiyn»

42 500 tenge. Qazir el-halyqtyng bas qatyrghan basty problemasy - osy 42 500 tenge boldy. Auyldaghy qazaqtyng da, qaladaghy qazaqtyng da kesheli-beri sapyrylysyp sabylyp jýrgeni - osy 42 mynnyng «qayghysy».

Preziydent pәrmen bergennen son, Ýkimet óitip-býitip 3 milliongha juyq adamgha 42 500 tengeden ýlestiretin boldy degen әngime әlemjelini әp-sәtte sharlap ketti. Tótenshe rejim tórt qabyrghagha qamaghan tar kezende túraqty tabysynan airylyp, as-auqatqa aqsha tappay jatqan aghayyngha az da bolsa kómek edi, búl. Shyndyghynda, әleumettik kómek retinde 42 mynnan beru turaly sheshim - «auzyna әkep, aq maydy salmasa da, Ýkimet ózegindi taldyrmaydy» degenning tótenshe realizasiyalanuy siyaqty edi.

Preziydent - tapsyrdy. Ýkimet: «maqúl», - dedi. Budjetten qarajat qarastyryldy. Endi kezek - atqarushy organdarda.

Áuelde, «egov», dedi. Keyin «kilt» súrady. «2 myng tenge tóleu» turaly talap taghy shyqty. Qysqasy, byltyrghy jylghy 21 mynnyng jyry qaytalana bastady. Tek, bú joly beriletin somasy sekildi, sonyndaghy shuy da eki ese kóp bolyp shyqty. Sodan, keshe ministr Núrymbetov arnayy sayt ashylatynyn aityp, úyaly telefongha habarlama jiberu arqyly aludyng jolyn úsyndy. Býgin «42500.enbek.kz» deytin sayt ashyldy. Sayt. Qaladaghy qazaqqa sayt arqyly qújat rәsimdegen tiyimdi-aq. Al auyldaghy júrt she? Janaghy jәrdempúlgha jәutendep otyrghandardyng deni auyldaghy júrt qoy. Al olar kesheli-beri poshta men bankterge aghylyp jatyr. Jalghyz olar emes. Almatynyng irgesindegi irili-úsaqty qalalardyng da jaghdayy onyp túrghan joq. Senbeseniz, әleumettik jelide әidik bolghan әlgi beynejazbalardy, әne qaranyz.

;feature=emb_title

Jogharydaghy beynejazbadaghy oqigha Almaty oblysyna qarasty Shamalghan stansasynda bolghan. Taghy biri Qaskelendegi jaghday. Al sol Almaty oblysynda koronavirus júqtyrghan 9 adam bar. Halyq toptasyp jinalghan Qaskelende 8 adam koronavirus júqtyryp, auyryp jatyr.

Ras, qaraqan bastyng emes, bala-shaghanyng qamy ýshin 42 mynnan ýmittenip jýrgen júrtty jәne kinәlay almaysyn. Qauipti virustyng jyldam taraluy men tengening túraqsyzdyghy «myrzaqamaqta»  jatqan kóp shanyraqtyng kýi-túrmysyna teris әser etpey qoymaytyny týsinikti.

Ýkimetten keletin kómekke kóz telmirtken kóp júrt «42 mynnyng ayaghy әlgi 21 mynnyng jyrynday bolyp ketpey me», dep te kýdiktenedi. Óitkeni, sholaqbelsendi shabarmandardyng júmyrtqa sanap, tauyq týgendep jýrip aqyr ayaghynda әlgi 21 myndy bermesting jaghyna jetkizgeni el-júrttyng esinen  úmyt bola qoyghan joq-ty.

Ekinshi jaghynan sapyrylysyp, qaranópir bolyp, әkimdikterdi basyp kirip jatqan júrt - 42 500 tenge ýshin ózinin, ózimen qosa myndaghan adamnyng ómirine tóteley qauip tóndirip jatqany da shyndyq.

Al búl nópir qaydan shyqty? Qalay jinaldy? Olardyng osylay jinaluyna ne sebep boldy? Endi mynany qaranyz:

Búl jana ashylghan 42500.enbek.kz sayty:

Al búl bayaghy Elektrondy ýkimettin sayty:

Al búl ótinishterin ótkize almaghan aghayynnyng kóp saualy:

Ótken jolghy 21 mynnyng jayyn aittyq qoy. Búl joly bir emes, birneshe ministr әleumettik kómekti aludyng jolyn týsindirip, arnayy sayttyng syzbasyn taratyp jatty. Ne deysiz, aqyrynda tipti «telegramm» jelisinde «bottar» arqyly ótinish qabyldaytynyn da aitty. Tek, sol aitylghandar әli is jýzinde jýzege asyp jatqan joq. «Sayt» syzylyp-sozylyp ol túr. «Elektrondy ýkimet» «kilt» týgendep ol túr. «Telegramm-bottardan» mýlde habar joq.

Al 42 myng tengege alu ýshin júrt әkimdikter aldynda túr. Kezekke talasqan halyq jәy túrghan joq. IYterisip-qaqtyghysyp túr. Tipti, keybir jerlerde tóbeles shyqqan. Onyng bәri janaghy әleumettik jelilerdegi beynejazbalarda tarap jatyr.

Qauipti virus Qazaqstannyng barlyq oblysyna jetti. Elde úzyn-yrghasy 460 adam indet júqtyrghan jәne búl kórsetkish kýn sayyn, tipti saghat sayyn ózgerip otyr. 10-nan astamy auyr hәlde. Reanimasiya tósegine tanylghan. 3 adam qaytys boldy. 13 mynnan astam adam janaghy virus júqtyrghandarmen qarym-qatynasta bolghan eken. Olar da ortaq qoghamnan oqshaulanyp jatyr. Ol az deseniz, taghy 28 medisina qyzmetkeri koronavirus júqtyrghan. Múnyng bәri ministr Birtanovtyng auzyndaghy aqpar.

Ras, 42 myng tenge bir otbasynyng bir ailyq as-auqatyna jeter-jetpes aqsha. Al sol ýshin myndaghan adamnyng ómirin bәigege tigu kimge kerek? Ne ýshin kerek?

Býginde әrkimning janqaltasynda kez kelgen bankting tólem jasaugha, aqsha audarugha arnalghan kartalaryn tabugha bolady. Shoty bar, bank kartasy qaltasynda jýrgen adamgha janadan shot ashqyzu - basy artyq burokratizm emes pe?

Biz jogharyda qara halyqtyng nópirge ainaluynyng birli-jarym sebebin atap kórsettik. Ol ministrlik úsynghan mehanizmderding - tehnikalyq jaghynan qauqarsyzdyghy. Dәlirek aitsaq, dayyn emestigi. Ol - basy artyq burokratizm. Ol - as-auqaty tausylghan júrttyng karantin erejelerin eskermegendigi.

Sondyqtan, astana jaqtaghy aq jaghalylar, qala berdi jergilikti әkimdiktegiler osy bir kemshilikti býgin retteui kerek. Áytpese, erteng indet júqtyrghandar sany eki, tipti ýsh eselenip ketui mýmkin-aq. Qauip etkennen aitamyz...

Abai.kz

28 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1569
Alashorda

Qojanov mejeleu nauqanynda (Jalghasy)

Beybit Qoyshybaev 2264
Ghibyrat

Qaysar ruhty ghaziz jan

Múhtar Qúl-Múhammed 3558